Madcos 15:19 - El Nuevo Testamento en matsés

¹⁹ Adotanquimbic ambi cueste sananmiaid bedshundednequin sondado abentsëcshun abentsëcshunquien macuestanquin bëpishtucatanec dannëshën sebudec shuebudshun: Chuiquid tapa nec, quequin mamënshumpanëdash.

Madcos 15:19 Referans Kwoze

Madcos 14:65

Adshumbic utsibon Esus bëpishtucaquin tauapanëdash. Adotanquin dashcuten bëpucshun cuestanquimbi: ¿Tsuntsin mibi cuesoshe? Cumapenen tantiaquidquio icquin en ubi chui. Tantianu, capanëdash Esus chuiquin. Adoshobi Nuquin Papan shubu dapa isquid sondadon mëdanten bëcuespanëdash.

Ebedeo 13:13

Adoaid yec Esusbëd icquid nebi, quiash umanuc buansho isash aidbëd nidacbimbuecquid icnuna. Adquid icsho issun Esuquidistu tantiesabon: Mibi icsamboshë iquec, quequin Esus chieshënnëdacpadombuembidi nuquitsen chieshënendac.

Pidipos 2:10

Aden Nuquin Papan bëdamboshëcquid Esus icmiac, quequin tantiec aid ismec ma nëidtedi dannëshën tinquebudcuedednu, abuc tabadquido yec, nidaidën tabadquido yec, nidaid ëquëduc tabadquido yec quequido.

Doma 11:4

Adoac Nuquin Papan naden chuipampic: Abi Umbi namiacpadombuen ubi tantiaquido dadpenquio 7midted iquec. Aidon ubi tantiesabon papa canuen ambi nacnenaid Bad caid tantienquio iquec, quequin chuipampic.

Ducas 23:36

Adembidi sondadon icsambuen chuishunquin mamënshumbededquin: Uba chinaid mucambocquid dauë nëcushaid acmenu, quequin sananquin Esus ismequimbi:

Ducas 23:11

Adoshombic Edodesën aton sondadobëtan Esus icsambuen chuiquin mamënshumbededtanquin chuiquid tapabimbuec isadnuc dashcute dapa dasiuinshumbic Pidato yacno Esus buanmeuapanëdash.

Ducas 22:63

Adshumbic: Esus cuennushe, queshun isquido sondadon Esus icsambuen chuishunquin mamënshunquin cuesbededpanëdash.

Madcos 10:34

Adoac bedshun aidon oncain mamënshumbededquimbi bëpishtucabannetsëcquien cuesquin mëyantanquin buanshun ubi uënës uamendac. Aden uënës uaqui daëdec ushash uincuenendabi, quepanëdash Esus.

Madcos 9:12

Adoaquien Esusën: Ai, abimbo chiosh. Matses bëdambuec tabadmenuec Edias bëyuc choendac, quequin Nuquin Papan Chiampid iquec. Adquid icnuc ¿atotsi queshun Matsesën Tishaid yec nëbi tabadsho matsesën chieshënquin natiamequin mëyanendac, quequin chiampid icuapec?

Mateo 27:30

Adshumbic bëpishtucatanquin ambi cueste sananmiaid bedshundednequin aidëmbi macuestonepanëdash.

Madcos 15:18

Adshumbic chuiquid tapa cuënacbimbuen cuënquin: Mibi isash bëdambo iquebi, isadaidbon chuiquid tapa, quequin Esus oncaquin mamënshumbededpanëdash sondadon.

Madcos 15:20

Aden oncaquin mamënshumbededtanquin dashcute dapa piu piumbocquid ambi dasiuimbued dachictanquin aton dashcutebidi dasiuinuapanëdash. Adoshon: Ma uënësnu. Cueste napotiaidën dectanec nidnu nid, quianec nidquin Esus buampanëdash.