Mateo 14:27 - El Nuevo Testamento en matsés

²⁷ Adnubien Esus: Ubi neque. Dacuëdenda, quepondash.

Mateo 14:27 Referans Kwoze

Uanën dada uaid 16:33

Ubi tantiaquin umbi chiacpadombuen naic ubëd abentsëc yacbimbuec natienquio yec tabadec ma bëdambo icnu, quequin tantiaquin dadpen mibi chuibanombi. Nidaidënuësh mibitedi natiec shubitequid iquendac. Adquid icnuc natienda. Chieshëmënquid dacuëdënenda. Mayan Icsa Satanas dëniacquidquio icquin mibi aid iuametiapimbo icquid nebique. Dacuëdenda, quepondash Esus abëd icquido chiec.

Hechos 23:11

Aden buanshun shubu nuntan sondadon iuedaquien Pabado ushash badiadash padpidec inchëshquidën Pabado yacno choec isadcuenshun Nuquin Icbon: Chieshtoenda, Pabado. Mimbi Edusaden yacnoshon ubi chuibambocpadembidi shubu dadpen icquid Doma yacnoshontsen mibi chuibanmembique. Dacuëdenquio yec dayacquio yec nidta, quequin chuipanëdash.

Uanën dada uaid 6:20

Adshobien: Ubi neque. Dacuëdenda, capondashi.

Mateo 17:7

Adshobien Esusën camishquin: Dacuëdenquio yec nidto, cac

Mateo 9:2

Adnubien utsibon dada shëquëquenquio icquid Esus ismenuen nënquid nandoten nandoshon bëpanëdash. Bësho issumbien Esusën: Ubi caic: Aidën bëdanmetsiash, queshun aidon bëosh, queshun naden daicsaid shëquëquenquiocquid chuipanëdash: Bëdambo yec cuishonqueta, mado. Mibi cuidtiapimbo yec mimbi icsambuen naid tantienquio yec bëshunobique, capanëdash Esusën.

Ducas 1:30

Adec tsadsho issumbien Cabadiedën: Madia, dacuëdenda. Mibi bëdambuen isquin Nuquin Papan tantiaid nad iqueque.

Ducas 1:13

Adsho isash Nuquin Papabëd icquidquio nadpanëdash: Dacuëdenda, Sacadias. Bacuë bunquin mimbi chiannebued Nuquin Papan tantioshe. Min chido Isabedën min mado tishendac. Tishacsho Uan cuënta.

Mateo 28:10

Adoaquien Esusën: Dacuëdenda. Cun utsibo ubëd icquido naden chiec nid: Nidaid Cadidea yacno nidannec nid. Amboshon mimbi ubi isendac, quiosh, quequin chiec nid, caquien Madian chido utsibobëd choquin chuituidpanëdash.

Ducas 2:10

Adsho issumbien Nuquin Papabëd icquid chobuedën: Dacuëdenda. Chiaid Bëda matses abitedi cuishoncametequid chuinuec chobique. Dacuëdenquio icquin tantiata. Chuinu.

Mateo 14:28

Adoaquien Petedon: ¿Cun Icbombobida ne? Cun Icbombo icquin en ubi: Acte bëntse cho, ca, capondash.

Mateo 28:5

Adnubien Nuquin Papabëd icquidën chidobo naden chuipanëdash: Dacuëdenda. Cueste napotiaidën dectanquin uënës uamebued Esus isnuec nec, quequin mibitedi tantiembi.

Madcos 6:50

dacuëdtanec sidquecuededpanëdash abëd icquido. Adsho issumbien: Ubi neque. Dacuëdenda, capanëdash Esusën.

Ducas 5:10

Adecbidi Santiacobëd Uan tantiadempambo yec tabaduapanëdash. Aid daëdi Sebedeon mado yec Simombëd icquid nepanëdash. Adec Simon shuebudash onquesho tantiatanec Esus nadpanëdash: Dacuëdenda. Mimbi nuëcquid bedbocpadombuembidi nëbi bedanquin ubi tantiaquid icmenuen nidaid utsi utsiec yacno capuquin mimbi matses chuiben chuibenendac, quepanëdash Esus Simon Petedo caic.

Ducas 12:32

Mibitedi cun obecabimbuecquido nec. Adquido yec daëdpactsëc icshobi Nuquin Papan ambi namiacno tabadmete buneque. Dacuëdenda, caimbi.