Mateo 16:21 - El Nuevo Testamento en matsés

²¹ Adshumbic Esusën tauaquin abi uënës uamete abëd icquido naden chuipondash: Shubu dadpen icquid Edusaden yacno nidendabi. Amboshon nuquin matsesën ubi chieshënquiendac nëidtedshun. Nëidic nuquin matses tsësiobon. Nëidic nëish iua cuessunneshun pichicaquidon chuiquidon. Nëidic Moisesën chiampid tantiamequidon. Aidtedishun mëyanquioquin ubi uënës uamendac. Adoacsho chococac daëdec ushash uincuenendabi, quequin chuipondash.

Mateo 16:21 Referans Kwoze

Mateo 17:12

Adquid Ediasbimbuecquid chondash. Choacsho tantienquio icquin matsesën abi bunacpaden cuessunepanëdash. Adembidi Matsesën Tishaid icsho ubitsen chieshënquin uënës uamendac, quequin chuipanëdash.

Mateo 27:63

Esus muaquidquio yec nadpadennec: Uënësash daëdec ushash uincuenendabi, quec muapadenneque.

Mateo 20:28

Adecbidi Matsesën Tishaid icsho mabi matsesën nashunnu, quecpenquio chondabi. Adenquio icquin matses nashunquin Nuquin Papa icsambuen naquidobi cuidmenquio icnuec ubided cuidadec uënësendabi, quequin Esusën ubitedi chuipondash.

Ducas 17:25

Aid uëshë choabicnuc ubi natiametequid iquendac. Adembidi: Chuiquid tapa nec, cainquiocquin ubi isadaidbon chieshëmbededendac, quepanëdash Esus.

Ducas 24:46

Nuquin Papan chuiquin dada uamiampid nad iquec: Nuquin Papan Chomiaid Quidistu Mesias caidbidi matsesën mëyanquin uënës uaqui daëdec ushash uincuenendac, quequin chuipampic.

Madcos 8:31

Aden chuishumbic abi uënës uate tantiamequin abëd icquido Esusën tauaquin chuipanëdash. Matsesën Tishaid icshobi natiamequin nëidtedishun ubi mëyanmendac. Nëidic isadaidbon chuiquido tsësiobon. Nëidic nëish iua cuessunneshun pichicaquidon chuiquidon. Nëidic Moisesën chiampid tantiamequidon. Aidtedshun mëyanmequin uënës uamiaqui daëdec ushash uincuenendabi, quequin Esusën chuipanëdash.

Ducas 9:31

Aid daëdi adecbidi bëchamauanquiec isadec Esusbëd onquec tabadquin Edusaden yacnoshon Esus uënës uamete chuipanëdash.

Mateo 26:47

Aden chuinubien Esusbëd icbued Udasbëd matses dadpen chochopondash. Aido utsi utsiec chështe sanambededtsëquiec chonobi utsibo cueste sanambededtsëcquiec chochopondash. Nuquin Papa ismequin nëish iua cuessunneshun pichicaquidon chuiquidobëtan cun matses tsësiobon: Bedtan, cac chochopondash.

Mateo 26:2

Daëdec ushshun nuquin tsusedpabon: Ma cun mado uënësmenquio icnu, queshun obeca caniactsëc cuessunniampid tantiaquin penun obeca caniactsëc cuessunnec, quequin mibitedishun tantiec. Aid uëshëmbi Matsesën Tishaid icshobi cueste napotiaidën dectanmenun ubi bedendac, quepondash Esus.

Mateo 27:12

Adnubien Nuquin Papa ismequin nëish iua cuessunneshun pichicaquidon chuiquidobëtan isadaidbon chuiquid tsësiobon: Esusën icsambuen naosh, quequin Pidato chuipanëdash. Aden chuisho tantiashun Esusën ëcbedenquio icpanëdash.

Mateo 16:28

Aden chiashic Esus: Abimbo chuinu. Tantiata. Nëmbo tabadquid ubi tantiaquid utsi utsiec uënësabi yec nidaidën abi tabadquin Matsesën Tishaid yec abitedishun Icbombo icmiacsho isendac, quepondash Esus.

Mateo 12:40

Onas nuëcquid tapa nuamboshëcquidën chebudac aidën pucun uec daëdec ushpampic. Adecbidi Matsesën Tishaid icshobi mëyanquin uënës uacsho chococac Onas yampicpadec daëdec ushash uincuenquin mibitedi ismendambi.

Mateo 16:22

Adsho tantiashumbien Petedon Esus uannotantsëc buantanquin ambentsëqui naden chuipanëdash: Icsambuen mimbi chiec. Nuquin Papan mibi adometiapimbo ictsiashe. Aden icsambuen chienda, Icbo, capanëdash Petedon.

Mateo 17:9

Adtanec macuësh budequi Esus: Mimbi isbued nëbi utsibo chienda. Matsesën Tishaid icshobi uënës uamiac ubi uincuenacsho issumbi chianta, quepanëdash ambi buanaido chiec.

Mateo 28:6

Nëmbo nibëdec. Ambi chuibocpadequi uincuenash nidosh. Abi nambocno en isec cho, cac chidobon isac nibëdquio icpanëdash.

Madcos 9:12

Adoaquien Esusën: Ai, abimbo chiosh. Matses bëdambuec tabadmenuec Edias bëyuc choendac, quequin Nuquin Papan Chiampid iquec. Adquid icnuc ¿atotsi queshun Matsesën Tishaid yec nëbi tabadsho matsesën chieshënquin natiamequin mëyanendac, quequin chiampid icuapec?