Madcos 12:40 - El Nuevo Testamento en matsés40 Aido nianten shubun icquid ampeshunquid nec. Adembidi: Bëdambocquid nec, camenuen iuec onquequin Nuquin Papa chiec. Adquid Nuquin Papan cumapenen cuidtequidombo nendac, quepanëdash Esus. Gade chapit la |
Adshumbic Moisesën chiampid tantiamequidobëta padiseobo naden chuipondash: Bëdambo icquid danmianquido yec icsambo icquido icsho Nuquin Papan cuidtequidombo mibitedi nendac. Nuquin Papan Chiaid tantienquio icquin aid yacno iuedanquid tantiesa mibitedi nec. Adquid yec mibi aid yacno puduedtiapimbo icquin mimbi chuibanquin mua uac utsibotsen aid yacno puduedtiapimbo icuaindac.
Nuquin Papa chuiquin bëdambuen chianneta. Nuquin Papa tantiesabon ambi tantiaid abibidi chuibud chuibudacbimbuen Nuquin Papa chuibudenda. Iuenquio chuibudac nuqui tantiabuedën nuqui nashuntsiash. Padenquio icac nuqui nashunenquio ictsiash, queshun Nuquin Papa tantiesabon iuen aiduidi chuibudacbimbuen chienda.
Adquidon mibi yacnoshon shubu utsin utsinquien isedben isedbenac caosh. Adec chidouidquio yacno shubun puduedcuennequin ambembi chiaid chuibanac caosh. Aden chuisho tantiashun: Padi catiadquidi chidobon: Mimbi chiaid tantianu, quequin badedquio tantiashumpac caosh. Aid chidobo Nuquin Papan Chiaid niacash adecbidi icsate bunquiec tabadpac caosh.
Moisesën chiampid tantiamequidobëd padiseobo bëdambocquido danmianquido yec icsambocquido icsho Nuquin Papan cuidtequidombo mibitedi nendac. Muaquin nianten shubu bedshunquido mibitedi nec. Nuquin Papa tantiaquidquio danmenuen utsibo tantiamequinuidi cumapenec cuëdquin Nuquin Papa chiacbimbuen mimbi chiannepec. Aid abimbo mimbi chienquio iquec. Adquid icsho issun Nuquin Papan mibi cumapenquien cuidtequidombo nendac.
Aidon mibi caic: Iuanu. Ubi nashunta, quesho tantiash icsambuen tantiaquidbimbuec mibi iuadte bumpec. Adembidi mibi chiec: Bec cho, quesho icsambuen tantiaquidën nacbimbuen mimbi menebanec. Muaquin chiac: Mibi muaquid nec, quenquio yec mibi tabadec. Mibi icsambuen chuishunquin mamënshunaqui mibi: Padi, quenquio iquec. Aton iuabimbuecnuc mibi mëyanquin tancuesaqui: Min iuapenquio nebi, quenquio mibi iquec.