Madcos 14:39 - El Nuevo Testamento en matsés

³⁹ Aden chianec ambi Nuquin Papa chuibocno padpidec niduashun ambi chuibocpadembidi Nuquin Papa Esusën chuiuapanëdash.

Madcos 14:39 Referans Kwoze

Codinto 2 12:8

Adec cun dada bëdantiapimbo icsho issun: Ubi bëdanme, Icbo, quequin Nuquin Icbo 3teden chuiuidondambi.

Mateo 6:7

Nuquin Papa chuiquin bëdambuen chianneta. Nuquin Papa tantiesabon ambi tantiaid abibidi chuibud chuibudacbimbuen Nuquin Papa chuibudenda. Iuenquio chuibudac nuqui tantiabuedën nuqui nashuntsiash. Padenquio icac nuqui nashunenquio ictsiash, queshun Nuquin Papa tantiesabon iuen aiduidi chuibudacbimbuen chienda.

Ducas 18:1

Adshumbic Esusën: Ma ubëd icquidon chieshtoenquio icquin Nuquin Papa chiannenu, quequin tantiaquin utsi chiacbimbuen naden chuipanëdash:

Madcos 14:38

Ushenquio icquin Nuquin Papa chuita. Nuquin Papan Chiaid niacmequid Mayan Icsa Satanasën icsambuen namequin tannu, cac: Chieshtoenquio iquebi, quebuedi min dada uidëmpentsëcquio icsho badedquio mibi chieshtomendac, quepanëdash Esus.

Madcos 14:40

Adtanec padpidec chouaquin isaquien Petedo chedo ushuaic ushcas mëmuntiapimbo yec. Adsho tinac: Ushcasquin chuitiapimbo yec otacquio tabadpanëdash.

Ebedeo 5:7

Esuquidistu matsesash nidaidën tabadec: Ubi uënës uamequin mëyanquiendac, quequin tantiec shubiquioquin naden chuidonepanëdash: Nadatiambocquid icquin ubi uënës uamenda, Papa, quequin chuidoniaqui: Ai, quenquio icsho Aton Madon naden chiec: Papa, mimbi chiacpadombuen naindambi, quequin abi chuisho tantiashun aton Papan adombuen namepanëdash.