Madcos 12:28 - El Nuevo Testamento en matsés

²⁸ Adec Esusbëd saduseobo onqueshobien Moisesën chiampid tantiamequid abentsëcshun tantiapanëdash. Bëdambuen Esusën saduseobo chuisho tantiash aidtsen: Umbitsen tantianu. Chui. Nuquin Papan: Naden nata, quequin Moises dada uamiampid dadpen iquec. Adquid icnuc ¿mitsicquid abentsëc nasho Nuquin Papan: Bëdambuenshë naic, capatsiash? quepanëdash Esus chiec.

Madcos 12:28 Referans Kwoze

Ducas 20:39

Aden Esusën chuisho tantiash Moisesën chiampid tantiamequido utsi utsiec nadpanëdash: Bëdambuen mimbi chuibanoc, quepanëdash Esus chiec.

Mateo 19:18

Adoaquien cania: Nuquin Papan Chiaid ¿Mitsi padquid cai? quesho tantiashumbien Esusën: Naden chiaid caimbi. Cuessunnenda. Dadan utsin chido chudenda. Chidon utsin bënë chudmenda. Ampenda. Cuidmenuen utsi mua uainda.

Mateo 5:19

Adquid icnuc Nuquin Papan: Naden nata, quequin chiaid abentsëc niacquin aden chiaidbidi utsi niacmequid Nuquin Papan ambi namiacnoshon: Bëdambo icquid nec, catiapimbo iquec. Utsibic Nuquin Papan chiacpadec tabadec: Nuquitsen bëdambuec tabadnuna, quequin utsibo chuiquid abi yacno ambi namiacno nidacsho Nuquin Papan: Bëdamboshë icquid nec, caindac.

Ducas 11:42

Aden chiashic Esus nadpanëdash: Nuquin Papan chiacpaden naimbi, queshun min tiedën canitsëcquid utsi utsien 10ted icnuc tambanquin sanshun abentsëc bedtednequin Nuquin Papa mimbi menedednepec. Aden nabanquid icquimbi Nuquin Papan Chiaid utsi tantienquio icquin bëdambuec tabadenquio icquin matses bëdambuen tantienquiocquid mibi nec. Ambi chiacpadombuen Nuquin Papa menequid icquimbi Ambi Chiaid utsi abitedi natiadquidi ma mimbi nainquio icpaboc. Adesa icsho Nuquin Papan cuidtequidombo mibitedi nendac.

Mateo 23:23

Moisesën chiampid tantiamequidobëd padiseobo bëdambocquid danmianquido yec icsamboquido icsho Nuquin Papan cuidtequidombo mibitedi nendac. Nuquin Papan Chiaid abentsëqui tantiactsëcquin min tiedën icquid menta caid yec anis caid yec comino caid yec quequin bedshun 10ted icnuc tambanquin sanshun abentsëc bedtednequin Nuquin Papa mimbi menepec. Aden menequid icquimbi mimbi Nuquin Papan Chiaid utsi dadpen niacpec. Chieshëmënquid icbuedi: Umbi icsambuen naid tantienquio yec bëshunta, quequin chiaqui mibi bëshuntiapimbo iquec. Adembidi bëdambocquidi mua uaquin mimbi cuidte chuiquid icsambuen cuidmec. Nuquin Papa tantienquio icquin ambi chiacpadombuen min tiedën caniquid pistsëc musucshun menequid icquimbi Ambi Chiaid utsi abitedi natiadquidi ma mimbi nainquio icpaboc.

Madcos 9:14

Adec onquetanec choquin abëd icquido ambi niambuedo yacno matses dadpen datsidadacsho istuidpanëdash. Aidon isnubi Moisesën chiampid tantiamequidobëd Esusbëd icquido cumapenec cuëdcuededec tabadsho istuidpanëdash.