Hechos 8:39 - El Nuevo Testamento en matsés

³⁹ Adashic acte nantanuësh abidaëdi pudundosho Nuquin Icbon Mayanën Uedipe buampanëdash. Adoacsho padpiden aid isenquio iquequi: Esus tantiec bëdambo iquebi, quec cuishonquec aton nidaid Etiopia yacno nidpanëdash.

Hechos 8:39 Referans Kwoze

Madcos 1:10

Aden acten mentoac pudundonobi abu canchedec shëcuë yansho Esusën ispanëdash. Adnubi oshpodcobimbuec isadec aton Mayan Esusbëd icnuec budpanëdash.

Pidipos 3:3

Shui dëbid dëtemequidbimbuecquido yec nuquitedi Esus tantiaquidombo nec. Adquido icsho aton Mayanën tantiamiac Nuquin Papa tantiaquido nuqui nec. Adash: Esuquidistuna nebi, quiash nuquitedi cuishonquendac. Aden tantiaquid icquin: Shui dëbid dëtemequin Nuquin Papa bëdambuen ismembi, quetiapimbo nuqui iquec.

Santiaco 4:16

Aden chienquio yec mibitedi: Aid badiadën umbentsëqui aden naimbi, quec onquec: Ubiuidtsëqui bëdambocquid nebi, quiacbimbuec onquiaid icsambocquid nendac.

Pidipos 4:4

Nuquin Icbo Esus tantiec cuishonqueta. Esus tantiaquiec cuishonquequiota, caimbi.

Doma 5:2

Abi tantiaquido icsho nuquitedi cuidmenquio icnuec abided cuidadec Esuquidistu uënëspanëdash, quequin nuquitedi tantiec. Aid tantiashouidtsëqui Nuquin Papan bëdamboshë yacno abëdi nuqui tabadmendac, quec chieshtoenquio yec nuqui cuishonquec.

Hechos 13:52

Bednabebëd Pabado Antioquia yacnouësh nidambien Antioquia yacnocquid Esus tantiaquido: Bëdambo iquebi, quecuededpanëdash. Adecbidi aidtedi aton Mayan Nuquin Papan menebanac aton Mayan Bëdan namiaidquio yec cuishonquecuededquiopanëdash.

Hechos 8:8

Adosho isash Samadia yacnocquid dadpenquio cuishonquecuededpanëdash.

Mateo 13:44

Adshumbic padpiden Esusën Nuquin Papan namete naden chuipondash: Tantia. Utsibon ompoampid bëdamboshëcquid istuidaid bedte cumapenec bunquiaid mibi chuinu. Utsin tied nantan nidshun dadan utsibon ëndenquimbo ompoampid piucquid dadpenquio sandoaid istuidposh. Aden Istuidshun aid bedte bunquin padpiden ompouaposh. Adshumbic atona abitedimbo menequin piucquid dadpen bedshun tied icbo aid piucquid meneposh. Adshumbic: Nëbi cun tied nec, queshun piucquid ompoampid bedposh.

Mateo 3:16

Aden mentoboc Esus pudundonobien abu canchedec shëcuë yampanëdash. Adnubien auëshquiobi oshpodcobimbuecquid budec Nuquin Papan Mayan Esusbëd icnuec budsho ispanëdash.

Hechos 16:34

Aden mentoac aton shubuno buanshun pemepanëdash. Adashic Nuquin Papan Chiaid abimbo tantiaquid yec: Ambi bëdambo icmiaido nebi, quiash seshunniadtsembued aton shubun icquidobëd cuishonquecuededpanëdash.

Hechos 8:29

Adnubien Nuquin Papan Mayan Bëdan: Nidaid cano anoentsëc nidta, cac

Hechos 8:38

Nidtuidme, cac nidaid cano nidmequidën cabachu nidtuidmian acte nantan budshun Etiopia yacnouësh choquid Uedipen acten mentopanëdash.