Mateo 10:23 - El Nuevo Testamento en matsés

²³ Shubu dadpen icquid yacno nidacsho natiamequin chieshënac shubu dadpen icquid utsi yacno cuenta. Amboshontsen umbi naid chuisho chieshënuac shubu dadpen icquid utsi yacnotsen cuenuata. Adecuidi cuendedneta. Nëid nidaid Isadaidën shubu dadpen icquid abitedi yacno nidabi icnubi nuquin matses isadaidbo abitedi chiabi icnubini Matsesën Tishaid yec chouaindac, quepondash Esus.

Mateo 10:23 Referans Kwoze

Mateo 16:28

Aden chiashic Esus: Abimbo chuinu. Tantiata. Nëmbo tabadquid ubi tantiaquid utsi utsiec uënësabi yec nidaidën abi tabadquin Matsesën Tishaid yec abitedishun Icbombo icmiacsho isendac, quepondash Esus.

Hechos 17:10

Adshumbic: Mibi bednushe, queshun aid inchëshëmbi Tesadonica yacnocquid Esus tantiaquidon Pabadobëta Sidas shubu dadpen icquid Bedea yacno nidmepanëdash. Aden nidmiac ambo tabadec Nuquin Papan Chiaid chuibante shubu yacno Pabadobëd Sidas puduedpanëdash.

Hechos 8:1

Esteban cuënoten sesequin cuessunnenu, cac: Ai, adota, quiash ambobi isec Saudo tsadpanëdash. Esteban sesiaid uëshëmbi Edusaden yacnoshon Saudon Esus tantiaquid utsi utsien cumapenen mëyanmequin tauadopanëdash. Adosho isash Esus chuibennequido ambobi tabadpanëdash. Adnubien Esus tantiaquid utsibo uanno uannoec nidannec nidaid Udea yacno utsi utsiec nidanniash tabadnubi Samadia caid yacno nidanniash utsibo tabaduapanëdash.

Madcos 13:26

Adnubini Matsesën Tishaid yec ubi dasiuidaid bëchamauanquiec uëshë chënquiacbimbuec nadatiambocquin nabanquidquio yec abu ushu yacno chosho matses abitedishunquio ubi isbededendac.

Ducas 21:27

Adnubini Matsesën Tishaid yec ubi dasiuidaid bëchamauanquiec uëshë chënquiacbimbuec uëshëmbo iquec nadatiambocquin nabanquidquio yec abu ushun ubi chosho matses abitedishunquio isbededendac.

Ducas 18:8

Ai, aidën chiacpadombuen badedquio cuidendac. Adquid icnuc Matsesën Tishaid yec choshon ¿adambi ubi tantiaquin cainquidombo istuidpendac? quepanëdash Esus.

Uanën dada uaid 7:1

Abi tsibanquido dadpenshun nianac nidaid cuëshë Cadidea yacnouidtsëqui iuec Esus capucuennepondash. Nidaid Udea yacnocquid cun matses isadaidbon chuiquidon ubi cuessunemete bunec, quiash Udea yacno nidenquio icpondash.

Mateo 26:64

Esusën: Ai, mimbi chiaidquiobi nebi. Tantia. Mibitedi chuinu. Matsesën Tishaid yec abuc niduash Nadatiambocquidën dayun abiucquio tsadsho mimbi isendac. Adembidi abucuësh abu ushu yacno ubi chouasho mibitedishun isendac, quepanëdash Esus.

Mateo 24:30

Adnubien Matsesën Tishaid yec ubi chotequid icnuc abuc ismiantequid icsho isbededendac. Adsho isash nidaidën tabadquido matses abitedimbo dacuëdec natiaquiec shubiquiendac. Adnubini Matsesën Tishaid iquequi abitedishun Icbo yec nadatiambo icquin nabanquidquio yec bëchamauanquiec abu ushu yacno ubi chosho isbededendac.

Hechos 17:14

Adsho tantiashumbien Bedea yacnocquid Esus tantiaquidon acte dapa mad caid cuëman badedquio Pabado nidmepanëdash. Adnubi Sidasbëd Timoteo nidenquio yec Bedea yacnobi tëshëdpanëdash.

Mateo 25:13

Umbi chuibued tantiashun chido icsambuen tantiaquido tanenda. Ubi chote uëshë tantiadenquio icnuc: ¿Nëbida cun Icbo chopeba? quequin ubi bëdambuen tantiec umbi chiacpadec bëdambuec tabadta, quepondash Esus abëd icquido chiec.

Mateo 24:48

Adquid icnubi adombuen naisa icbo utsin namiaid icpec. Aton icbo baded choenquio icsho issun

Mateo 24:27

Ubimbo padpidec choquimbimbi abitedimbo ismendac. Abu uëshëmbo yec bed bedquetannesho ¿ada matses abitedishunquio isenquio icpadic? Ai, isec. Adembidi Matsesën Tishaid yec ubi chouasho matses abitedishunquio isendac.

Mateo 23:34

Icsaquido dadpen icsho issun: Ma Nuquin Papan bëdambuen iste tantiamenu, queshun Nuquin Papan oncamiaido yec bëdambuen tantiaquido yec chuibanquin tantiamequido yec quenuc mibi yacno nidannemendambi. Adquid mibi yacno chochoacsho mibitedishun dadpen cuessun secaindac. Utsi utsien cueste napotiaidën dectanquimbi utsi utsien Nuquin Papan Chiaid chuibante shubunoshon cueshcanten mimbi cacuesendac. Utsi utsien cuessunnenu, quequin nadancactannequin shubu dadpen icquid utsi utsiec yacno yacnombuen mimbi cuenmetannendac.

Mateo 4:12

Adashic: Mibi acten mentondaid Uan bedmeshun quënën tsadunmiac caosh, quesho tantiash aton nidaid Cadidea yacno Esus nidpanëdash.

Mateo 2:13

Adec Esus isuambuedo uispa isquido nidambien Nuquin Papabëd icquidën Ose ushquin ismequin naden chuipanëdash: Isucunanec cuenta. Bacuëmpi aton titabëta buanec nidaid utsi Equipito yacno cuenta. Nuquin Papan: Cho, cabi choenda. Ambobi tabadta. Edodesën: Bacuëmpibo cuessun secatan, cac chochoeque. Cuenta, quequin Ose ushquin ismepanëdash Nuquin Papabëd icquidën.

Hechos 20:1

Natia cuëdcuededbuedo nidannian Esus tantiaquido chochomiash Pabado: Nidaid Masedonia caid yacno niduaibique. Esus tantiec bëdambuec tabadta, quequin chianec Epeso yacnouësh puduanec nidpanëdash.

Mateo 16:27

Matsesën Tishaid yec Nuquin Papa yacnouësh cun Pabëd icquidobëd bëchamauanquiec choshon Nuquin Papan abitedishun Icbo icmiaid icquin matses cuidte chiendambi. Nuquin Papa tantiec bëdambuec tabadquid icsho aidbëd tabadmequimbi Nuquin Papa tantienquio yec icsambuen naic tabadquido icsho natiamequin cuidendambi.

Mateo 23:36

Aden aid cuessunnequido cuidacbimbuen nëbimbobi mibitedi cumapenquien cuidendac, capondash Esusën abi chieshënquido chuiquin.

Mateo 24:34

Abimbo chiembique. Tantia. Umbi chuibambuedtedi yanabicnuc nëbi matses icquido uënësec naimëdenquio iquendac.