Mateo 13:48 - El Nuevo Testamento en matsés

⁴⁸ Aden nëshaid cubu cubuctsëcquio icnuc nuëcquid bedshun acte cuëman sambudash tabadquin nuëcquid nibedquid. Nuacquid tsitsanën sandobanquimbi aniactsëcquid acte nësecaquid.

Mateo 13:48 Referans Kwoze

Mateo 13:30

Ma aidbëdi caniec ëshëpanuna. Ëshëacsho issun abitedi bednun nanuna. Adoshombic icsambo icquidba tsindobanshun nëdëncanun nanuna. Adotanquimbic petembo bedshun sandoshon pete dayun uate shubun sannun nanuna, caposh tied icbon, quequin Esusën chuipondash.

Mateo 3:12

Adosbiecquid tidico caid ëshë uashun icbon dayunuaic. Adoshombic bitsi tsindotanquin nëdëncaic. Adoacbimbuen abi tantiesabo icsho ënëdenquio yec chian annëdënquequid Nuquin Papan nësecaindac. Adoshombic abi tantiaquidotedi abi yacno puduedmendac, quepanëdash Uan acten mentoanquid.

Mateo 4:18

Aden chuibennec chian dapa Cadidea caid cuëman nidquin isaquien dadan aton utsibëtambi nëshaid tapa acte nënepec. Aidi Simon cashumbic Petedo caidbëd aton utsi Andedes nepanëdash. Aid daëdshun nuëcquid bedquidombo icquin aton nëshaid acte nënesho istuidpanëdash Esusën.

Mateo 13:47

Adshumbic Esusën Nuquin Papan namete padpiden chuiuaquin utsi chiacbimbuen chuiuapondash. Tantia. Mibi chuinu. Nuëcquid bedshun nibedacbimbuen naindambi. Matsesën nuëcquid bednuen aton nëshaid tapa acte dapa mad caid nëneshun nuëcquid utsi utsien bedquid.

Mateo 13:49

Adombuembidi Nuquin Papan abitedi cuidte uëshë chonoc Nuquin Papabëd icquido nidaidën chomendac. Adoac choshon nuëcquid nibedacbimbuen matses bëdambocquido Nuquin Papa yacno tabadmequimbi