Madcos 3:22 - El Nuevo Testamento en matsés

²² Adecbidi Moisesën chiampid tantiamequido Edusaden yacnouësh choshon Esusën podobitsi icsa dapuduedaid dapuduenmesho isbuedo nadec onquepanëdash: Podobitsi icsan icbo Bedsebu caidën namiaid icquimbien Esusën podobitsi icsa dapuduenmequin nachitec, quepanëdash.

Madcos 3:22 Referans Kwoze

Mateo 15:1

Adnubien Moisesën chiampid tantiamequidobëd padiseobo shubu dadpen icquid Edusaden yacnouësh chochoshon naden Esus chuimepondash:

Mateo 10:25

Tantiamiac tantiabenash abi tantiamequidbimbuec icac bëdambo ictsiash. Adecbidi iua aton icbobimbuecbidi icac bëdambo icuatsiash. Aden umbi chiacpadombuen nate bunquid icsho mibitsen icsambuen chuishunquin chieshënendac. Ma podobitsi icsan icbo Bedsebu caid neyoc ¿cainquiodabi ictiosh? Adembidi mibitsen chieshënendac, quequin chuipondash Esusën ubitedi chuiquin.

Mateo 12:24

Aden chuisho tantiash padiseobo: ¿Aidta nedic? Ma aidpenquio neoc. Podobitsi icsan icbo Bedsebu caidën namiaid icquimbien Esusën podobitsi icsa dapuduenmequin naic, quequin Esus icsambuen chuishumpanëdash.

Mateo 9:34

Adnubien padiseobo: Podobitsi icsabon icbon namiaid icquimbien Esusën podobitsi icsa dapuduenmequin nachitec, quecuededpondash Esus caic.

Uanën dada uaid 7:20

Adsho tantiashumbien ambo tabadquidon: Mayan Icsa Satanasën iua podobitsi icsa dapuduedashien mibi adec onquec nec. ¿Tsutsi mibi cuessunnete bumpec? capondash.

Uanën dada uaid 8:52

Adsho tantiashun isadaidbon chuiquidon naden chuiuapondash: Nëbi Mayan Icsa Satanasën iua dapuduedash mibi nec, quequin abimbobi tantiaquiembi. Umbi chiacpadombuen naquid uënësenquio ictsiash, quequimbien mimbi chuipec. Adquid icnubi Nuquin tsusedpa Abadauan yec Nuquin Papan oncamiaido yec quequidtedi uënësbudnepampic.

Uanën dada uaid 8:48

Aden Esusën chuisho tantiashumbien cun matses isadaidbon chuiquidon naden chuipondash: Ma mibi Mayan Icsa Satanasën iua dapuduedash neyoc. Samadia yacnocquidobimbuec icsamboshë ma mibi iqueyoc, quequin ubitedishun abimbo caimbi, capondash.

Ducas 11:15

utsi utsiec: Bedsebu caid podobitsi icsan icbon namiaid icquimbien Esusën podobitsi icsa dapuduenmequin nachitec, quepanëdash.

Madcos 7:1

Adnubien Edusaden yacnouësh padiseobobëdi Moisesën chiampid tantiamequido Esus yacno chochopanëdash.

Mateo 11:18

Uan acten mentoanquid pete utsi utsien pesa niondash. Adecbidi acte paë uaid aquesambo niondash. Adquid icsho isash: Podobitsi icsa dapuduedashien nechitec, ma mibitedi quepondac.

Uanën dada uaid 10:22

Iuecpactsëc ictanec iquenuanquid icnuc cun matses setan setanquiec Edusaden yacno chochoash cuëdëncuededpondash. Nuquin Papa tabadte shubu dapa nacnenquin nainampid tantiec adec cuëdëncuededpondash.

Ducas 5:17

Adashic uëshë utsimbi Esusën Nuquin Papan chiaid chuibannuc padiseobobëdi Moisesën chiampid tantiamequid dadpen ambo tabadpanëdash. Aido utsi utsiec nidaid Cadidea yacnouësh chochoquido icnubi utsi utsiec nidaid Udea yacnouësh chochoquid icnubi utsi utsiec shubu dadpen icquid Edusaden yacnouësh chochopanëdash. Adec chochoash tabadnubien Nuquin Papan nadatiambocquin naquid icmiac matses daicsaidobëta nënquido bëdanmequid Esus icpanëdash.