Hechos 9:39 - El Nuevo Testamento en matsés

³⁹ aidobëd badedquio Ope yacno Petedo nidpanëdash. Adec nidec Ope yacno chosho issun abuc quënë icquidën Tabita cashumbic Dodcas uënësaid uiacno puduedmepanëdash. Ambo puduedsho issun shubiquimbi niantebon Dodcasën uënësabicquin tuscabued dashcute dadpen Petedo ismepanëdash.

Hechos 9:39 Referans Kwoze

Tesadonica 1 1:3

Aidon Esus tantiaquin mimbi chiacpadombuen matses tantiaquin nashumbanondash, Papa, quequin Nuquin Papa chiannembi. Abi yacno abi tantiaquido buannuec Nuquin Icbo Esuquidistu padpidec choec, quesho utsibon chieshënaqui chieshtoenquio icquin Esusën naid abi chuibanondash, quequin ubëd icquidobëtan ënenquio icquin mibitedi tantiembi.

Epeso 4:28

Ampequid icbuedëmbi ampenda. Adquid icbuedi chonoadquin mitsana bedshun utsina nibëdsho issun mosuc menequid icta.

Uan 1 3:18

Cun bacuëbobimbuecquido icsho umbi tantiaido mibi neque. Utsibo tantiaquin nashunquid nebi, quec onqueuidequi onquenda. Utsi tantiembi, quequin mimbi tantiacpadombuen aid tantiaquin nashunquin ismeta.

Tesadonica 1 4:13

Tantia, cun utsibo. Mibëd icquido Esus tantiaquido uënësacsho isash: Padpiden isenquio iquembi, quequin Esus tantiesabon tantiacpaden tantiec uënësquio icnuc baded ënëdenquio yec shubinushe, queshun mibi abimbo chuinu.

Codinto 2 8:12

Atona daëdpactsëc icquidën menete bunquioquin menesho isash: Bëdambo iquec, caindac Nuquin Papan. Dadpen meneta, quenquio Nuquin Papa iquec.

Hechos 20:35

Adecbidi chonoadshun mitsana bedshun mosucshun atona nibëdquido meneta, quequin mibitedi ismebanondambi. Nuquin Icbo Esus nidaidën tabadec nadpanëdash: Atona nibëdquido menequid Nuquin Papan bëdambo icmendac, quequin Esusën chuinëdaid chuiquin Epeso yacnocquid Esus tantiaquidon chuiquido Pabadon chuibampondash.

Hechos 9:41

Uëtsëdtosho issun mëdinquin nidtomeshun niantebobëta Esus tantiaquido utsibo cuënquin chochomeshun ambi uincuenmebued ismepanëdash.

Hechos 8:2

Adec nidanniambic Nuquin Icbo tantiaquidombo Esteban chococash iuec cumapenec sedenquec shubicuededpanëdash.

Hechos 6:1

Adashic badiadquidën badiadquidënquiec Esus tantiaquid dadpenquio yannubi isadaidbo quidiecon onquetenuidi onquequido cumapenec nadec cuëdcuededec: Cun matses niantebo badiadquidën badiadquidënquien pete daëdpactsëc menequimbi min matsesën onquetenuidi onquequid chidobo pete dadpen mimbi menepacboc, quepanëdash.

Uanën dada uaid 17:12

Mimbi nadatiambocquin namiac ubëd icquidobëd icquin mimbi chiaidquio bëdambuen chuibanquin chieshtomiambo iccombi. Aden bëdambuen dayun uaquin aido Mayan Icsa Satanas iuamiambo iccombi. Udas abentsëquien ubi tantiesa yanosh. Mimbi chiaid tsusedpan dada uaquin chiampicpadombuen ubi chieshënquido bedmenuec Mayan Icsa Satanasën iua Udas yanosh.

Uanën dada uaid 12:8

Piucquid nibëdquido mibëd tabadquid nibëdenquio iquendac. Ubien mibëd icbuedi nibëdquio yanendac, quepondash Esus Udas chiec.

Ducas 24:44

Aden petanec: Mibëd icquimbi naden chuibanombi: Nuquin Papan umbi nate chuiquin Moises dada uamiampicpadombuen naquinc Nuquin Papan ambi oncamiaido dada uamiampicpadombuen naquinc Cuëdënte dada uampicpadombuen naquinc caquin Nuquin Papan chiampictedi nabanembi, quequin chuibanombi, quepanëdash abëd icquido tantiamenuen chiec.

Madcos 14:8

Nëid chidon ubi uënësacsho chococate tantiaquin machiuinoshibique. Chushcainda.

Mateo 26:11

Piucquid nibëdquido dadpen mibëd tabadec nibëdenquio iquendac. Ubien mibëd icbuedi nëbi nibëdquio yanendac.

Mateo 17:17

Esusën abëd icquidobëta ambo icquidotedi naden chuipondash: Umbi nadatiambo icquin nabanquin dadpen ismiaqui mimbi ubi tantienquio iquec. Icsambuen tantiaquid yec icsambuec tabadquido mibitedi nec. Mibitedishun tantienquiocsho isash ¿tedectsibi mibëd icpe? ¿Mitsipadombuembimbi chieshtoenquio icquin mibi chuibudpe? quetanquin: Min mado bec cho, capondash.

Hechos 1:13

Aido Edusaden yacno choash shubu abuc quënë icquidën abi tabadbocno dectatoash tabaduapanëdash. Aid quënë nuntan Esusën: Ubi chuibenneta, caido nëidtedi icpanëdash. Nëidic Petedo. Utsibic Uan. Utsibic Santiaco. Utsibic Andedes. Utsibic Uedipe. Utsibic Tomas. Utsibic Badtodome. Utsibic Mateo. Utsibic Adpeon mado Santiaco cuëmëdquid. Utsibic aton matses isadaidbo iuaquido chuiquid bunesa Simon cuëmëdquid. Utsibic Santiaco utsin mado Udas cuëmëdquid.

Timoteo 1 5:3

Tantia, mado. Esus tantiaquidon abëtan Esus tantiaquid niante icsho nashunte chuinu. Niante aton matses nibëdquid: ¿Tsuntsimbini nashumpatsiashba? quequid Esus tantiaquidon nashunquid.

Timoteo 1 5:5

Padnuen aton matses nibëdquio icquid nianten Nuquin Papa chiannequid: Nuquin Papan ubi nashuntsiash, queshun. Mimbi ubi tantiaquieque. Ubi nashunta, Papa, quequin Nuquin Papa ënenquio icquin chiannequid niante icsho abëtan Esus tantiaquidon nashunquid.