Madcos 8:6 - El Nuevo Testamento en matsés

⁶ Adsho tantiashumbien: Nidaidën tabadbud, quetanquin Esusën pan 7ted icsho bedshun sananquin: Mimbi uaid pete bëdambo iquec, Papa, quequin chuitanquin pan cuëshbudcuenshun: Nëid meneban, cac abëd icquidon ambo tabadquido menebampanëdash.

Madcos 8:6 Referans Kwoze

Codosas 3:17

Aden nabanec tabadquin: Cun Icbo Esus nec, quequin tantiaquin aidën chiacpadombuen nabanta. Adec tabadquin: Mimbi tantiampicpadombuen Esuquidistun tantiamiaid yec bëdambo iquebi, Papa, quequin Nuquin Papa chianneta.

Doma 14:6

Adembidi aid badiadënuidtsëqui Esus tantiec cuëdënac bëdambo iquec, quiash aid uëshën tabadec. Adembidi pete abitedi pequidën Nuquin Icbo tantiaquid icquin: Mimbi pete uaid bëdambo iqueque. Penu, quequin Nuquin Papa chuishun pequid iquendac. Utsimbic adembidi Nuquin Icbo tantiaquid icquin: Mimbi pete uaid bëdambo iqueque. Penu, queshun utsi pequimbi pambid isuidquid iquendac.

Uanën dada uaid 6:23

Adnubien shubu dadpen icquid Tibedias caid yacnocquidon cano dadpen bëbëpanëdash. Aden bëbëshun abi Esusën: Papa nëid mimbi meniaid bëdambo iquec, queshun pan pemebued anoentsëqui nando nandosho isac:

Uanën dada uaid 2:5

Adsho tantiatanquimbien aton titan actequid cushtobanquido chuiquin: Cun madon chiacpadombuen nabededta, capondash.

Ducas 24:30

Adshumbic nuntan tabadquin pete tabëcte dayun abëdi tsadquin pan bedshun: Mimbi pete uaid bëdambo iquec, Papa, quequin Nuquin Papa chuishun cuështanquin Esusën abidaëdi menepanëdash.

Ducas 12:37

Aden ushenquio icquin abi cainsho istuidshun aton icbon bëdambo icmequin nadoposh: Umbimbo mibi pemenu. Nëmbo tabadec cho, queshun ambi iuaido pemequin bëdambo icmendac.

Mateo 26:26

Aden pec tabadquimbi Esusën pan sananquin: Mimbi uaid nëid pete bëdambo iquec, Papa, quequin Nuquin Papa chuitanquin cuëshcuëshshun abëd icquido menebannun naden chuipondash: Ubi uënës uate tantiaquin nëid cun dadabimbuecquid neque. Pe, cac pebededpondambi.

Madcos 8:5

Adsho tantiashumbien Esusën: ¿Tedtsi pan iquec? caquien: 7ted iquec, quepanëdash abëd icquido.

Madcos 8:7

Adembidi nuëcquid daëdpactsëcquid bedshun: Mimbi meniaidbidi nëid nec, quequin tantiembi, Papa, queshun: Nëidtsen meneban, Esusën cac menebanuapanëdash.

Madcos 8:20

Adshobien Esusën: Adembidi umbi nëbi 7ted pan icquid bedshun cuëshcuëshshun matses 4midted icquid pemiaidon pequin napi uaid ¿tedtsi tsitsanën sandoaid iccosh? caquien: 7ted iccosh, quepanëdash abëd icquido.