Biblia Todo Logo
Bib sou entènèt

- Piblisite -




Madcos 5:22 - El Nuevo Testamento en matsés

22 Adnubien Nuquin Papan Chiaid chuibante shubun tabadquido namequid chuiquid tapa Aido cuëmëdquid chopanëdash. Adec choquimbi Esus istuidash: Mibi bëdambocquid nec, quequin tantiaquin ismec Esusën tayun dannëshën sebudec nidaid bëccuësquebudshun

Gade chapit la Kopi




Madcos 5:22
14 Referans Kwoze  

Aden chonoadtemaid uëshëmbi Esusën chido bëdanmesho istanec nëishshun Nuquin Papan Chiaid chuibante shubun icquidon chuiquidën: Nëid uëshë chonoadtemaid uëshë neque. Mabi bëdanmenu, quequin tantiec nëid uëshënquio choenda. Chonoadtequid uëshënquio: Bëdanmenu, quec chota, quequin iccuededquido chuipanëdash.


Adoac puduenshun Nuquin Papan Chiaid chuibante shubun iccuededquidon chuiquid Sostenes cuëmëdquid bedshun isadaidbon cumapenen cuesbededpanëdash. Adosho isec mimbi: Icsambuen naic, quenquio yec Cadion otacquio tsadpanëdash.


Adnubien Quidispo cuëmëdquid Nuquin Papan Chiaid chuibante shubun iccuededquidon chuiquid tapa nepanëdash. Aidëmbi Pabadon chuibanac aton shubun icquidobëd Esus tantiaquido yampanëdash. Adecbidi Codinto yacnocquid utsi dadpen Esus tantiaquid yampanëdash. Adsho aidotedi acten mentobampanëdash.


Ambo tabadnubien Nuquin Papan Moises dada uamiampidbëta Nuquin Papan oncamiampidën dada uamiampidtsen isec onquequin chuitanquin chuiquidon: Isedquido iqueque. Aid daëdi tabadacno nidshun: Ubitedi bëdambo icmenuen ¿ada chuibante bune? En chuiban. Tantianu, quequin Bednabebëta Pabado chuipanëdash.


Aden isanec Esus yacno choequi dannëshën sebudec shuebudshun Simon cashumbic Petedo caidën: Icbo, ubëd iquenquio yec nidta. Icsambuen naquid nebique, capanëdash Esus chuiquin.


Aden bëisbannubi: Umbi mishboc nec, quenquio yec chido bëdambued dacuëdec uëdëquec choequi: Mibi nadatiambocquin naquidquio nec, quequin tantiec Esusën taëno dannëshën sebudshun abi mishec bëdambued Esus chuipanëdash.


Uan nebi. Umbi isbuedbëta umbi tantiabued abimbo chuiquin nëid dada uaombi. Aden Nuquin Papabëd icquidën chuibanquin ënquimbi ismiaquini: Nuquin Papa padquidien nechitec, quetanec aid ismec dannëshën tinquebudpoc.


Aidi Esus bëquedec choec Esusën taëno dannëshën tinquebudash cumapenec cuëdec: ¿Atotsi ubi canuec ne? Esus. Nadatiambocquid Nuquin Papan Madombo mibi neque. Ubi mëyanenda, quequin aid dadan chuipanëdash podobitsi icsan oncamiac.


Adec nidquimbi Aido cuëmëdquidën shubuno choquin cumapenec shubiec sedenquecuededsho tantiatuidpanëdash.


Adash shubun puduedshun isaquien aton tita Madiabëd bacuëmpi iquec. Aid isashic: Matses chuiquid tapa ictequid nec. Matses bëdambo icmetequid nec, quequin aton matsesën nacpadombuen ismec danëshën sebudpanëdash. Adshumbic ambi bëbued atona bëdambocquid chicshun menepanëdash nëidtedi. Nëidic shocosh bëshpiu bëshpiupactsëcquid odo caid. Nëidic bëdambo nuadnuc pichicatequid. Nëidic bëdambo nuadec danoshquete mida caid. Aidtedi menepanëdash.


Swiv nou:

Piblisite


Piblisite