Mateo 13:33 - El Nuevo Testamento en matsés

³³ Adembidi Esusën utsi chiacbimbuen naden chuiuapondash: Nuquin Papan namiacno tabadte nadquio iquec. Chidon nami uashun cabiunac nua bidisquedoec. Adquiecbidi Umbi Chiaid tantiaquidën chuibanac ubi tantiaquido dadpen yanendac, quequin Esusën chuipondash.

Mateo 13:33 Referans Kwoze

Cadasia 5:9

Nadquio muaquin chuibanquido iquec. Pan bidiscamete aniactsëc cabiunac pan abichobi bidisquec. Adacbimbuec muaquid abentsëcshun chiac matses dadpenshun abimbo tantienquio yantsiashe. Muaquin chiaid tantienda.

Ducas 13:21

Nadquio iqueque. Chuinu. Tantia. Chidon sicanun ambi masiaid nami uashun cabiunac amëec nua bidisquedoec, quepanëdash Esus.

Petedo 2 3:18

Aid tantiasho nuqui bëdambuen isec, quequin Nuquin Icbo Esuquidistu tantiabenshun ambi chiaid daëdpactsëc tantiabuedi dadpen tantiabenash tabadquin Esus tantiaquionona. Adshun: Nibëdantiapimboquid yec Mibi Bëdamboshëcquid nec, canuna ënenquio icquin. Amen. Aidted chuiquin dada uaombi.

Pidipos 1:9

Naden mibitedi tantiaquin Nuquin Papa chiannembi. Aido bëdiactsëc tantianansho canidoacbimbuec utsibobëd tantiananmequiota. Adembidi mimbi naid bëdiactsëc tantiasho tantiamebenquiota.

Pidipos 1:6

Nuquin Papan tantiamiac mimbi Esus tantiabenondac. Aden abi tantiasho mibitedi bëdambuec tabadmec. Adoac Esuquidistu nidaidën padpidec choacnobi cuësquec bëdambuec tabadquidquio yanendac.

Uanën dada uaid 15:2

Uba taneshcaquidën cuidi utsiuc bacuëesa icsho pateshunnequid. Adotanquin bëdambuen bacuëmenuen cuidi dadpen icquid utsi utsien pateshun secaquid. Ma dadpen bacuënu, queshun aden nacnenquid.

Madcos 13:20

Adquid icnuc Nuquin Papan ënmenquio icnuc matsestedi nibëdantsiandac. Adnushe, queshun Nuquin Papan: Cun matses nec, caido tantiaquin Nuquin Papan ënmendac.

Mateo 13:24

Adshumbic Nuquin Papan namete utsi tantiamenuen Esusën utsi chiacbimbuen padpiden chuibanuapondash. Tantia. Chuinu. Tiedën caniquid pete adosbiecquid icbon seposh.