Mateo 1:21 - El Nuevo Testamento en matsés

²¹ Adoshombic dada bacuë tishacsho Esus cuënta. Aidëmbi matsesën icsambuen naid bedshunquin Nuquin Papa aton matses cuidmenquio iquendac, quequin Esus cuënta, quequin Nuquin Papabëd icquidën Ose ushquin ismepanëdash.

Mateo 1:21 Referans Kwoze

Hechos 13:23

Aden chuishumbic: Nuquin Papan ambi chiampicpaden Dabidën tsiuecquid Nuquin Papan Chomiaid Esus matsesën icsambuen naid bedshunash abided cuidadshun abi yacno isadaidbo puduedmequid Nuquin Papan icmepanëdash.

Hechos 4:12

Abi yacno iuedanquid aid abentsëqui icnuc utsi nibëdec. Nuquin Papa yacno tabadte bunec aid tantiaquid icta, quepanëdash Petedo Uambëd.

Uanën dada uaid 1:29

Badiadshun padpiden Uanën matses acten mentobanuapondash. Aden mentobannubien Esus chopondash. Chosho isashien Uan mentoquid nadpondash: Is. Nuquin Papan Chomiaid yec obecabimbuecquid choeque. Aidi matsesën icsambuen naid bedshunec abided cuidadec uënësendac.

Uan 1 3:5

Adquid icnuc Esuquidistu matsesash nuqui icsambuen nabanaidtedi bedshunec abided cuidadec uënëspanëdash, quequin mibitedishun tantiec. Adembidi icsambuen naisambo Esuquidistu nec, quequin mibitedishun tantiauaic.

Ducas 2:21

Adnubien 7tedec ushtanquin aton madon shui dëbid dëtemeshun Nuquin Papabëd icquidënquio abi bacuë usundoabicsho chuibocpadombuen Madian aton mado Esus cuëmpanëdash.

Hechos 5:31

Aden uincuenmeshun aton dayun abiucquio tsadmequin abitedishun Icbombo icmeshun abi yacno matses puduedmequidquio Esus icmepanëdash. Aden nabanaid tantiash isadaidbo ma aidquio tantiaquid icpanuna. Adsho issun ma aidon icsambuen naid tantienquio yec Nuquin Papa bëshumpanuna.

Ducas 1:31

Tantia. Chuinu. Bacuë usundoshon mimbi min mado tishendac. Tishshun Esus cuënta.

Tito 2:14

Nuqui cainaid nuqui icsambuen naidtedi bedshunec abided cuidadec Esus uënëspanëdash. Adec uënësaid tantiaquid yansho: Cun matses caido yec bëdambuec tabadquid nendac, quequin chiaid tantiameta, Tito.

Ducas 2:11

Nëbimbobi tsusedpa Dabid tishampicnoshon Beden yacnoshon Nuquin Papa yacno iuedanquid Quidistu Nuquin Papan Chomiaid abitedishun Icbombo ictequid tishosh.

Uan 1 1:7

Nuquin Papan chiacpadombuen nabanquid yec Esus tantiaquid utsibobëd abentsëc yacbimbuec tabadquid nuquitedi nendac. Adquid nuqui icmenuec nuqui icsambuen naidtedi bedshunec abided cuidadec Nuquin Papan Mado Esuquidistu uënëspondash. Adec intac mëyanec uënësondaidënquio nuqui icsambuen naidtedi uqendac. Nuqui icsambuen nabued tantienquio yec bëshunendac.

Hechos 3:26

Aden Abadauan ambi chiampicpadquid aidën tsiuecquid Nuquin Papan Mado choacsho mimbi uënës uamepondac. Aden uënës uacsho Nuquin Papan uincuenmeshun nuquin matsesëmba ambi icsambuen naid ënsho ma ambi bëdambuen isaid icpanuna, quequin Petedon chuipanëdash.

Esusën Uan ismiaid 7:14

Adoac: Tantienquio iquembi. Mimbien tantiec tsësio, capombi. Adsho tantiash: Tantia, mibi chuinu. Chieshëmënquidon natiamequin natiamboshë icmiaqui Obecabimbuecquid tantiec chieshtoenquio ictednedo nec, queposh. Aido abided cuidadec uënësaid Obecabimbuecquidën intaquën abi tantiaquido icsho icsaisa icmiaido yec dashcute ushumbocquiduidquio dasiuidquido nec, quequin chuiposhi.

Ebedeo 7:25

Adec uënësesambo yec Nuquin Papa yacno ënëdenquio yec tabadquin abi tantiaquido Nuquin Papa yacnobidi tabadmendac. Adquid icquin: Ubi tantiaquido bëdambuen ista, quequin aton Papa chiannequid nec.

Ducas 1:13

Adsho isash Nuquin Papabëd icquidquio nadpanëdash: Dacuëdenda, Sacadias. Bacuë bunquin mimbi chiannebued Nuquin Papan tantioshe. Min chido Isabedën min mado tishendac. Tishacsho Uan cuënta.

Mateo 1:25

Aden buanshun Osen chudabi Madian aton bacuë tishpanëdash. Tishacsho Esus cuëmpanëdash.

Uanën dada uaid 4:42

Adshumbic chido chiec: Mimbiuidtsëqui chuisho tantiabuedëmbi nëbi aidënquio chuisho bëdambuen tantiembi. Aidi Nuquin Papa yacno matses tabadmequid nec, quequin tantiembi, quecuededpondash Samadia yacnocquido dadpen.