Hechos 9:14 - El Nuevo Testamento en matsés

¹⁴ Aidëmbidi Edusaden yacnocquidon chuiquid tapanquio dada uaid sananquin nëmbotsen mibi tantiaquido bedmeshun buannuec aidi chopac caosh, quepanëdash Ananias Esus chiec.

Hechos 9:14 Referans Kwoze

Hechos 9:21

Aden chuibansho tantiash tantiadempambo yec tabadec: ¿Edusaden yacnoshon Esus tantiaquido mëyanmebuedpenquioda nedic? ¿Adecbidi nëmbo choshon nuquitsen tanemeshun isadaidbo Edusaden yacnocquidon chuiquid tapabo yacno buanmenuec choashpenquioda nedic? quepanëdash Damasco yacnocquido.

Hechos 7:59

Aden dashcute sanshun cuënoten sesiac Estebanën Esus cuënquin naden chuipanëdash: Ubi iued, Icbo, quetanec

Timoteo 2 2:22

Caniabon abi bunacpadombuen icsambuen naquid tanenda, mado. Adenquio yec bëdambuec tabadte bunquiota. Adec tabadquin matses ambi icsambuen naid ënmenuen abimbo chuita. Chieshtoenquio icquin Esus tantiata. Utsibobëd tantiananec bëdambuec tabadta. Nuquin Icbo Esus bëdambocquid nec, quequin tantiaquidobëtan Esus tantiata.

Codinto 1 1:2

Aidbëtambi Codinto yacnoquid Nuquin Papan bëdambuen tantiamiac Esus tantiaquido icsho mibitedi tantiembi, quequin chiec nebi. Esuquidistunuidtsëqui bëdamboshëcquid icmequin tantiamiac Nuquin Papa tantiaquido mibitedi nec. Adoaido icquin utsi utsiec yacnoshon Esus tantiaquid utsibobëtan Nuquin Icbo Esuquidistu chiannequid nuquitedi nec. Aidi Nuquin Icbo yec aidon Icbobidi nec.

Hechos 22:16

quequin chuishumbic: ¿Atotsi cainec tsadec ne? Esus tantiabenquin mimbi icsambuen naid chuita. Ma mimbi icsambuen naid tantienquio yec Nuquin Papa bëshunnu. Aden chuitanquin: Nëbi Esus tantiaquid nebi, quequin utsibo ismequin acten mentometa, capondashi Ananiasën.

Uanën dada uaid 15:21

Ubi chieshënquidon ubi chomiondaidquio tantienquio icquin ubi chieshënec. Adombuembidi ubi tantiaquidotsen chieshënuaindac.