Madcos 10:14 - El Nuevo Testamento en matsés

¹⁴ Aden chuisho tantiash nëishtanquin Esusën: Padi. Ma bacuëbo ubi yacno bënu. Cuenmenda. Nëid bacuëbo amën chuisho tantiash badedi: Abimbo caic, quiacbimbuen ubi tantiaquid Nuquin Papan namiacno puduedtequido nendac. Bacuëbo bëdambo iqueque. Bec cho, cac bëbëpanëdash.

Madcos 10:14 Referans Kwoze

Mateo 19:14

Adshobien Esusën: Padi. Ma bacuëbo ubi yacno bënu. Cuenmenda. Nëid bacuëbo amën chuisho tantiash badedi: Abimbo caic, quiacbimbuen ubi tantiaquid Nuquin Papan namiacno puduedtequido nendac. Bacuëbo bëdambo iqueque. Bec cho, cac bëbëpondash.

Mateo 18:10

Adashic padpidec: Nadquid bacuëmpin ubi tantiactsëcsho issun: ¿Adtsëcquidëmpinquioda bëdambuen tantiapaid? cainda. Nuquin Papabëd icquidon aid bacuëbo dayun uaquid icquin Nuquin Papa yacno puduedshun mimbi mamënshumbued tantiaquin Nuquin Papa ënenquio icquin bëisquin chiendac. Adtsëcquidëmpi mamënshunenda.

Mateo 18:4

Aden umbi chiacpadombuen nëid bacuën nacbimbuen nasho mibi Nuquin Papan: Bëdamboshë iquec, caindac.

Petedo 1 2:2

Adenquio yec tishac chucactsëc bacuëmpi shuma chishte bunquiacbimbuec Nuquin Papan Chiaid iste bunquiota. Bëdiactsëc tantiabuedi canidoacbimbuen aid isban isbanquin aidën chiacpadombuen natiadquio yanec Esus tantiaquidquio yanec aidbëd tabadtequid ictsiabi, queshun Nuquin Papan Chiaid isbanquiota.

Timoteo 2 3:15

Ënden bacuëmpi icquimbi Nuquin Papan Chiaidquio min matsesën chuibansho mimbi tantianëdac. Adshun: Aton Mado Esus tantiaquid uënësacsho abëdi Nuquin Papan tabadmendac, quequin mimbi tantiabennëdac. Aden Nuquin Papan bëdambuen isquin cuidenquiocte tantiametembo Nuquin Papan Chiaid nendac.

Esusën Uan ismiaid 14:5

Aido bëdambuec tabadnëdaido yec utsibon: Muaquin icsambuen chuishunesabo nec, quequin ismeposhi.

Timoteo 2 1:5

Naden mibi tantiembi. Tauambuen aton chichi Doidabëtan aton tita Eunisen Esus tantiabenondacpadombuen Timoteontsen nëbi Esus tantiaquiec, quequin mibi tantiembi.

Epeso 4:26

Nëishshun icsambuen nainda. Nëishash abi uëshëmbi badedquio bëdanta.

Codinto 1 14:20

Cun utsibo, mibitedi bacuëbon tantiacpaden tantiec tabadenda. Bacuëbo tantiabenabictsëcquidën icsambuen naid tantienquio yacbimbuec tabadta. Adec tabadquin caniaidën tantiacpaden bëdambuen naic tabadquin ismeta.

Codinto 1 7:14

Aton bënë Esus tantiesa icnubi aton chido Esus tantiaquid icsho issun Nuquin Papan bënë tantiamequin bëdambuen isec. Adecbidi aton chido Esus tantiesa icnubi aton bënë Esus tantiaquid icsho issun Nuquin Papan tantiamequin chido bëdambuen isec. Mibitedi adquidpenquio icnuc min bacuëbotedi icsambocquido ictsiash. Adquid icbuedi Nuquin Papa tantiaquido icnuc min bacuëbo Nuquin Papan bëdambuen isaido nendac.

Doma 11:28

Nëbi Nuquin Papan Chomiaid chieshënquid icsho isadaidbo bëdambuen istiapimbo icquin matses utsibo icshobi mibitedi Esus tantiamiac. Aden abi chieshënquid icshobi Nuquin Papan isadaidbo abi tantiaquiec. Aton tsusedpabo ambi cun matses campid icsho isadaidbo Nuquin Papan tantiaquiec.

Doma 11:16

Pan dadpen shuiquimbi ambi bëyucquio shëaid Nuquin Papa meniac utsitedi aidënabidi nec. Adembidi: Nuquin Papana nec, quequin ambi cute nitsinaid tapunec caniash bëdambocquid yec cute abichobi Nuquin Papanabidi nec. Cuiditsen Nuquin Papanabidi nec.

Hechos 3:25

Nuquin Papan oncamiaidon tsiuecquido yec aidën madobimbuecquido mibitedi nec. Tsusedpa Abadauanën tsiuecquidobidi mibitedi neuaic. Aidon tsiuecquido nidaid abitedi yacnocquido icsho Nuquin Papan Abadauan chiampicpaden bëdambuen isaido mibitedi nec. Naden Abadauan Nuquin Papan chuipampic: Mibi ënden uënësampid icnuc iuecquimbocshon aton matsesbëta matses utsi utsien min tsiuecquidën bëdambuen isquin bëdambo icmendac, quepampic,

Hechos 2:39

Adembidi abi tantiasho issun mibitedibëta min bacuëbo menendac. Adembidi nidaidtedi yacnocquid Nuquin Icbo Nuquin Papa bunacpaden Esus tantiasho issun aton Mayan Bëdambocquid meneuaindac ambi chiampicpaden, quepanëdash Petedo.

Madcos 8:33

Aden Petedon chuisho tantiash bidiadshun abëd icquido utsibo isquin Esusën naden Petedo chuipanëdash: Cuenta, Satanas. Nuquin Papan tantiacpadpenquiocnoc ubi niacmenu, quequin icsambuen chuiquid iquec. Mayan Icsa Satanasën tantiamiac matsesën tantiacpaden mimbi tantiec, quepanëdash Esus Petedo cumapenen chushcaic.

Madcos 3:5

Adsho isash nëishtanquin abi datsidadquido bëisbanec uënësquio yec Esus: Nuquin Papan Chiaid tantiaquin naisa yec matses tantiatiapimbo icquido nec, quequin ambibi tantiec: Uënësquio iquebi, quetanquin mëicsatsaid chuiquin: Ubi mëd, Esusën cac mëdequi aton mëdante bëdampanëdash.

Mateo 5:3

¿Mitsipadquid Nuquin Papan bëdambuen ispec? Tantia. Mibitedi chuinu. Ubembi bëdambuec tabadtiapimbo icquid nebi. Nuquin Papan bëdambuen tabadmiaquini bëdambuec tabadtsiac, quequidën abi tantiasho Nuquin Papan: Umbi namiacno tabadtequid nec, quequin bëdambuen isquin bëdambo icmendac.

Mateo 5:10

Bëdambuec tabadsho issun utsibon chieshënquin mëyanaid icsho Nuquin Papan bëdambo icmequin uënësacsho ambi namiacno tabadmendac.

Uanën dada uaid 3:3

Adsho tantiashumbien Esusën naden chuipanëdash: Tantia. Mibi chuinu. Chuca uabi icquid yec Nuquin Papan namiacno mibi tabadtiapimbo iquendac.

Uanën dada uaid 3:5

Adsho tantiashumbien Esusën: Mibi abimbo chuinu. Tantia. Nuquin Papan Mayanën tantiamiac chuca uadec acten mentoadabicquid yec Nuquin Papan namiacno puduedtiapimbo iquendac.