Madcos 3:11 - El Nuevo Testamento en matsés

¹¹ Adnubi podobitsi icsa dapuduedaido choquin Esus istuidequi dannëshën sebudec cumapenec sidquec: Nuquin Papan Madombo mibi nec, quec cumapenec cuëdpanëdash.

Madcos 3:11 Referans Kwoze

Ducas 4:41

Adembidi utsi utsiec podobitsi icsa dapuduedaido icsho dapuduenmebampanëdash. Adoac: Nuquin Papan Madombo mibi nec, quec sidquesho tantiashun: Aden ubi chienda, Esusën cac podobitsi icsa ënëdpanëdash. Mesias nebi, quequin tantiaquin utsibo tantiamenushe, queshun podobitsi icsa chuimenquio icpanëdash.

Ducas 8:28

Aidi Esus bëquedec choec Esusën taëno dannëshën tinquebudash cumapenec cuëdec: ¿Atotsi ubi canuec ne? Esus. Nadatiambocquid Nuquin Papan Madombo mibi neque. Ubi mëyanenda, quequin aid dadan chuipanëdash podobitsi icsan oncamiac.

Santiaco 2:19

Nuquin Papa abentsëcquiobi iquec, quequin mimbi tantiec. Aden tantiaid bëdambo iquec. Adembidi podobitsi icsatedishun tantiauaic. Aden tantiec aido dacuëdec uëdëquec.

Mateo 8:29

Aidon podobitsi icsabon oncamiacpadombuen cumapenec cuëdquin Esus naden chuipanëdash: ¿Atotsi ubitedi canuec ne? ¿Nuquin Papan Madombo icquin ubi natiamequin cuidnuecta cho? ¿Nuquin Papan abitedi cuidte uëshë choabi icnubida ubitedi cuide? capanëdash podobitsi icsabon oncamiac.

Mateo 4:3

Adec bunec tsadshobien Mayan Icsa Satanasën istuidpanëdash. Aden istuidtanquimbien: Nuquin Papan madombo icquin penun nëid cuënotebi: Pete icta, cata, capanëdash.

Hechos 16:17

Aden bëquedtuidac Pabadobëta ubitedi tsibambëec choec chido nua cuëdec: Nëid dadatedi Nuquin Papa abitedishun Icbon namiaidombo nec. Aido: Nuquin Papa yacno puduedmianquid iquec, quequin chuibanquido nec, quec

Mateo 8:31

Adnubien podobitsi icsabon aid dada daëd oncameuac: Ubitedi cuenmequin chanchon dadan icbo icbuen dapuduedme, quecuededpanëdash podobitsi icsabo.

Mateo 4:6

Adotanquimbien padpiden chuiuaquin: Nuquin Papan Madombo iquec nëuëshquio pudunta. Nuquin Papan naden chuiquin dada uamiampid iquec: Uidën uata, quequin Nuquin Papan abëd icquido ambi budmiaido chiac mibi uidën uaindac. Cuënoten tadquëdnushe, queshun adoendac, quequin chiampid iqueque. Pudunta, capanëdash.

Mateo 14:33

Adsho issun cano antabëdquidon dannëshën sebudshun ismequin: Mibi bëdamboshë iquec. Ma Nuquin Papan Madombo mibi nepayoc, quequin ubitedishun Esus chuibededpondac.

Madcos 1:1

Nuquin Papan ambi tantiampicpaden aton Madombo Esuquidistu Mesias caid chomete tauaquin chiampid Chiaid Bëda chuinu. Tantia.

Codinto 1 11:34

Bundoshon ma aton shubunoshombi penuna. Adosho isash: Icsambuen naique. Cuidnu, quetiapimbo Nuquin Papa iquendac. Mibi yacno isec nidshun mimbi: Chui, cabued utsitedi tantiamequin nainquin chuibanendambi.