Madcos 10:32 - El Nuevo Testamento en matsés

³² Aden chianec Edusaden yacno nidec Esus bëyuc nidpanëdash. Adec nidsho isash abëd icquido: Edusaden yacno padpidec niduacsho ubi bedshun uënës uamendac, quequin Esusën chuibued tantiash tantiadempambo yec dacuëdec tsiuec nidannepanëdash. Abi tsibanquid utsibotsen dacuëdecbidi nidannepanëdash. Adnubien: Ubëd icquido 12tedtsëqui chuiuanu, quiash nidtuidshun chochomeshun naden abi mëyante chuipanëdash:

Madcos 10:32 Referans Kwoze

Ducas 9:51

Adashic Esus abi abuc indote uëshë chote anoentsëqui yannuc: Uënësmane, quenquio yec nidebi, quequin ambibi tantianec Edusaden yacmi niduaic puduampanëdash.

Uanën dada uaid 11:16

caquien: Ai, aidbëdquiobi uënësec nidnunid, quepondash Tomas anin abi uëshëmbi daëdpambo tishaid. Adanec abitedi nidpondash.

Uanën dada uaid 11:8

Adoaquimbi ubitedishun: Icbo, ma mibi ashunquio isadaidbon chuiquidon cuënoten sesequin cuessunnetsempaboc. ¿Adoboquida ambo nidte bune? capondac.

Ducas 10:23

Aden chuibanshumbic abëd icquidouidtsëqui Esusën naden chuipanëdash: Ubi tantiaquido icquin umbi nadatiambocquin nabansho isquid icsho Nuquin Papan bëdambo icmiaido mibitedi nec.

Madcos 4:34

Aden utsi chiacbimbuen abitedi chuibanshumbic abëd icquidouidtsëqui bëdambuen tantiamequin cuembo chuibampanëdash.

Mateo 13:11

Esus nadpondash: Utsibo tantiamenquio icnëdaidi: Nëbi Nuquin Papan namiacno tabadte iquec, quequin mibitedictsëqui tantiamembi utsibo padenquio icquin.

Mateo 11:25

Adshumbic Esusën naden Nuquin Papa chuipondash: Papa, mibi bëdamboshë iquec. Mibi yacnocquidon Icbo yec nidaidën icquidtedishun Icbobidi mibi nec, Papa. Adquid icquin mimbi tantiamiabi dadpen tantiaquidobëtambi: Cumapenen tantiaquid nebi, quequidombi tantiabi iquec. Adquid icnuc bacuën daëdpactsëc tantiacbimbuen tantiaquido icshobi mimbi tantiamiac.

Madcos 1:27

Adosho isash tantiadempambo yec tabadcuededec: ¿Abimbobida capec? ¿Mitsi padquid nepeba? Ambi chuibanaid chiaid chuca utsibien nechitec. Ma chuiquidën nacpadombuen: Dapuduen, ambi cac aidën chiacpadombuen podobitsi icsan napayoc, quec onquecuededpanëdash.

Ducas 19:28

Aden chuibanashic Esus Edusaden yacmi nidpanëdash.