Mateo 10:28 - El Nuevo Testamento en matsés

²⁸ Aden chuibennesho min dadauidtsëqui cuessunnetequid dacuëdënenda. Min mayan uënëstiapimbo icquid icsho nibëdametiapimbo iquec. Min dada uënësambi min mayan abi icsho cuidquin chian annëdënquiacno nësecanquidquio tantiata. Adquid Nuquin Papa icsho dacuëdënta.

Mateo 10:28 Referans Kwoze

Esusën Uan ismiaid 2:10

Aidon ubi mëyantsiash, quec dacuëdec natienda. Mayan Icsa Satanasën: ¿Ada Esus tantiaquido chieshtoenquio ictsiashe? Tannu, quequin namiacpadombuen chieshëmënquidon mibitedi utsi utsien quënën tsadunendac. Adoac 9tedec ushec mibitedi natiec mëyadendac. Puduenabi yec chieshtoenda. Ubi tantiaquido icsho: Cuessunnenu, cac dacuëdenda. Aidon cuessunniacsho bëdamboshë icquid meniacbimbuen ubëdi tabadmendambi padpidec uënëstiapimbo icnuc.

Santiaco 4:12

Nuquin Papanuidtsëqui: Naden nata, quequin dada uamepampic. Adquid icquin matsesën naidtedi tantiaquin cuidquidquio nendac: Nëid icsambocquid neque. Cuidnu, quequin cuidendac. Nëid bëdambocquid neque. Ubëdi tabadmenu, quequin chuiquin cuidenquio iquendac. Adquid icnuc mibëtan Esus tantiaquido icsambuen chuishunenda.

Petedo 1 3:14

Adec bëdambuec tabadsho issun icsambo icquidën natiamequin mëyanacsho mibitedi Nuquin Papan mibi bëdambo icmetsiashe. Utsibo dacuëdënec natiec tabadenda.

Mateo 25:46

Adoac aido icsambuec tabadquido ënenquio icquin cuidacnombo nidnubi bëdambuec tabadquido Nuquin Papa yacno ënëdenquio yec tabadendac, quequin Esusën chuipondash.

Ebedeo 10:31

Nuquin Papa uënëstiapimbocquid yec matses tibocamequid icquin icsambuen naquido cuidquidquio dacuëdampamboshë iquec.

Mateo 10:26

Adshumbic padpiden chuiquin: Mibi chieshënquido dacuëdënenda. Utsibo ismenquio icquin ompodshon nabanaidtedi tantiadanendac. Adembidi utsibo tantiamenquio icquin nabanaidtedi chiadanendac.

Ebedeo 11:35

Adembidi chidobon abi tantiaquid icquin aton matses uënësaid icsho Nuquin Papan uincuenmeshunac bedpampic. Adembidi tantiaquid utsibo: Nuquin Papa tantiesa nebi, camenu, quequin mëyanquiaqui chieshtoenquio icquin Nuquin Papa tantiec: Aid yacno nidebi, quiash uënëspampic.

Hechos 21:13

Adoaquien Pabado: ¿Atotsi quiash shubiquin ubi uënësquio icme? Edusaden yacno nidshun Nuquin Icbo Esusën naid chuibansho bedquin taneshun ubi cuessunnetsiash, quequin tantiaquimbi abi Esus chuibanembi, quepondash.

Mateo 5:22

Nadquidotsen cuidtequido nec, quequin chuinu. Tantia. Aton matsesbëd nëishnanash baded bëdanenquio icquid icsho Nuquin Papan cuidtequid nendac. Utsibic chieshëmënec icsambuec chuishumënquido isadaidbon chuiquidon cuidtequid nendac. Utsibic aton matses chieshënquin cuessunnemete bunquin: Shëpi, caquin icsambuen chuishunquido Nuquin Papan chian annëdënquequid nësecaquin cuidtequid nendac.

Uanën dada uaid 5:29

Adec uincuenacsho ubi tantiaquido ubëdi tabadmequimbi ubi tantiesabo icsho icsambuen naquido cuidacno nidmendambi.