Madcos 14:36 - El Nuevo Testamento en matsés

³⁶ Aden chiashic: Papa, Papa, mimbi natiapimbo ictequid nibëdec. Adquid icquin ubi bunacpaden ubi mëyante nibëdmiac bëdambo ictsiash. Ubi bunacpadombuen nainquiocquin mimbi tantiacpadombuen nameta, Papa, quepanëdash Esus.

Madcos 14:36 Referans Kwoze

Cadasia 4:6

Aden Aton Mado tantiaquidotedi: Cun bacuëbo nec, queshun Nuquin Papan Aton Madon Mayan meniac nuquibëd tabadec. Aden meniac aidbëd tabadquin bacuën amë: Ubi, papa, cacbimbuen Nuquin Papa nuqui chiannec.

Uanën dada uaid 5:30

Umbentsëqui natiapimbo iquebi. Cun Pan chiacpadombuen naquin matses cuidte chiendambi. Matsesën naidtedi tantiaquidquio icquin abimbo chiendambi. Umbi tantiacpaden nainquio icquin ubi chomiondaid Cun Pan chiacpadombuen naindambi, quepondash Esus.

Timoteo 2 2:13

Matses icquin Nuquin Papan chiacpadombuen natiapimbo nuqui icnubi Esusien aidën chiacpadombuen naquidquio nec. Adquid icquin ambibi chiaid niaquesambo nec, quequin chuipampic.

Uanën dada uaid 12:27

Adashic abi uënës uate tantiec natiaquiec uënësquimboshë Esus yampondash. Naden chuipanëdash: Mimbi tantiacpadombuen natiapimbo iquebi, Papa ¿quequindambi chuipe? Mabi Cun Pan chiacpadombuen nanuec chopondac, quepondash Esus.

Tito 1:2

Nuquin Papa muesambo nec. Adquid yec ëndenquimboshë nidaid uabi yequi onquec: Umbi chiacpadombuen Esuquidistu tantiaquido icsho ënenquiocquin ubëdi tabadmendambi, quequin ambi chiampicpadombuen ma nëidon tantianu, queshun Esuquidistu chuibennequidquio icmiondashi.

Pidipos 2:8

Matses iuabimbuecquid yampanëdash. Adash aton Papan chiacpadombuen nabanequi uënëspanëdash. Cueste napotiaidën dectanquin uënës uapanëdash.

Uanën dada uaid 18:11

Aden pateshunnesho istanquimbien Esusën: Padi, Petedo. Min chështe aucbidi tsiusud. Cun Pan chiacpadec ¿natiamboshë icmiac uënësenquiodabi ique? quepondash Esus.

Madcos 10:27

Adoaquien aido bëisec Esus nadpanëdash: Matsesën natiapimbo ictequid icnuc Nuquin Papain namianquidquio nec. Ambi natiapimbo ictequid nibëdec, quepanëdash.

Uanën dada uaid 4:34

Adsho tantiash Esus: Ubi cuishoncamete petebimbuecquid utsi iquec. Ubi chomiondaid Nuquin Papan chiacpadombuen naic bëdambo iquebi. Ambi chiaidtedi chonoadquin nainnuec nebi, quepondash.

Mateo 26:39

Aden chianec udictsëc nidash dannëshën tinquebudec nidaidën bëccuësquebudquin Nuquin Papa chiec: ¿Ada ubi natiamequin mëyadmenquio ictsia, Papa? Ubi bunacpaden namenquiocquimbi mibi bunacpadombuen nata, Papa, quepanëdash Esus.

Mateo 6:9

Naden mibitedishun Nuquin Papa chuita. Papa, bëdamboshë icquidquio yec mibi abucquimboshë tabadec. Adquid icsho matses abitedishunquio: Ubi uaquid utsi nibëdec. Mibi bëdamboshëcquid nec, quequin ma mibi tantiapanuna, papa.

Ebedeo 6:18

Adec Nuquin Papa muatiapimbocquid icquin: Umbi chiacpadombuen naimbi, quequin chiaid utsi uatiapimbo iquec. Aden abimbo chuiquidquio nec. Adquid nec, quequin chiaid tantiashun nuqui: Ubi bëdambuen isquin dayun uata, Papa, quequin Ambi chiacpadombuen naindac. Adembidi abi tantiaquido caic: Ubi yacno mibi ubëd tabadendac, quequin chiampid utsi uatiapimbo iquec, quequin caimbudquid nuqui nendac.

Mateo 26:42

Aden chuitanec ambi Nuquin Papa chuibocno padpidec niduashun Nuquin Papa chuiuaic: ¿Ada ubi natiamequin mëyadmenquio ictsia, Papa? Ubi bunacpaden namenquiocquimbi mibi bunacpadombuen nameta, quetanec

Madcos 14:37

Aden chuitanec choquimbi abëd nidbued 3ted icquid ushsho istuidpanëdash. Adsho issun Petedo chuiquin: Simon ¿ushecta ne? ¿Iuec iuecpactsec ushenquio icquin istiapimboda ique?

Madcos 10:39

Adoaquien: Ai, adtsiabi, quepanëdash. Adsho tantiashumbien: Ai, adecbidi mibitsen mëyadtequid iquendac, capanëdash Esusën.