Madcos 8:32 - El Nuevo Testamento en matsés

³² Aden chuisho tantiashumbien Petedon Esus uannotantsëc buantanquin naden chuipanëdash: Icsambuen mimbi chioque. Aden chienda, capanëdash.

Madcos 8:32 Referans Kwoze

Mateo 16:22

Adsho tantiashumbien Petedon Esus uannotantsëc buantanquin ambentsëqui naden chuipanëdash: Icsambuen mimbi chiec. Nuquin Papan mibi adometiapimbo ictsiashe. Aden icsambuen chienda, Icbo, capanëdash Petedon.

Uanën dada uaid 16:25

Adshumbic padpiden chuiuaic: Utsi chiacbimbuen chuiquin mibitedi dadpen tantiamiombi. Nëbi aden chienquio icquin iuecpactsëcshun: Cun Pa nadquio iquec, quequin mibitedi cuembo chiendambi, quepondash Esus.

Uanën dada uaid 16:29

Adsho tantiashini ubitedi: Nëbi utsi chiacbimbuen chienquio icquin mimbi cuembo chioc.

Uanën dada uaid 18:20

Adoaquien Esusën: ¿Ompodshondambi chuibandio? Nuquin Papa tabadte shubu dapa tsicatequin daquënë uaidën puduedshun nuquin matses isadaidbo iccuededacnoshon mambi chuibandedneboc. Nuquin Papan Chiaid chuibante shubun shubunquiec puduedcuennequin mambi ompodenquio icquin chuibenneboc.

Ducas 10:40

Adec datsadquin Madian tantianubi Madtan ambi natequidtedi tantiaquin nabampanëdash. Aden nabanequi Esus yacno choshon: ¿Cun chibin ubëtambi nainquio icsho isacta bëdambo iquec? Min chuchubëtan natan, quequin ma ubi nashunnu. Chui, Icbo, capanëdash Madtan Esus chuiquin.

Madcos 4:38

Adnubi cano tsitsumi Esus tëotadec uec ushpanëdash. Adec ushshobi: Cunquequid tapan acte boccaidën nuqui mentoadeque. Isucun, Icbo. ¿Tantiadenquioda iquec? quequin Esus timpanëdash.

Uanën dada uaid 10:24

Ambo Esus capusho isash datsidadshumbien cun matses isadaidbon chuiquidon: En cuembo chui. Tantienquio yec tabadtiapimbo iquebique. ¿Nuquin Papan Chomiaid Quidistu caidta ne? Aidquio nebi, quequin nëbimbobi ubi chui, capondash.

Uanën dada uaid 11:14

Adshobien Esusën: Dasado uënësosh, quequin cuembo chuipondash.