Mateo 12:10 - El Nuevo Testamento en matsés

¹⁰ Ambobi dada mëicsatsaid tsadnubi: Chonoadtemaid uëshëmbi matses bëdanmequin Nuquin Papan Chiaid niacsho issun: Mimbi icsambuen naic, canuna, queshun padiseobon Esus naden chuipondash: ¿Nadquid chonoadtemaid uëshëmbi matses bëdanmequinda Nuquin Papan Chiaid niaquenquio icpec? caquien

Mateo 12:10 Referans Kwoze

Ducas 13:14

Aden chonoadtemaid uëshëmbi Esusën chido bëdanmesho istanec nëishshun Nuquin Papan Chiaid chuibante shubun icquidon chuiquidën: Nëid uëshë chonoadtemaid uëshë neque. Mabi bëdanmenu, quequin tantiec nëid uëshënquio choenda. Chonoadtequid uëshënquio: Bëdanmenu, quec chota, quequin iccuededquido chuipanëdash.

Uanën dada uaid 9:16

Adec: Bëpamëdec bëdanobi, quesho tantiashien padiseobo utsi utsiec nadec onquecuededpanëdash: Nuquin Papan Chomiaid icquin Aidën Chiaid niaquenquio ictsiash. Ma chonoadtemaid uëshën nëid bëdanmequin Nuquin Papan Chiaid niacpayoc, quenubien utsibo: ¿Nuquin Papa tantiesanda aden bëdanmepatsiash? Ma nadatiambocquin nabampaboc, quepanëdash. Adshumbic abitedishun: Esus icsambo iquec, cainquio icquin

Uanën dada uaid 8:6

¿Atotsi Esusën chieque? Nuquin Papan chiampidquio chienquio icsho: Mimbi icsambuen chiec, catiad, queshun: ¿Adembidida mimbi tantie? capondash. Adoaquien Esusën ëcbedenquio icquin shuebudshun mëdante dëshbin nidaidën dada uapondash.

Uanën dada uaid 5:10

Aden buanshobien cun matses isadaidbon chuiquidon: ¿Chonoadtemaid uëshënda uete buampaid? Aden mibi nandote buanquin ma mimbi Moisesën chiampid niacpayoc, quequin chushcapanëdash.

Ducas 11:54

Adash Esusën chuibanacno nidanneshun: Icsambuen chuimenu, quequin naden tantiapanëdash: Ubitedishun chuimiac icsambuen chuisho tantiashun: Icsamboshëcquid nec, canuna, quequin tantiaquin Esus icsambuen chuimete bumpanëdash.

Mateo 12:2

Aden pebededsho istuidshumbien padiseobon: Is. Mibëd icquido chonoadtemaid uëshëmbi chonoadeque, capondash Esus chuiquin.

Uanën dada uaid 5:3

Aid shubumpin matses dadpen nadquidtedi tabadpondash. Daicsaido yec nënquido yec bëshuaido yec tidinquequido yec shëquëquenquio icquido yec quec tabadpondash.

Ducas 23:2

Aden Pidato yacno Esus bëec choash nadpanëdash: Nëidën chuibambued tantiashun: Icsambuen namianquid nec, quequin tantiaquin mibi yacno bëombi. Adquid icquin chuiquid tapa Sesadën: Piucquid tsasicquidëmpi bec cho, cac: Menenda, quiosh. Aidbidi: Isadaidbon chuiquid tapa Quidistu nebi, quiosh, quepanëdash isadaidbon chuiquido Pidato chiec.

Ducas 23:14

Esus ismequin Pidaton naden chuipanëdash: Nëid dada bëshun: Cun matses cuesnantiadpambo icnuc cuëdnanmec icsambuen namianquid nec, quequin mimbi ubi chuipoc. Adoac mibitedishun tantianubi aidbëd onqueshun: Icsamianquidpenquio nec, quequin tantiembi.

Ducas 20:22

Adquidquio icquin en ubi chui. Tantianu. Chuiquid tapambo Sesad cuëmëdquid isadaidpembo icquin: Piucquid tsasicquid bec cho, quesho ¿aid meniacta bëdambo icpatsiash? quepanëdash: Esus chuimetan, caido.

Mateo 19:3

Adnubien Esus yacno choshon padiseobon Esus chieshënquin: Nuquin Papan Chiaid icsambuen chuimenu, queshun Esus naden chuituidpondash: Aton bënën aton chido icsambuen nabi icshobi ambembi chuiquin dada uashun cuenmiac ¿ada bëdambo icpatsiash? capondash.

Madcos 3:2

Esusën bëdanmesho isnuec padiseobo tabadpanëdash. Adec tabadec: Nëid uëshë chonoadtemaid icnubi Esusën mëicsatsaid bëdanmesho isnu. Bëdanmesho issun: Mimbi icsambuen naic, canuna, quiash tabadcuededpanëdash.

Uanën dada uaid 7:23

Aden Moisesën chiampid niaquenquio icquin shui dëbid dëtemequin mibitedishun bëdambuen naic. Chonoadtemaid uëshëmbi mimbi natsiac. Umbitsen dada shëquëcadenquiocquid bëdanmequin mambi bëdambuen napaboc. ¿Atotsi quequin ubi nëishënquin nai?