Madcos 2:5 - El Nuevo Testamento en matsés

⁵ Aden imbudsho issun: Esusën bëdanmec, quequin abi imbudquidon tantiec, quequin ambibi tantiashun Esusën: Mado, mimbi icsambuen naid tantienquio yec bëshunobi, capanëdash.

Madcos 2:5 Referans Kwoze

Mateo 9:2

Adnubien utsibon dada shëquëquenquio icquid Esus ismenuen nënquid nandoten nandoshon bëpanëdash. Bësho issumbien Esusën: Ubi caic: Aidën bëdanmetsiash, queshun aidon bëosh, queshun naden daicsaid shëquëquenquiocquid chuipanëdash: Bëdambo yec cuishonqueta, mado. Mibi cuidtiapimbo yec mimbi icsambuen naid tantienquio yec bëshunobique, capanëdash Esusën.

Santiaco 5:15

Nuquin Papa bëdanmianquidquio nec, quequin tantiaquioquin chuinuc nënquid Nuquin Icbon bëdanmendac. Adembidi nënquidën icsambuen naidtedi tantienquio yec bëshunquin Nuquin Papan bëdambuen isendac.

Mateo 9:22

Adoac bidiadquin chido isquin Esusën naden chuipondash: Dacuëdenda. Mibi: Aidën bëdanmiac bëdanebi, quequin mimbi tantiacpadquiequi mibi bëdanoc, Esus quenubi bëdanquiopanëdash.

Epeso 2:8

Nuquin Papa matses bëdambuen iste bunquid icquin Esuquidistu tantiasho abi yacno tabadtequido mibitedi icmiac. Umbibi tantiacpaden naquin Nuquin Papa bëdambuen ismembi, quetiapimbo mibitedi iquec. Padnuen mibi tantiaquioquin: Ubi cuidquin mene, quenquiocquin Nuquin Papan abi tantiamiaido mibitedi nec.

Hechos 5:31

Aden uincuenmeshun aton dayun abiucquio tsadmequin abitedishun Icbombo icmeshun abi yacno matses puduedmequidquio Esus icmepanëdash. Aden nabanaid tantiash isadaidbo ma aidquio tantiaquid icpanuna. Adsho issun ma aidon icsambuen naid tantienquio yec Nuquin Papa bëshumpanuna.

Uanën dada uaid 5:14

Adshumbic Esusën Nuquin Papa tabadte shubu dapa tsicatiacno puduedshun ambi daicsacsho bëdanmebued istuidpondash. Istuidshumbien: Tantia. Mibi chuinu. Umbi bëdanmebuedquio mibi neque. Padpidembuen icsambuen nainquiocquin ënash bëdambo icta. Padenquio yec padpidembuec daicsabudchitomane, quiash adta, capondash Esusën.

Ducas 5:20

Dada shëquëquenquiocquid umbi bëaid Esusën bëdanmendac, quequin tantiaquin bëquidon ambi bëaid imbudsho isash dada shëquëquenquiocquid caic: Mado, mimbi icsambuen naidtedi tantienquio yec bëshunobi, quepanëdash Esus.

Codosas 3:13

Mimbi nacpadombuen utsibon nainquiocsho issun: Tantienquiocquid nec, quenquio icquin adembi chuiban. Adecbidi utsin mibi icsambuen chieshënquin nasho isash aidën naid tantienquio yec bëshunta. Nuquin Papa umbi icsambuen naidtedi tantienquio yec bëshunosh, quec adta.

Codinto 2 2:10

Aden umbi dada uaquin chiacpaden mimbi puduedmenquio yac ambi icsambuen naid ënsho issun ambi icsambuen naid nibëdacbimbuec bëshunshun bëdambuen isquin iuedosh, quesho tantiashun adombuembidi bëdambuen isuaimbi. Aidbëdi iccuededosh, quesho tantiash aidën icsambuen naid tantienquio yec bëshunebi Esuquidistun tantianubi.

Codinto 1 11:30

Adquid icnuc mibitedi utsi utsiec uidëmpentsëcquio iquec. Utsi utsiec nënec daicsabudnubi utsi utsiec uënësac.

Hechos 14:9

Aidi Pabadon Esus chuibansho tantiec: Esusën ubi bëdanmetsiash, quequin otacquio tantiec tsadpanëdash. Aden caputiapimbocquidën tantiacpadombuen Nuquin Papan Pabadotsen tantiamiac

Hechos 11:23

Adoac Antioquia yacno choshon ambocquido Esus tantiaquido Nuquin Papan bëdambo icmiaid icsho isash: Bëdambo iquebi, quec cuishonquequin: Adembi chieshtoenquio icquin Nuquin Icbo Esus tantiata, capanëdash Bednaben.

Uanën dada uaid 2:25

Utsin chiambobi ambibi matsesën tantiaidtedi tantiaquidquio yec Esus adpondash.

Ducas 8:48

Adoaquien: Mimbi tantiacpadquiequi mibi bëdanaque. Dacuëdenquio yec bëdambuec tabadec nid, champi, capanëdash Esusën.

Madcos 5:34

Aden chiac Esusën: Champi, mimbi tantiacpadquiequi mibi bëdanaque. Dada icsambo icbuedi nëbi mibi bëdanoque. Bëdambuec nidec nid, capanëdash chido chuiquin.

Mateo 9:5

Umbi: Mimbi icsambuen naidtedi tantienquio yec bëshunobi, quequin chuinuc ¿bëdantequidpenquioda nedic? Adecbidi mibi daicsaid icbuedi mibi bëdanoque. Nidtoash nidec nid, quequin umbi chuinuc ¿bëdantequidpenquiobidida neuadic?

Madcos 2:6

Adnubien utsi utsiec Moisesën chiampid tantiamequido ambobi tabadquin naden tantiapanëdash: