Madcos 15:32 - El Nuevo Testamento en matsés

³² Quidistu Nuquin Papan Chomiaid isadaidbon chuiquid tapa nebi, quebued yec mibibi bud. Adec budacsho issun: Quidistu nec. Mesias, quequin tantiendambi, quepanëdash. Aden aidon chuinubi abëta dectanaidon adembidi icsambuen chuishunuapanëdash.

Madcos 15:32 Referans Kwoze

Mateo 27:44

Adnubien ampequido abëta cuesten dectambuedontsen Esus icsambuen chuishumpanëdash.

Timoteo 2 2:18

Aidon Nuquin Papan Chiaidquio chienquio icquin muaquin chiec: Uënësabi icquin Esus tantiaquido yequi uincuenaidquio nuqui nec, quequin muaquin chuisho tantiashun utsin utsinquien Nuquin Icbon Chiaidquio tantienquio yanendac.

Mateo 1:17

Aidtedi Esusën tsusedpabo icpampic. Abadauan bedanquin aidën tsiuecquido 14tedi chuiquin Dabid ënquin chiombi. Adoshombic Dabid ënquin chuibued aidbidi chuiuaquin padpiden bedanquin aidën matses tsiuecquido 14tedbidi chuiquin Econias buchibobëta Babidonia yacno buanaid ënquin chiombi. Adoshombic Econias ënquin chuibued aidbidi chuiuaquin padpiden bedanquin aidën tsiuecquido aton matses 14tedbidi chuiquin Esusquiobi ënquin chiombi.

Doma 3:3

Isadaidbo utsi utsiec Ambi Chiaid niacquido icsho issun ¿ada Nuquin Papan ambi chiacpadombuen nainquio icpatsiash?

Uanën dada uaid 12:13

niste podobiecquid tebëtsennec Esus bëquedec chochopondash. Adec chochoquin: Chuiquid tapa nec, quequin ismequin ambi tebëtsennebued uic uiccabededec: Osana. Nuquin Papan Chomiaid yec mibi bëdamboshëcquid nec. Cun matses isadaidbon chuiquid tapambo mibi nendac, cabededpondash Esus cain.

Uanën dada uaid 1:49

Adsho tantiashumbien: Icbo, Nuquin Papan Madombo mibi nec. Nuquin matses isadaidbon chuiquid tapambo ictequid mibi nec, capondash Natanaedën.

Madcos 15:26

Esus dectanaid mapino: Isadaidbon chuiquid tapa icsho cuidaid nec, quequin cueste pada uaidën dada uaid diadpanëdash.

Mateo 27:42

Utsibo ismenuembien cumapenen tantiaquin nadatiambocquin matses bëdanmechitosh. Adquid yec budsho isnuqui. Isadaidbon chuiquid tapambo nebi, quequid yec mibibi uënësenquio yec bud. Adec budsho issun: Nuquin Papan Chomiaid yec Aidën Madombobi nec, catsiambi.

Madcos 15:27

Cuesanquid yec ampequid daëd ëquë dectambudcuenquin dectantanquin nënantanquio Esus dectampanëdash.