Madcos 9:41 - El Nuevo Testamento en matsés

⁴¹ Abimbo chiembique. Tantia. Esuquidistu tantiaquid nec, quequin mibitedi acte acmequin nashunquid Nuquin Papan bëdamboshëcquid menetequid iquendac, quepanëdash Esus.

Madcos 9:41 Referans Kwoze

Mateo 10:42

Adembidi ubi tantiaquid acte bundoacsho acte acmequin nashunsho Nuquin Papan bëdambuen isquin bëdamboshëcquid menetequid iquendac, quequin Esusën chuipondash.

Mateo 25:40

Adoac naden abitedishun Icbombo icquin chiendambi: Tantia. Mibitedi chuinu. Umbi chiacpadombuen atona nibëdquido utsibon bëdambuen istiapimbocquido mimbi nashundednec. Aden ubi nashunacbimbuembi mimbi aido nashundedneque. Ubëdi tabadec cho, caindambi.

Codinto 2 10:7

Ambi isaiduidi tantiec utsi utsiec onquec: Esuquidistu tantiaquid nebi, quequi aido: Pabado icsambocquid nec, quepec. Adec onquequidobi: Pabadotsen Esuquidistu tantiaquid nec, ma quenu, quequin chiec nebi.

Codinto 1 15:23

Ambi tantiacpadombuen Nuquin Papan Esuquidistuba uincuenmepanëdash. Adoshombic Esuquidistu padpidec chonoc abi tantiaquido uënësaido uincuenmendac.

Doma 14:15

Nëbi aido bëdambuen tantiaquin ambi petemaid pemenda. Ambi petemaid pemequin mimbi aido bëdambuen tantienquio iquec. Mibitedishun ambi petemaid pemiac mibëtan Esus tantiaquid icbuedi tantiesa yanacsho cuidnushe, queshun tantiaquiota. Ambi petemaid pemenda. Nëid petemaid nec, quequidotsen tantiaquin cuidmenquio icnuec abided cuidadec Esus uënësac caondashe. Aido bëdambuen tantiata.

Doma 8:9

Nëbi Nuquin Papan aton Mayan Bëda meniaid icquin mibi bunacpaden icsambuen nainquio yec bëdambuec tabadquido mibitedi nec. Nuquin Papan Mayan Bëda mibëd iquec. Esuquidistun Mayambëd tabadesa yec Esuquidistu tantiaquidpenquio nec.

Cadasia 5:24

Esuquidistun iuabo icquin nuqui icsambuen naidbëta nuqui icsate bunaidtedi bedshun cueste napotiaidën dectanquin cuessunniacbimbuen nuquitedi ënondac.

Cadasia 3:29

Adembidi Esus tantiasho ambi Abadauan bëdambuen isampicpadombuen Esuquidistu tantiasho Nuquin Papan nuqui bëdambuen isquin bëdambo icmec ambi Abadauan chiampicpadombuen. Adec Abadauanën tsiuecquido nuqui nec.

Codinto 1 3:23

Mibitedi Esuquidistuna nec. Esuquidistu Nuquin Papana nec.

Madcos 4:10

Aden chuibanquin nainan utsibo nidannian Esus abentsëqui icsho isash abëd nidquid utsibobëtan abëd icquid 12ted icquidonquio: ¿Atotsi queshun utsi chiacbimbuen aid chiaid tantiamequin matses dadpen chuibanquin nao? capanëdash Esus chuiquin.