Madcos 14:41 - El Nuevo Testamento en matsés

⁴¹ Adnubien padpidec niduashun Nuquin Papa chuiuatanec chouaic: ¿Ushcas mëmuntiapimbo yecta ushec mibitedi samëdec ne? Baded isucun. Nëbimbobi Matsesën Tishaid icshobi icsambuen naquido ubi bedmeque.

Madcos 14:41 Referans Kwoze

Madcos 14:35

Aden chianec udictsëc nidash Nuquin Papa chiec dannëshën sebudec nidaidën bëccuësquebudash onquec: ¿Ada ubi natiamequin mëyanmenquio ictsia? Papa, quepanëdash Esus.

Madcos 9:31

Adec nidquin chuibanequi: Matsesën Tishaid icshobi ubi chieshënquidon ubi bedmendac. Aden bedshun meniac mëyanquin uënësuac daëdec ushash uincuenendabi, quepanëdash Esus.

Uanën dada uaid 17:1

Aden ubitedi tantiamequin chuibanshumbic abuc isquin Esusën naden Nuquin Papa chuipondash: Papa, nëbi mimbi tantiaidtedi nainsho issun mimbi tantiamiacpadquiec: Aton Mado Esus bëdamboshëcquid yec abitedishun Icbombo nec, matses cameta. Adembidi mimbi chiacpadombuen umbi nasho issun mibi caic: Abi namequidtsen bëdamboshëcquid yec abitedishun Icbombo nec, cameta.

Hechos 7:52

¿Nuquin Papan oncamiaido nuquin tsusedpabon mëyanenquioda icpampic? Adembidi: Nuquin Papan Chomiaid icsaisambo choendac, quequin chuibanquido tsusedpabon cuessun secapampic. Aidon nampicpadembidi Nuquin Papan Chomiaidquio icshobi mibitedishun chieshënquin uënës uamepondac.

Uanën dada uaid 12:27

Adashic abi uënës uate tantiec natiaquiec uënësquimboshë Esus yampondash. Naden chuipanëdash: Mimbi tantiacpadombuen natiapimbo iquebi, Papa ¿quequindambi chuipe? Mabi Cun Pan chiacpadombuen nanuec chopondac, quepondash Esus.

Uanën dada uaid 12:23

Adoaquien: Matsesën Tishaid icquin nëbimbobimbi Nuquin Papan Chiaidtedi nainendac, quepondash Esus abi uënës uate chiec.

Uanën dada uaid 8:20

Nuquin Papa tantiaquin piucquid menequin sandote tabëcaid dectanacnoshon Esusën aden chuibampondash. Aden chuibansho abi chieshënquidon abi uënës uate uëshë choabicnuc Esus bedenquio icpondash.

Uanën dada uaid 7:30

Adsho tantiashun: Nuquin Papa caic Cun Pa nec, quechitequien nec, queshun abi chieshënquidon: Uënës uamenuembien bedtiad, queshumbi abi uënës uamete uëshë yanabi icnuc Esus bedenquio icpondash.

Madcos 14:18

Adec chochoash pec tabadequien: Abimbo chiembique. Tantia. Ubëtan pequid abentsëcshun ubi chieshënquin ubi chieshënquido ubi bedmendac, quepanëdash Esus.

Madcos 14:10

Adnubien Udas Iscadiote abëd icquid abentsëc: Esus bedmenu, quequin tantianec nëish iua cuessunneshun pichicaquidon chuiquido yacno isec nidpanëdash.

Madcos 7:9

Aden chuishumbic naden chuiuapanëdash: Nuquin Papan Chiaid niac niacquin tsusedpabon: Nadombuen nata, quequin chiampicpadombuen nabanquidquio mibitedi nec. Aden nabanquin ma mibitedishun Nuquin Papan Chiaidquio niac niacpayoc.

Mateo 26:2

Daëdec ushshun nuquin tsusedpabon: Ma cun mado uënësmenquio icnu, queshun obeca caniactsëc cuessunniampid tantiaquin penun obeca caniactsëc cuessunnec, quequin mibitedishun tantiec. Aid uëshëmbi Matsesën Tishaid icshobi cueste napotiaidën dectanmenun ubi bedendac, quepondash Esus.

Madcos 14:40

Adtanec padpidec chouaquin isaquien Petedo chedo ushuaic ushcas mëmuntiapimbo yec. Adsho tinac: Ushcasquin chuitiapimbo yec otacquio tabadpanëdash.

Madcos 14:42

Baded nidnu. Isucun. Ubi chieshënquin bedmequid choeque. Is, quepanëdash Esus.