Mateo 13:45 - El Nuevo Testamento en matsés

⁴⁵ Tantia. Nuquin Papan nametequid chuiquin mibitedi chuiuanu. Acte dapan icquid chiun bedshun nacnenaid casëdo ushumbo yec bëdamboshë usadquid bunquin bednuen nibëmbenneposh.

Mateo 13:45 Referans Kwoze

Mateo 16:26

Abi bunaid dadpenquio bedbanec Ubi tantiesa yec uënësash Nuquin Papa yacno puduedtiapimbo iquendac. ¿Adquidta bëdambo icpadic? ¿Nuquin Papa piucquid menecta matses aid yacno puduedpatsiash? Padenquio.

Mateo 13:24

Adshumbic Nuquin Papan namete utsi tantiamenuen Esusën utsi chiacbimbuen padpiden chuibanuapondash. Tantia. Chuinu. Tiedën caniquid pete adosbiecquid icbon seposh.

Mateo 22:5

Nidenquio iquebi, queposh. Adash abentsëc aton tied nantan nidnubi utsi: Piucquid bednu, quequin ambi atona menebante shubuno nidposh.

Mateo 7:6

Adshumbic padpiden chiec: Mimbi Nuquin Papan Chiaid bëdambuen chianniaqui tantienquio icsho chuidonenda. Nuquin Papan Chiaid chuibudaqui tantiatiapimbo icquin niacniacsho issun chuidonenda. Opan abi pemequidi piacbimbuen mibi chieshëntsiashe. Adembidi chanchon aton icbon dashcute paëdacsho bëchish uaquin tintincacbimbuen Nuquin Papan Chiaid niac niactsiashe. Adquid chuidonenda, quepanëdash Esus.

Mateo 13:46

Aden nibënquin bëdaidquio icsho istuidash: Nadquid utsi nibëdec, quiash cumapenec bedte bunquioposh. Adshun atona abitedimbo menequin piucquid bedshun casëdo icbo aid piucquid menequin casëdo bedposh.