Mateo 13:47 - El Nuevo Testamento en matsés

⁴⁷ Adshumbic Esusën Nuquin Papan namete padpiden chuiuaquin utsi chiacbimbuen chuiuapondash. Tantia. Mibi chuinu. Nuëcquid bedshun nibedacbimbuen naindambi. Matsesën nuëcquid bednuen aton nëshaid tapa acte dapa mad caid nëneshun nuëcquid utsi utsien bedquid.

Mateo 13:47 Referans Kwoze

Uanën dada uaid 15:6

Uba icbon cuidi utsi utsiec bacuëesa icsho pateshun tsindoshon tanunacsho nëdëncaquid. Adoacbimbuen ubi tantienquio yanec ubëd cuëshëdshun utsibo ubi tantiamenquio icsho Nuquin Papan icsambuen naquido cuidacno nësecaindac, quepondash Esus.

Esusën Uan ismiaid 3:1

Naden padpiden chuiuaposhi: Saddes yacnoshon ubi chuibanquidën iste chuinu. Dada uata. Nuquin Papan mayan 7tedbëta uispa 7tedbidi sananquin ismebuedën naden chioshibique. Tantia, Saddes yacnocquido. Mibitedi chuinu: Mimbi naidtedi tantiembi. Uënësacbimbuen mimbi ubi bëdambuen tantienquio iquec. Matsesën: Bëdambuen tantiaquidquio nec, mibi canubi umbien padenquio iquec.

Madcos 1:17

Aden istuidshumbien: Nuquibi icnu. Cho. Nuëcquid bedquid icbuedi nuëcquid mimbi bedbocpadombuembidi nëbi umbi namiaid icquin matses chuibanquid mibi icmenu, capanëdash Esusën.

Cadasia 2:4

Esus tantiaquid danmianquiec muaquido ubitedi tabadacno ompodash puduedpaccondash. Esuquidistu tantiasho Nuquin Papan nuquitedi bëdambuen isec, quequin cun tsusedpan chiaid niacsho tantianu, quiash umbi chuibanacno puduedpaccondash. Adec puduedshun tantiashic: Mimbi icsambuen chiec. Nuquin tsusedpa Moisesën chiampidtedi nasho Nuquin Papan bëdambuen istsiash, quenuen tantiec tabadpaccondash.

Codinto 2 11:26

Adecbidi quenenenquio yec capucuennequin Esuquidistu chuibenniombi. Adec utsi utsiec yacno nëpaëdtiapambocquid acte potec nidtedniondabi. Adecbidi ampeshumënquid icpondash. Adecbidi cun matses isadaidbobi ubi mëyante bunquid icpondash. Adecbidi isadaidpembo adquidbidi icpondash. Shubu dadpen icquid yacno adquidbidi ubi cueste bunquid icpondash. Matses daëdpactsëc yacno adecbidi ubi cueste bunacno capucuenniondabi. Adecbidi acte dapa mad caidën capucuenniondabi. Esuquidistu tantiaquid nebi, quequin muaquin chuiquidën mibi cueste bunec, caqui capucuenniondabi.

Hechos 20:30

Adembidi mibëd iccuededquidëmbi utsin utsinquien Nuquin Papan Chiaid abimbo chiacbimbuen muaquin chuibanendac. Esus tantiaquidon chuiquidquio icnu, quequin adoendac.

Ducas 5:10

Adecbidi Santiacobëd Uan tantiadempambo yec tabaduapanëdash. Aid daëdi Sebedeon mado yec Simombëd icquid nepanëdash. Adec Simon shuebudash onquesho tantiatanec Esus nadpanëdash: Dacuëdenda. Mimbi nuëcquid bedbocpadombuembidi nëbi bedanquin ubi tantiaquid icmenuen nidaid utsi utsiec yacno capuquin mimbi matses chuiben chuibenendac, quepanëdash Esus Simon Petedo caic.

Mateo 4:19

Adshumbien Esusën: Nuquibi icnu. Cho. Penuen nuëcquid bedquid icbuedi nëbi matses ubi tantiaquid icmenuen ubi chuibanquid mibi icmenu, capanëdash.

Codinto 1 11:19

Adec cuësh cuëshëdquid mibi yacno icac bëdambo ictsiash. Adec utsi utsiec cuëshëdsho issun mimbi naden tantiatsiac. Cuësh cuëshëdenquiocquid icsho issun: Chieshtoenquio icquin Esus tantiaquidombo nec, quequin mimbi tantiatsiac.

Uanën dada uaid 15:2

Uba taneshcaquidën cuidi utsiuc bacuëesa icsho pateshunnequid. Adotanquin bëdambuen bacuëmenuen cuidi dadpen icquid utsi utsien pateshun secaquid. Ma dadpen bacuënu, queshun aden nacnenquid.

Mateo 13:44

Adshumbic padpiden Esusën Nuquin Papan namete naden chuipondash: Tantia. Utsibon ompoampid bëdamboshëcquid istuidaid bedte cumapenec bunquiaid mibi chuinu. Utsin tied nantan nidshun dadan utsibon ëndenquimbo ompoampid piucquid dadpenquio sandoaid istuidposh. Aden Istuidshun aid bedte bunquin padpiden ompouaposh. Adshumbic atona abitedimbo menequin piucquid dadpen bedshun tied icbo aid piucquid meneposh. Adshumbic: Nëbi cun tied nec, queshun piucquid ompoampid bedposh.

Mateo 13:46

Aden nibënquin bëdaidquio icsho istuidash: Nadquid utsi nibëdec, quiash cumapenec bedte bunquioposh. Adshun atona abitedimbo menequin piucquid bedshun casëdo icbo aid piucquid menequin casëdo bedposh.

Mateo 13:48

Aden nëshaid cubu cubuctsëcquio icnuc nuëcquid bedshun acte cuëman sambudash tabadquin nuëcquid nibedquid. Nuacquid tsitsanën sandobanquimbi aniactsëcquid acte nësecaquid.