Hechos 8:38 - El Nuevo Testamento en matsés

³⁸ Nidtuidme, cac nidaid cano nidmequidën cabachu nidtuidmian acte nantan budshun Etiopia yacnouësh choquid Uedipen acten mentopanëdash.

Hechos 8:38 Referans Kwoze

Uanën dada uaid 4:1

Adnubien cun matsesën chuiquido padiseobon: Uan acten mentoanquidën naid dëniacquin Esusën abi tsibanquid dadpen icsho acten mentobanosh, quequin chuisho tantiapanëdash.

Mateo 3:6

Adec chochoash tabadquin Uanën chuisho tantiash: Aden icsambuen naombique. Umbi icsambuen naid ënnu, quequin chuisho tantiashun Uanën acte Odan caidën mentobampanëdash.

Mateo 3:11

Adshumbic padpiden chuiquin: Umbi icsambuen naid ënash Nuquin Papa tantiaquid nebi, quequid mibi utsi utsiec icsho acten mentobanquin chuibanquid nebi. Umbi chuibannubi cun tsiuec utsi choshon aidëntsen chuibanendac. Aidi ubi udictsëcquidquio yec nadatiambocquin nabanquid icsho ubi icsaquid icquin abi tapucudaid chicnuec dacuëdtsiabi. Aidi choshon: Ubi tantiaquid nec, queshun cute nëdënquequidbimbuecnuc ismequin aton Mayan Bëda menendac.

Hechos 8:37

Adoaquien Uedipe: Esus tantiaquidquio nebi, quesho mibi acten mentoembi, capanëdash. Adoac: Ai, nëbi Nuquin Papan Madombo Esuquidistu nec, quequin tantiembi, queshun Etiopia yacnouësh choquidën:

Hechos 8:39

Adashic acte nantanuësh abidaëdi pudundosho Nuquin Icbon Mayanën Uedipe buampanëdash. Adoacsho padpiden aid isenquio iquequi: Esus tantiec bëdambo iquebi, quec cuishonquec aton nidaid Etiopia yacno nidpanëdash.