Mateo 11:1 - El Nuevo Testamento en matsés

¹ Aden: Chuibennetan, cac abëd icquido nidannenubi auëshquiobi puduanec nidshun shubu dadpen yacno yacnombuen Esusën Nuquin Papan Chiaid Bëda chuibennepanëdash.

Mateo 11:1 Referans Kwoze

Hechos 10:38

Ma abëd tabadnu, queshun Nuquin Papan aton Mayan Bëda meniac nadatiambocquin Esusën nabampondash. Shubu daëdpactsëcquid Nasaded yacnouësh caniquid yec capuquin bëdambuen nabanquin Mayan Icsa Satanasën mëyanaido icsho Esusën bëdanmebampondash. Aden Nuquin Papabëd icquin aidën nabanaid chuisho mimbi tantiapanëdac.

Ducas 8:1

Adshumbic Esusën shubu daëdpactsëcquidbëd shubu dadpen icquid yacno yacnombuec capucuennequin: Nuquin Papan namiacno tabadte iquec, quequin Chiaid Bëda chuibennepanëdash. Aden chuibennec capunuc abëd icquido 12ted adecbidi Esusbëd nidpanëdash.

Mateo 9:35

Aden onquesa bëdanmianec nidash shubu daëdpactsëcquidbëd shubu dadpen icquid yacno yacnombuec capucuennequin Nuquin Papan Chiaid chuibante shubun puduedcuennequin: Nuquin Papan namiacno tabadte iquec, quequin Chiaid Bëda chuibennepondash. Adshumbic ambocquido daicsaidobëta nënquidotedi bëbëacsho bëdanmebampondash.

Tesadonica 2 3:10

Mibëd tabadquin naden chiondambi. Chonoadte bunenquio yec chieshuidequi icsho pemenquio icquid, quequin mibitedi chiondambi.

Tesadonica 2 3:6

Tantia, cun utsibo. Nuquin Icbo Esuquidistun: Ubi chuibenneta, caidquio icquin mibitedi chuinu. Esus tantiaquido utsi utsiec umbi mibi chiondaid niacniaquec chieshuidequi icsho isash aidbëd tabadenda.

Tesadonica 1 4:2

Nuquin Icbo Esusën tantiamiac aid tantiata, quequin mimbi nabante mibitedi chuibanondambique. Aid tantiaquiec bëdambuec tabadta.

Hechos 10:42

Abëd icshobi: Ubi chuibanquin naden chuiban: Matses cuidte chuibanquid Nuquin Papan icmioshi. Uënësaidobëta uënësabicquido abitedi aden chiendambi. Bëdambocquid ubëd tabadmequimbi icsambuen naquido cuidmendambi, quequin Umbi Chiaid chuibanta, Esusën caondaid nebi.

Hechos 1:2

Aden Esus abuc indoaid yacno cuëscaquin chuiquin dada uaondambi. Abuc nidnun Esusën: Ubi chuibenneta, quequin abëd icquido chuiquin Nuquin Papan Mayan Bëdan tantiamiacpadombuen dadpen chuibampanëdash.

Uanën dada uaid 15:14

Umbi chuibued tantiaquin nabansho mibitedi cun utsibo caimbi.

Uanën dada uaid 15:10

Abi tantiaquioquin ambi chiacpadombuen nashobini Cun Pan tantiaquiec. Adembidi ubi tantiaquin umbi chiacpaden nasho umbitsen mibi tantiaquiembi.

Mateo 28:20

Mimbi mentoaido: Nuquin Icbon chiacpadec bëdambuec tabadnuna, quequin umbi chuibuedtedi tantiaquin chuibanta. Mimbi adosho isash nidaid abitedi nibëdanmiambo icnuc mibitedi nianenquio yec mibëd iquendabi, quepondash Esus.

Mateo 7:28

Aden ënquin chuibansho tantiash tantiadempambo yec tabadec: Tantiaquidënquio chuibanacpadombuembien Esusën chuibampec. Ma Moisesën chiampid tantiamequidon adombuen chuibanenquio icpaboc, quecuededpanëdash matses dadpenquio.

Mateo 4:23

Adashic aton nidaid Cadidea yacnobi capucuennequin Nuquin Papan Chiaid chuibante shubun shubunquiec puduedcuennequin Esusën: Nuquin Papan namiacno tabadte iquec, quequin Chiaid Bëda chuibennepanëdash. Adshumbic daicsaidobëtabi nënquido bëdanmebampanëdash.

Timoteo 1 6:14

Nuquin Icbo Esuquidistu choabi icnuc umbi chuibued niaquenquio yec bëdambuec tabadta. Esus tantiaquido icsambo iquec, utsibo quetiapimbo icnuc adta.

Madcos 6:12

Aden Esusën chiaquien abëd icquido nidannepanëdash. Adec nidshumbic: Mimbi icsambuen nabanaid ënshun Nuquin Papa tantiabenuata, quequin chuibampanëdash.

Ducas 23:5

Adoaquien: Aidën chuibanac nëbi nidaid cuëshë Cadidea yacnocquido nëishash cumapenec cuëdcuededosh. Amboshon chuibanshumbic nëid nidaid cuëshë Udea yacno choshon adombuembidi chuibanuaposh, quepanëdash isadaidbon chuiquido Pidato chiec.