Mateo 12:50 - El Nuevo Testamento en matsés

⁵⁰ Cun Pa abuc tabadquidën chiacpadombuen nabanec tabadquid icsho dada cun utsibo caquimbi chido cun chu catanquimbi utsi cun ta caimbi, quepondash Esus.

Mateo 12:50 Referans Kwoze

Ducas 8:21

Adoaquien: Nuquin Papan Chiaid tantiashun aidën chiacpaden nabanec tabadquid icsho dada cun utsi catanquimbi chido cun ta caimbi, quepanëdash Esus.

Madcos 3:35

Adashic: Nuquin Papan chiacpaden nabanec tabadquid icsho dada cun utsi caquimbic chido cun chibi catanquimbi utsi: Cun ta nec, caimbi, quepanëdash Esus.

Uanën dada uaid 15:14

Umbi chuibued tantiaquin nabansho mibitedi cun utsibo caimbi.

Uanën dada uaid 6:29

Nuquin Papan chiacpadombuen nate bunquin Aidën Chomiaidquio tantiata, quepondash Esus.

Mateo 28:10

Adoaquien Esusën: Dacuëdenda. Cun utsibo ubëd icquido naden chiec nid: Nidaid Cadidea yacno nidannec nid. Amboshon mimbi ubi isendac, quiosh, quequin chiec nid, caquien Madian chido utsibobëd choquin chuituidpanëdash.

Doma 8:29

Ëndenquimboshë Nuquin Papa aido tantiec nadpampic: Nëido Cun Madobimbuecquid icmeshun aidon buchi bëyucquidbimbuecquid Cun Madombo icmendambi. Adshumbic aidën utsibobimbuecquid tsiuec dadpenquio icmendambi.

Uanën dada uaid 6:40

Cun Pa bunacpaden ubi tantiaquido uënësacsho uincuenmete uëshën uincuenmeshun Cun Pabëd ubi tabadacnombo ënëdenquiocnoc tabadmendambi, quepondash Esus ambi pemebuedo chiec.

Uan 1 2:17

Adec Esus tantiesabo icquin ambi icsambuen naidbëdi abi bunaidtedi nibëdanendac. Padnuen Nuquin Papan chiacpadombuen naic tabadquid ënëdenquio yec Icbobëd tabadtequid nendac.

Mateo 25:40

Adoac naden abitedishun Icbombo icquin chiendambi: Tantia. Mibitedi chuinu. Umbi chiacpadombuen atona nibëdquido utsibon bëdambuen istiapimbocquido mimbi nashundednec. Aden ubi nashunacbimbuembi mimbi aido nashundedneque. Ubëdi tabadec cho, caindambi.

Timoteo 1 5:2

Cun tabimbuecquid nec, queshun machobo bëdambuen chuibanta. Adembidi chido buntacbotsen: Cun chibibimbuecquid nec, queshun bëdambuen isquin: Nëid chudtiadquio icchitebi, quenquio icquin Nuquin Papan Chiaidquio chuibanta, mado.

Petedo 1 4:2

Aden mimbi tantiacpadombuen nainquio icquin Nuquin Papan tantiacpaden nate bunquidquio mibitedi iquendac.

Cadasia 6:15

Shui dëbid dëtemiaidobëta shui dëbid dëtemiacmaido Nuquin Papan bëdambuen istiapimbo iquec. Abi tantiasho Esusën chuca uaidien Nuquin Papan bëdambuen isendac.

Uanën dada uaid 20:17

Aden abi chuiquin dayunshobien Esusën: Ubi dayunenda. Umbi chuibocpadec Cun Pa yacno nidabi iccobique. Ubëd icbued umbi cun utsi cabuedo umbi chuibuedquio chiec nid. Mibitedishun Nuquin Papa cabued Cun Pabidi nec. Adquid icnuc aid yacno nidendabi, quiosh, quequin chuita, quepanëdash Esus.

Esusën Uan ismiaid 22:14

Matsesën aton dashcute bëchishaid panacbimbuen ambi icsambuen naid ënsho Nuquin Papan bëdambo icmendac. Adoac shubu dadpen icquid bëdamboshëcquid yacno puduedash cute bacuë uënëstiapimbo icmetequid chec aid yacno tabadendac.

Codosas 3:11

Adquid icmiac Esuquidistu tantiaquid utsibotedi Nuquin Papan bëdambuen tantiaquiec. Nëid isadaidbo nec. Nëid isadaidpembo nec. Nëid shui dëbid dëtemequid nec. Nëid shui dëbid dëtemesa nec. Nëid matses utsin dada uaid isec onquequin dadpen tantiaquido nec. Nëid matses utsin dada uaid isec onquequin daëdpactsëc tantiaquido nec. Nëid iua nec. Nëid iuapenquio nec, quenquio icquin aidtedishun Esuquidistu tantiasho Nuquin Papan bëdambuen isendac. Adecbidi abitedishun Icbombo abentsëcquiobi Esuquidistu nec. Aidi abi tantiaquidotedibëd icquidquio nec.

Cadasia 5:6

Esuquidistunuidtsëqui shui dëbid dëtemiaidobëtambi dëtemiacmaidontsen abi tantiasho bëdambuen isec. Adoac aid tantiaquido yec utsibobëd tantiananquid nuquitedi nendac.

Hechos 17:30

Ënden matsesën ambibi nacnenshun: Papa, quequin cuënsho tantiash Nuquin Papa: Padi. Aden nainda, quenquio iccondaidi nëbi: Mimbi icsambuen tantiaid ënshun ubi tantiaquin umbi chiacpadombuen nabanta, quequin matses abitedimbo chiec.

Mateo 17:5

Adec Petedo onquenubien abu ushu bëchamauanquiec choquidën abitedi bëtimpanëdash. Adnubien abu ushu nënantanuëshquio Nuquin Papa onquiampanëdash: Nëid Umbi tantiaidquio yec Cun Madombo nec. Umbi chiacpadombuen nasho Umbi bëdambuen isaidquio neque. Aidën chuibansho bëdambuen tantiata, quec dacuëdampambuec onquepanëdash.

Ebedeo 5:9

Aden tantiabenash matsesën icsambuen naid bedshunash abided cuidadquid icquin matses Nuquin Papan chiacpadombuen naquido Nuquin Papa yacno ënëdenquio icnuc tabadmequid yanquiopanëdash.

Codinto 2 11:2

Nuquin Papan tantiamiacpadec mibitedi tantiec cudasquidquio nebi. Naden tantiec: Chido bedabicquidën abi bedquid aton bënëuidtsëqui tantiacbimbuen ma Esusuidtsëqui tantiapanu, quequin mibitedi tantiec nebi.

Hechos 26:20

Shubu dadpen icquid Damasco yacnoshon bedanquin Esusën naid Chiaid Bëda chuibanondambi. Adshumbic Edusaden yacnoshontsen chuibanuaondambi. Adshumbic aid nidaid cuëshë Udea caid shubu utsi utsiec yacnoshontsen chuibenniondambi. Isadaidboba chuibanshumbic Isadaidpembotsen naden chuibanombi: Mimbi icsambuen naid ënshun Nuquin Papambo tantiaquin Aidën chiacpaden nabanta, quequin chuibampondambi.

Mateo 25:45

Adoac naden chiendambi: Atona nibëdquido nashunenquio icquin ubibi nashunenquio yacbimbuen umbi chiacpadombuen naisabo mibitedi neque. Nuquin Papan icsaido cuidacno nid, caindambi.

Codinto 1 9:5

Adembidi ubëd chuibennec nidquidën aton chido Esus tantiaquid buanac bëdambo iquec. Adombuembidi Petedon aton chido buanec. Adembidi Esusën utsibon chuibennequin aton chido buansho: Bëdambo iquec, caimbi.

Mateo 12:49

abëd icquido mëdquin ismec: Nëido cun tabëd cun utsibo nec, caimbi.

Mateo 13:1

Aton tita choaid uëshëmbi Esus shubu yacnouësh puduenanec nidec chian cuëman budash tabadtuidpondash.