Mateo 14:13 - El Nuevo Testamento en matsés

¹³ Nidshumbic: Mibi acten mentondaid Uan mapi butiaccosh, quequin chuituidpondash. Adsho tantianec cano antabëdtoanec nidec abentsëqui icnuec matses nibëdacno Esus nidpondash. Adec nidquin chian potesho isash: Nuquitsen nidnunid, quianec shubu dadpen icquid yacnouësh choquido matses dadpen chian dëquiadec podqued nidquidën nidannepaccondash.

Mateo 14:13 Referans Kwoze

Mateo 12:15

Adnubien Esus: Ubi cuessunnemete bunec, quequin tantianec auëshquiobi puduanec nidpondash. Nidsho issumbien matses dadpenshun tsibanampondash. Adshumbic aidon bëbëaid daicsaidobëta nënquidotedi bëdanmebampondash.

Mateo 10:23

Shubu dadpen icquid yacno nidacsho natiamequin chieshënac shubu dadpen icquid utsi yacno cuenta. Amboshontsen umbi naid chuisho chieshënuac shubu dadpen icquid utsi yacnotsen cuenuata. Adecuidi cuendedneta. Nëid nidaid Isadaidën shubu dadpen icquid abitedi yacno nidabi icnubi nuquin matses isadaidbo abitedi chiabi icnubini Matsesën Tishaid yec chouaindac, quepondash Esus.

Mateo 14:12

Adnubien Uambëd icquidon: Uan mapi butiac caosh, quesho tantiash nidshun Uanën dada bedanquin buanshun chococatampanëdash. Adotanec Esus chiec nidpanëdash.

Madcos 1:35

Adashic badiadte anoentsëqui isucunanec shubu nibëdacno abentsëqui Esus nidpanëdash. Adec nidshun Nuquin Papa chuipanëdash.

Ducas 4:42

Adashic badiadbudtsëqui matses nibëdacno abentsëqui icnuec Esus nidpanëdash. Adec nidacsho issun matses dadpenshun nibënquin istuidshun: Nidenquio yec ¿ada ubëdi tabadtsia? capanëdash abi istuidquidon.