Madcos 15:14 - El Nuevo Testamento en matsés

¹⁴ Adoaquien Pidaton: ¿Atotsi icsambuen nasho mimbi adope? caquien buëdanquiec cuëdcuededec: Cueste napotiaidën dectanme, quecuededuapanëdash.

Madcos 15:14 Referans Kwoze

Ducas 23:41

Icsambuen nabansho cuidaid nuqui daëdi nec. Nëid dada icsambuen naisa icshobi cuidenquioctiadquidi naic, quepanëdash.

Petedo 1 1:19

Esuquidistu icsaisambo icshobi chieshënquin nëish iua obeca bëdambocquid cuessunniacbimbuec matses abitedi cuidmenquio icnuec cueste napotiaidën dectanac abided cuidadec intac chididiquec uënësaidquio mibitedi tantiamepanëdash.

Ebedeo 7:26

Aden nuqui bëdambuen ismequid chuiquid tapa uënësenquio ictequid Esus adquid yanan nuqui bëdamboshë iquec. Aidi bëdamboshëcquid icquin icsambuen naisambo nec. Matses icsambuen naquido nibëdacno Nuquin Papa yacnoshon abitedishun: Cun Icbombo yec mibi bëdamboshëcquid nec, capec.

Hechos 19:34

daëdpactsëc chiec onquesho tantiash cuëdcuededbuedi ënëdash tabadnubi: Isadaidbo aidi nec, quesho tantiash: Epeso yacnocquidon tantiaid Adtemisa bëdambo iquec, quec iuecquio cuëdcuededuapanëdash.

Uanën dada uaid 19:6

Adoac chosho istanquimbien cumapenec cuëdquin: Cueste napotiaidën dectanquin uënës uame. Cueste napotiaidën dectanquin uënës uame, cabededpanëdash nëish iua cuessunneshun pichicaquidon chuiquidobëtan Nuquin Papa tabadte shubu dapa isquido sondadon. Adoaquien Pidaton: Mimbibi cueste napotiaidën dectanquin uënës uatan. Icsambuen naquidpenquio icsho Esus uënës uametiapimbo iquebique, capanëdash.

Uanën dada uaid 18:38

Adsho tantiash Pidato: ¿Tsuntsin abimbo tantiaquin chuipatsiash? quetanec puduenshun Esus bëquido isadaidbo naden chuiuapanëdash: Mambi Esusën icsambuen naid istuidambo icpaboc, quepanëdash.

Ducas 23:47

Adec Esus uënësso isash ambi isbuedtedi tantiaquin Nuquin Papan naid chiec sondadon chuiquid capitan: Abimbo chuiquid niosh. Nëid dada bëdambocquid niosh, quepanëdash.

Ducas 23:21

Adoaquien cumapenec cuëdcuededuaquin: Cueste napotiaidën dectanme. Cueste napotiaidën dectanme, cabededpanëdash isadaidbon.

Ducas 23:4

Adsho tantiash: ¿Atotsi icsambuen nacshoembi cuidpe? Ambi icsambuen naid nibëdec, quepanëdash Pidato nëish iua cuessunneshun pichicaquidon chuiquidobëta chuiquid utsibo chiec.

Mateo 27:54

Nidaid uëdëquec ishcudnuc dacuëdampambo icsho isashien Esus isec tabadquido sondado aton chuiquid capitambëdi dacuëdtanec: Ma nëid dada Nuquin Papan Madombobi nepayoc, quecuededpanëdash.

Mateo 27:19

Adashic matses icsaido cuidte chuinuec tsadte dapan abucquio tsadtopondash Pidato. Adshobien iuan naden chuituidpanëdash: Min chidon: Naden chuitan, cac chobi. Esus caic: Aid dada bëdambocquid neque. Uënës uamenda. Dacuëdampambo icsho ushquin isombique. Uënës uamenda, quiosh, quequin chuituidpanëdash.

Mateo 27:4

Nidshumbic chuiquido naden chuituidpanëdash: Cuessunnemenuen bëdambocquidi mibi bedmec icsachitobi. Nëid mimbi menebued mibi menenuec chobi. Në bed, caquien chuiquidon: Padi. ¿Atotsieshun nai? Ma mimbi bedmepaboc, quepanëdash Udas caic.

Madcos 15:13

Adoaquien cumapenec cuëdcuededec: Cueste napotiaidën dectanme, quecuededpanëdash.

Madcos 15:15

Adsho tantiash: Isadaidbon: Bëdambocquid nec, ma ubi canu, queshun Badabas chicpanëdash. Adshumbic: Cueshcaten Esus cacuesmetanquin cueste napotiaidën dectanquin uënës uatan, quequin sondado buanmepanëdash Pidaton.

Hechos 13:28

Esusën icsambuen naid nibëdec, Pidaton cashobi: Icsambocquid neque. Aid uënës uametiadquidi mibi nec, quepanëdash isadaidbo Pidato chiec.