Madcos 9:26 - El Nuevo Testamento en matsés

²⁶ Aden chiaquien podobitsi icsa cumapenec sidquequin madompi uebudmiac cuididiquenubi dapuduempanëdash. Adec dapuduenan uënësacbimbuec madompi uesho isash: Uënësosh, quecuededpanëdash isquido.

Madcos 9:26 Referans Kwoze

Madcos 9:20

Adsho tantiashun bëpanëdash. Bëaqui Esus istanquin podobitsi icsa abi dapuduedaidën cumapenen bëcunniac madompi uebudash ëcbacush ëcbacushpambo yec cuididiquepanëdash.

Madcos 1:26

Adoac abi dapuduedaid uëdëquec uebudnubi cumapenec sidquianec podobitsi icsa dapuduempanëdash.

Esusën Uan ismiaid 12:12

Mayan Icsa Satanas cuenmiaid tantiec cuishonquenuna. Nuquin Papabëd icquido yec adec cuishonquenuna. Adec ubitedi cuishonquenuc ¡padtemboshë! Nidaidën tabadquido matses yec acten icquido yec quec cuishonquetiapimbo iquec. Nëshunquio cuenmiac nidaidën budash: Ubi cuidtequid nëbi yanec, quequin tantiaquin Nuquin Papa chieshënquid yec Mayan Icsa Satanas chieshëmënquiec tabadec. Adec tabadquin mibitedi icsamete bunquin mibi natiambo icmendac, quequin chiec onquesho tantiapombi.

Madcos 9:18

Aidi podobitsi icsan cumapenen bëcunnedenniac nidaidën uebudec ëcbacush ëcbacushpambo yec cuididiquedenniosh. Adecbidi uënësannec cuembo yec tsasiec uebudash uequin shëta chëquëdëshcannec. Adquio yannesho bëombique. Podobitsi icsa dapuduedaid dapuduenme, cauidombi mibëd icquido chuiquin. Adoaqui dapuduenmetiapimbo iccosh, quepanëdash aidën papa Esus chiec.

Mateo 15:22

Adnubien ambocquid chido cananebo icquid yec Esus yacno choquin cuëntuidpondash: Icbo, Dabidën Mado caid icquin ubi bëdambuen tantiaquin nashunta. Cun champi podobitsi icsa dapuduedshun natiamequin mëyadmequioshe. Cun champi bëdanmeta, capondash.

Madcos 9:25

Adsho tantiash matses dadpen chochosho issun podobitsi icsa naden chuiquin: Matses oncamenquio icquin pashu uaquid mibi neque. Ambo padpidec tabadenquio yec dapuduenta, capanëdash Esusën.

Madcos 9:27

Adshobien madompi mëdintanquin Esusën uëtsëndoac isucunec nidtopanëdash.