Madcos 15:10 - El Nuevo Testamento en matsés

¹⁰ Ubi chuiquid tapa icmenquio icquin Esus chuiquid tapa icmenushe, queshun chieshënquin nëish iua cuessunneshun pichicaquidon chuiquido Esus uënës uamete bunec, quequin tantiaquin Pidaton aden chuipanëdash.

Madcos 15:10 Referans Kwoze

Tito 3:3

Ënden Esus tantiesa yec nadquio nuquitedi icpondac. Nuquin Papan chiacpadombuen naisa yec nuqui bunacpaden naic tabadec bënnudacbimbuec nuqui icpondac. Adecbidi nuqui bunacpaden nabanquin ëntiapimbocquin nuqui icsambuen nadednepondac. Icsambuec tabadquido yec utsin bëdambuen isquin namesho isash nuqui nëishpondac. Adecbidi utsibobëd nëishnanash nuqui chieshënnampondac.

Mateo 27:18

Naden tantiaquin Pidaton chuipanëdash: Esus chieshënquidon: Ubi chuiquid tapa icmenquio icquin Esus chuiquid tapa icmenushe, queshun chieshënquin isadaidbon chuiquidon Esus uënës uamete bunec, quequin Pidaton aden chuipanëdash.

Uan 1 3:12

Ëndenquimbo aton utsimbobi chieshënquid Cain icpampic. Aidpadquidpenquio icnuna. Mayan Icsa Satanasën tantiamiacpaden aton utsibi cuessunnepampic. ¿Atotsi queshun cuessunnepampic? Aton utsin bëdambuen nasho issun nëishtanquin icsambuen naquid icquin cuessunnepampic.

Santiaco 4:5

Adquid chuiquin naden dada uamiampid iquec. Nuquin Papan nuquitedi tantiaquin aton Mayan meniash nuqui cudasendac, quequin chuipampic.

Hechos 13:45

Adsho isashien isadaidbon chuiquido: Umbi chuibansho tantianuec aidted chochoenquio iccosh, quequin tantiec nëishpanëdash. Adec nëishash: Mimbi Nuquin Papan Chiaid icsambuen chuibanec, quequin Pabado icsambuen chuishumpanëdash.

Madcos 15:9

Adsho tantiashumbien Pidaton: Isadaidbon chuiquid tapa nebi, quebuedtambi ¿nidmepe? capanëdash.

Madcos 15:11

Adnubien Nuquin Papa ismequin nëish iua cuessunneshun pichicaquidon chuiquidon ambo tabadquido chuiquin: ¿Adambi Esus nidmepe? quequin Pidaton chiac: Padi. Badabas chicquin puduenmeta, quequin chuidoneta, quequin chuipanëdash. Adoac aden chuibededpanëdash.