Madcos 2:13 - El Nuevo Testamento en matsés

¹³ Adashic padpidec chian Cadidea caid cuëman Esus niduapanëdash. Ambobi tabadnubien aidën chuisho tantianuec matses dadpen chochoacsho issun Nuquin Papan Chiaid chuibampanëdash.

Madcos 2:13 Referans Kwoze

Madcos 4:1

Adashic padpidec chian cuëman nidshun Esusën dadpen chuibanuapanëdash. Aden chuibansho matses dadpen abi tantiec chochosho isash Esus cano antsadtopanëdash, chochoquido acte cuëman tabadnubi.

Ducas 21:38

Adecbidi badiadnuc badiadnucquiec Esusën chuibansho tantianu, quequido Nuquin Papa tabadte shubu dapa yacno choded chodedpanëdash.

Ducas 19:48

Aden aidtedishun tantiaquin caimbedednubi: Esusën chuibansho tantianu, quec matses dadpen Esus datsidadacsho issun ashunquio isadaidbon chuiquidon Esus uënës uamenuen bedtiapimbo icpanëdash.

Madcos 2:2

padpidec matses dadpen chochopanëdash. Adec chochoash shëcuë cuëman tsucus tsucustsëcquio yec utsi tabadtiapimbo yec tabadsho issun Esusën Nuquin Papan Chiaid Bëda chuibampanëdash.

Madcos 1:45

Adsho tantiaboshombi niacbidanquin: Esusën bëdanmioshi, quequin abitedi chuibennepanëdash. Aden chiac Esus yacno matses dadpen chochopanëdash. Adec chochosho isash: Shubu dadpen icquid yacno tabadtiapimbo iquebi, quianec shubu nibëdacno Esus abëd icquidobëd nidpanëdash. Adnubien Esus nibënec nidaid utsi utsiec yacnouësh matses dadpen chochopanëdash.

Mateo 13:1

Aton tita choaid uëshëmbi Esus shubu yacnouësh puduenanec nidec chian cuëman budash tabadtuidpondash.

Mateo 9:9

Adnubini cun matses piucquid bedshumbanec podquied cuëman shubumpi tsadquidën tsadpondac. Cun matses iuaquid nidaid Doma yacnocquidon chuiquid tapanquio: Umbi chiactedi piucquid bedshumbanta, cac niondabi. Ambo tsadshobini Esus choquin istuidquin: Nuquibi icnu. Cho, capondash. Adoac badedi tsibananec

Madcos 10:1

Esus abëd icquidobëd shubu dadpen icquid Capednaun yacnouësh puduanec nidec nidaid cuëshë Udea yacno matambidanec nidquin acte Odan caid potepanëdash. Ambo uëshë choacmi choash tabadsho isash padpidec matses dadpen chochopanëdash. Adec chochoacsho issun ambi chuidedniacpadembi Nuquin Papan Chiaid padpiden chuibanuapanëdash Esusën.