Madcos 10:38 - El Nuevo Testamento en matsés

³⁸ Aden chiaquien: Tantienquio icquin mimbi ubi chiec. ¿Ada ubi mëyadacpadquiecbidi chieshtoenquio yec mëyadtsia? ¿Ada ubi uënësacpadec uënëstsia? capanëdash Esusën.

Madcos 10:38 Referans Kwoze

Ducas 12:50

Adecbidi: Ubi uënës uanun mëyantequidquio iquendac, quequin uënësquiocquin tantiec: Ëndembi uënës uamepatecnëdani, quec tabadebi.

Uanën dada uaid 18:11

Aden pateshunnesho istanquimbien Esusën: Padi, Petedo. Min chështe aucbidi tsiusud. Cun Pan chiacpadec ¿natiamboshë icmiac uënësenquiodabi ique? quepondash Esus.

Santiaco 4:3

Icsambuen Abi chiannesho Nuquin Papan mibitedi menetiapimbo iquec: Nashunac abi bunaiduidi naic icsatsiash, queshun.

Doma 8:26

Adembidi Nuquin Papan Mayan Bëdan nuquitedi uidëmpentsëcquiocquid icshobi nashunec. Nuquin Papa bëdambuen tantiaquin chuinu, caqui: Tantiadenquio iquec, quiash shubitiadquio icsho issun aton Mayanën nuqui tantiaquin Nuquin Papa onquenquio icquin tantiamec.

Ducas 22:42

Papa, ¿ada ubi natiamequin mëyadmenquio ictsia? Ubi bunacpaden namenquiocquimbi mibi bunacpadombuen nameta, Papa, quepanëdash Esus Nuquin Papa chiec.

Madcos 14:36

Aden chiashic: Papa, Papa, mimbi natiapimbo ictequid nibëdec. Adquid icquin ubi bunacpaden ubi mëyante nibëdmiac bëdambo ictsiash. Ubi bunacpadombuen nainquiocquin mimbi tantiacpadombuen nameta, Papa, quepanëdash Esus.

Mateo 26:39

Aden chianec udictsëc nidash dannëshën tinquebudec nidaidën bëccuësquebudquin Nuquin Papa chiec: ¿Ada ubi natiamequin mëyadmenquio ictsia, Papa? Ubi bunacpaden namenquiocquimbi mibi bunacpadombuen nata, Papa, quepanëdash Esus.

Mateo 3:6

Adec chochoash tabadquin Uanën chuisho tantiash: Aden icsambuen naombique. Umbi icsambuen naid ënnu, quequin chuisho tantiashun Uanën acte Odan caidën mentobampanëdash.