Madcos 3:27 - El Nuevo Testamento en matsés

²⁷ Shubu icbo dada uidënquiocquid icsho: Aid ampeshunnu, quequin dataneshunuidtsëqui ampeshuntsiash.

Madcos 3:27 Referans Kwoze

Mateo 12:29

Adshumbic naden Esusën chuiuapondash: ¿Mitsipaden dada uidënquiocquidën shubun puduedshun atonatedi ampeshumpatsiash? Shubu icbo dataneshunuidtsëqui atonatedi ampeshuntsiash, quequin Esusën chuipondash.

Uan 1 4:4

Cun bacuëbobimbuecquido yec mibitedi Nuquin Papan namiaido nec. Muaquidon chuisho tantiashun: Muaquin chiec nec, quequin mibitedishun tantiac. Nuquin Papa nadatiambocquidën aton Mayan meniac Aidën tantiamiac muaquidën chuibansho mimbi: Muaquid nec, quequin dëniacquin tantiendac. Padnuen Nuquin Papa chieshënquido namequid Mayan Icsa Satanas bëdiactsëc nabanquid nec.

Uan 1 3:8

Padnuen ënenquiocquin icsambuen nabanquido Mayan Icsa Satanasën namiaido nec. Ënden Nuquin Papan abitedi uabi icnubi Mayan Icsa Satanasën tauaquin icsambuen nampid yequi abi icsambuen namequid nec. Aidën namiaido matses icsho isash Nuquin Papan iuabo icmequin Mayan Icsa Satanas bedshunnuec Nuquin Papan Madombo Esus chopanëdash.

Codosas 2:15

Adec uënësacsho uincuenmequin Nuquin Papan Mayan Icsa Satanas aton iuabobëta dëniacmequin Esuquidistu abitedishun Icbombo icmepanëdash. Adoac cuesnanquin dëniacquin bedash bëyucquio nidmiacbimbuen Esuquidistun Nuquin Papa ismepanëdash.

Uanën dada uaid 12:31

Nëbi abi tantiesabo Nuquin Papan cuidtequido yanendac. Adembidi matses dadpenquio icsambuen namequid Mayan Icsa Satanas chedo Nuquin Papan cuenmetequid yanendac.

Ebedeo 2:14

Matses yec namibëd intacchoquid nuquitedi nec. Adecbidi Esus namibëd intacchoquid matses yanash naden nanuec uënëspanëdash. Mayan Icsa Satanas matses uënës uaquid icsho dëniacshun aden namenquio iquembi, quiash Esuquidistu matsesash uënëspanëdash.

Doma 16:20

Mibitedi bëdambuec tabadmequid icquin mibi dëniacmequin Nuquin Papan matses icsambuen namequidquio Mayan Icsa Satanas cuenmendac. Ma Nuquin Icbo Esusën: Mibitedi tantiaquiembi, quequin mibitedi ismendac.