Mateo 10:3 - El Nuevo Testamento en matsés

³ Nëidic Uedipe. Nëidic Badtodome. Nëidic Tomas. Nëidic ubibi Mateo Doma yacnocquidon chuiquidën chiacpadombuen cun matses piucquid bedshundenned. Nëidic Santiaco utsi Adpeon mado. Nëidic Tadeo cuënaid.

Mateo 10:3 Referans Kwoze

Hechos 1:13

Aido Edusaden yacno choash shubu abuc quënë icquidën abi tabadbocno dectatoash tabaduapanëdash. Aid quënë nuntan Esusën: Ubi chuibenneta, caido nëidtedi icpanëdash. Nëidic Petedo. Utsibic Uan. Utsibic Santiaco. Utsibic Andedes. Utsibic Uedipe. Utsibic Tomas. Utsibic Badtodome. Utsibic Mateo. Utsibic Adpeon mado Santiaco cuëmëdquid. Utsibic aton matses isadaidbo iuaquido chuiquid bunesa Simon cuëmëdquid. Utsibic Santiaco utsin mado Udas cuëmëdquid.

Madcos 3:18

Nëidic Andedes. Nëidic Uedipe. Nëidic Badtodome. Nëidic Debi cashumbic Mateo cuënaid. Nëidic Tomas. Nëidic Adpeon mado Santiaco. Nëidic Tadeo. Nëidic Simon cananebo caid.

Madcos 2:14

Aden chuibanec nidquimbi Debi caid Adpeon mado piucquid bedshumbante shubumpi yacno tsadsho istuidpanëdash. Cun matses isadaidbo iuaquid nidaid Doma yacnocquidon chuiquid tapan chiacpadombuen piucquid bedshumbanec tsadpanëdash. Ambo tsadsho istuidshumbien: Ubëd iquec cho, Esusën cac: Ai, quianec badedi Esus tsibananec Debi nidpanëdash.

Mateo 9:9

Adnubini cun matses piucquid bedshumbanec podquied cuëman shubumpi tsadquidën tsadpondac. Cun matses iuaquid nidaid Doma yacnocquidon chuiquid tapanquio: Umbi chiactedi piucquid bedshumbanta, cac niondabi. Ambo tsadshobini Esus choquin istuidquin: Nuquibi icnu. Cho, capondash. Adoac badedi tsibananec

Uanën dada uaid 21:2

Esus uincuenash isadbon cun nidaid Cadidea caid yacno nidannepondabi. Nidanniash nëidtedi tabadpondabi. Nëidic Simon Petedo. Nëidic Tomas anin abi uëshëmbi daëd tishaid. Nëidic shubu dadpen icquid Cana yacnocquid Natanaed. Nëidic Sebedeon mado ubëta tishaid cun utsi Santiaco. Nëidic ubi. Nëidic Esusbëd icbued utsi daëd. Aidted icpondabi.

Uanën dada uaid 11:16

caquien: Ai, aidbëdquiobi uënësec nidnunid, quepondash Tomas anin abi uëshëmbi daëdpambo tishaid. Adanec abitedi nidpondash.

Udas 1:1

Esuquidistun iuambo nebi. Santiacon utsi Udas nebi. Mibitedi tantiaquioquin Nuquin Papan tantiamiaido icquin abi tantiasho: Ubi tantienquio yannushe, queshun Esuquidistun mibitedi cudasquin dayunuaic, quequin chuiquin mimbi iste dada uanu.

Santiaco 1:1

Santiaco nebi. Nuquin Papan namiaidquio yec Nuquin Icbo Esuquidistun namiaidquiobidi nebi. Adquid icquin nuquin tsusedpa Acobon mado docetedshun tsiuecquido yec uanno uannuec nidanniash tabadquin Esus tantiaquido icsho mibitedi tantiembi, quequin chiec nebique. Isec onqueta.

Cadasia 2:9

Aid chuiquid tapabo Santiaco yec Petedo yec Uan yec quec icpondash. Aido: Isadaidpembo Esusën naid mimbi chuibennenubi adembidi isadaidbombo chuibennendambi, quepondash. Adshumbic: Ubipadquid yec mibitsen Esus chuibennequid nec, queshun chuiquid tapabon ubëd icquid Bednabebëta mëdimpondashi.

Cadasia 1:19

Ambobi Nuquin Icbo Esusën utsi Santiacotsen isondambi. Esusbëd icnëdaid utsibo isambo iccondambi. Aid daëdtsëqui isondambi.

Hechos 21:18

Adashic badiadash Pabadobëd Santiaco isec nidannepondabi. Ambobi Santiacobëd Esus tantiaquidon chuiquidotedi icpondash.

Hechos 12:17

Adshobien mëdante uic uiccaquin Petedon: Onquenquio yec tabadquin tantiata. Nuquin Icbon nabued mibi chuibannu, queshun abi quënën tsadunacnoshon Nuquin Papan abëd icquid chomequin puduenmiaid Petedon chuibampanëdash. Aden chuitanec: Umbi chuibambued Esusën utsi Santiacobëta Esus tantiaquid utsibo chuitanta, quianec puduenanec shubu utsi yacno Petedo nidpanëdash.

Ducas 5:27

Adanec nidquimbi Debi cuëmëdquid Esusën istuidpanëdash. Aidi aton matses iuaquid nidaid Doma yacnocquidon chuiquid tapan chiacpadombuen piucquid bedshumbanec tsadpanëdash. Adec tsadsho istuidshumbien: Ubëd iquec cho, Esusën cac

Hechos 15:13

Aid daëdshun chuibanquin nainan Esusën utsi Santiaco Esus tantiaquidon chuiquid tapambo yec nadpanëdash: Umbitsen chuinu. Tantia, cun utsibo.

Uanën dada uaid 14:22

Adsho tantiashun Udas utsin abi bedmequidëmpenquio naden chuipondash: ¿Atotsi queshun ubitediuidtsëqui aden tantiamequin mimbi chuibampe? ¿Matses abitedi tantiamequin chuibantiapimboda ique, Icbo? capondash.

Uanën dada uaid 14:9

Adoaquien Esusën: ¿Tantienquioda ique, Uedipe? Iuec mibëd tabadobi. ¿Mimbi isacmaidtabi nedi? Nuquin Papapadquidquiobidi nebi, quesho ubi isquin: Adquiobidien Aton Papa iquec, quequin Cun Patsen mimbi tantiendac, quequin mibi chiombi. ¿Atotsi queshumbini: Nuquin Papa ubitedi isme, cai?

Mateo 27:56

Aidobëd nëidted icpanëdash. Nëidic Madia Macdadena. Nëidic Madia utsi Santiacon tita. Aidi Osen titabidi nepondash. Nëidic Sebedeon chido Uanën tita. Aidi Santiacon titabidi nepondash. Aidtedi uannoshon isbededec tabadpanëdash.

Mateo 18:17

Mimbi buanaidontsen: Aden icsambuen nainda, caqui: Adequi icsaibi, quesho tantiatanec choshon mibëtan ubi tantiec iccuededquidon chuiquido chuituidta. Mimbitsen chuitanta, cac aidontsen chiaqui tantienquio icsho issun: Nuquin Papan Chiaid niac niacquid yec Esus tantiesa nec. Doma yacnocquidon chuiquid dapanquio chiacted piucquid bedquidbimbuec icsaquid nec, queshun ubi tantiaquido cuëdënacno chomenda.

Madcos 15:40

Adnubien ambobi uannoshon isec nëidted chidobo tabadpanëdash. Nëidic Madia Macdadena. Nëidic Madia utsi Osen tita. Aidi Ose tsibanquid Santiacon titabidi nepanëdash. Nëidic Sadome. Aidtedshun Esus ancuenquio diadsho isbededpanëdash.

Ducas 18:10

Nuquin Papa tabadte shubu dapa yacno nidshun: Nuquin Papa chuinu, quequid dada daëd icposh. Abentsëc padiseobo icnubi utsi Doma yacnocquidon chuiquidën chiacpadombuen aton matses piucquid bedshunquid icposh.

Ducas 18:11

Adquid icnuc nidtoshon padiseobon ambi tantiacpaden naden Nuquin Papa chuiposh: Bëdambocquid nebi, Papa. Ampequido utsibo icnuc icsambuen nabanquido utsibo icnubi aton chidopenquio chudquid utsibo nec. Aden naisambo nebi. Adecbidi cun matsesën piucquid bedshunquidpadquidpenquio nebi, Papa.

Ducas 18:13

Aden padiseobon chuibombien aton matses piucquid bedshumënquid puduedash uanno nidtuidshun Nuquin Papa chiec: Icsambocquid nebi, Papa. Adquid nebi, quequin ismec shuebudacchobi abuc isenquio yec shubiec onquec: Icsambuen nabanquid nebique. Umbi icsambuen naid tantienquio yec bëshunta, Papa, queposh, quepanëdash Esus.

Ducas 19:2

Ambobi atona dadpen icquid Saqueo cuëmëdquid icpanëdash. Aidi Doma yacnocquidon chuiquid tapan chiacpadombuen aton matsesën piucquid bedshunquidon chuiquid icpanëdash.

Uanën dada uaid 1:48

Natanaedën: ¿Mitsipaden ubi tantie? Mabi mimbi isacmaidquio neyoc, capondash. Adoaquien: Uedipen: Cho, cambo icnubi mibi cute icueda caid tayun tsadsho isombi, capondash Esusën.

Uanën dada uaid 14:5

Adsho tantiashun Tomasën: ¿Mitsimbo nide, Icbo? Podquied tantienquio iquembique. En ubitedi chui, capondash.