Madcos 12:29 - El Nuevo Testamento en matsés

²⁹ Adoaquien Esusën: Tantia. Chuinu. Nuquin Papan: Naden nata, quequin nëidba Moises dada uamepampic: Tantia, isadaidbo, Nuquin Icbo Nuquin Papa Abentsëcquiobi nec.

Madcos 12:29 Referans Kwoze

Ducas 10:27

Adoaquien Moisesën chiampid tantiamequidën: Min Icbombo Nuquin Papa neque. Chieshtoenquio icquin aiduidtsëqui tantiaquiota. Mibi icnëdacpadpenquio icquin uidënquiocquid yacbimbuec Nuquin Papa bunacpadquiec tabadta. Adec tabadquin mibibi min dada datantiadacbimbuen utsibotsen tantiaquiota, quequin Nuquin Papan Chiaidquio nec, quepanëdash Esus chiec.

Cadasia 3:20

Aden chuinuen Nuquin Papanquio: Abadauan chuitan, quequin utsi nidmenquio icquin Nuquin Papanquiobi Abadauan bëisquin chuipampic. Adquid yec Nuquin Papa abentsëcquiobi iquec.

Doma 3:30

Abipadquid utsi nibëdnuc Nuquin Papa abentsëcquiobi iquec. Adquid icquin ambi chiacpadombuen isadaidbon Esus tantiasho: Nëid shui dëbid dëtemequid nec, quenquio icquin Nuquin Papan bëdambuen isec. Adembidi: Nëid shui dëbid dëtiacmaid nec, quenquio icquin Esus tantiasho bëdambuen isec.

Codinto 1 8:4

Umbi chuibocpadembidi ambi papa canun nacnenaid ismequin nëish iua pichicaquin dasambued pambidtambi pepe, quequin chuiquin mimbi dada uacbued issun chuinu. Ambi papa canun nacnenshun tabëcaid tiboquenquio yec tabadnubi: Nuquin Papa abentsëcquiobi iquec, quequin nuquitedi tantiec.

Santiaco 2:19

Nuquin Papa abentsëcquiobi iquec, quequin mimbi tantiec. Aden tantiaid bëdambo iquec. Adembidi podobitsi icsatedishun tantiauaic. Aden tantiec aido dacuëdec uëdëquec.

Timoteo 1 2:5

Aden Nuquin Papan Chiaidquio tantiashun nuqui naden tantiec. Nuquin Papa matses uaquid abentsëcquiobi iquec. Matsessun Nuquin Papa matses bëdambuen ismequid aton Mado Esuquidistu abentsëcquiobi iquec.

Timoteo 1 1:5

Adshumbic aidobidi naden chuita: Bëdambuen tantiaquid yec ma matses bëdambuec tantianannu, queshun Nuquin Papan Chiaidquio chuita. Adoac Nuquin Papabëta Esus bëdambuen tantiec tabadec matses bëdambuec tantianantsiash, cata, mado.

Mateo 23:9

Adembidi mibi nidaidënshun chuibanquid chuiquimbi: Mibiuidtsëqui bëdambo iquec, Papa, cainda. Abuc icquid Nuquin Papa abentsëcquiobi papa quequin chuita.

Mateo 10:37

Padnubic aton papa tantiaquinc aton tita tantiaquinc cain aidën chiacpadombuenuidtsëqui naquidën umbi chiacpadombuen natiapimbo ictsiash. Adembidi aton mado tantiaquinc aton champi tantiaquinc caquin aid bëdambo icmeteuidtsëqui bunquin umbi chiacpadombuen natiapimbo ictsiash. Adquido ubi tantiaquidpenquio nendac.