Hechos 7:52 - El Nuevo Testamento en matsés

⁵² ¿Nuquin Papan oncamiaido nuquin tsusedpabon mëyanenquioda icpampic? Adembidi: Nuquin Papan Chomiaid icsaisambo choendac, quequin chuibanquido tsusedpabon cuessun secapampic. Aidon nampicpadembidi Nuquin Papan Chomiaidquio icshobi mibitedishun chieshënquin uënës uamepondac.

Hechos 7:52 Referans Kwoze

Mateo 5:12

Aden utsibon chieshënaqui chieshtoenquio yec cuishonqueta. Adembidi ënden min tsusedpabo Nuquin Papan oncamiaidon chuibansho issun chieshënquin utsibon cuessunnepampic. Aden nampid icnuc utsibon chieshënac: Ubi bëdambuen isquin uënësacsho abuc abëdi tabadmequin ubi bëdamboshëcquid menendac, quiash cuishonqueta, quequin Esusën chuipanëdash.

Tesadonica 1 2:15

Isadaidbombidi Nuquin Papan oncamiaido cuessun secapampic. Adembidi Nuquin Icbo Esus uënës uamepondash. Adombuembidi chieshënquin aton nidaidënshun cuenmepondashi. Adembidi chieshënquin mibi yacnoshontsen ubitedi cuenmeuapondash. Adsho Nuquin Papan bëdambuen istiapimbo yaido icquin matses chieshënquido nec.

Esusën Uan ismiaid 19:10

Adsho tantiatanequini: Cun Icbombimbuec onquec, queshun ismenuec dannëshën tinquebudpoc. Adshobini: Aden ubi ismenda. Nuquin Papauidtsëqui aden ismeta. Mibi padquid Nuquin Papan iuabidi nebique. Aidëmbidi namiaid yec mibipadquidbidi Esusën iua nebique. Ubi aden ismenda. Nuquin Papa tantiata, queposh Nuquin Papabëd icquid. Adembidi Esus chuiquin Nuquin Papan Mayan Bëdan tantiamiac ambi oncamiaidon chuipampic.

Uan 1 2:1

Mibitedi cun bacuëbobimbuecquido icsho: Icsambuen naic tabadnushe, queshun chuiquin dada uaimbique. Isec onqueta. Nuqui icsambuen nasho issun Esuquidistun Nuquin Papan chiacpadombuen naquid icquin Nuquin Papa chiendac. Ubi tantiaquidën icsambuen naid tantienquio yec bëshunta, quequin Esuquidistun chiendac.

Hechos 22:14

Adsho isash Ananias: Nuquin tsusedpabon Papa campid Nuquin Papan ambi tantiacpaden: Naden nata, quequin chuiquin mibi tantiamendac. Adembidi ambi Chomiaid Esus Nuquin Papan: Naden nac bëdambo ictsiash, quequin naquidquio mibi ismendac. Aidën chuisho mimbi tantiendac.

Petedo 1 1:11

Esuquidistu choabi icnuc Aidën Mayanën tantiamiac aidon naden chuipampic: Nidaidën choacsho matsesën chieshënquin natiamequin uënës uaindac. Aden uënës uacsho uincuenmiac bëdamboshëcquid yec abitedishun Icbombo icuaindac, quequin Esusën nate chuipampic. Aden chuiquin: ¿Tedtsi yash chopec? ¿Mitsiuëshquio chopec? quequin tantiate bunquiopampic.

Hechos 4:10

Tantia, isadaidbotedi, nëid dada caputiapimbocquid Esuquidistu Nasaded yacno iccondaidën nadatiambocquin bëdanmiaid nec. Aidi mibitedishun cueste napotiaidën dectanquin uënës uamiacsho Nuquin Papan uincuenmiaidën bëdanmiac nëid caputiapimbocbuedi nëbi nidtoash capusho mimbi isec.

Hechos 3:24

Adombuembidi Samuedën chuibampampic. Adombuembidi aid tsibanquido Nuquin Papan oncamiaid utsibon matsesën nëbi natequid chuibanuapampic.

Hechos 3:18

Adote chuiquin Nuquin Papan: Umbi Chomiaid Quidistu Mesias caid matsesën uënës uaendac, quequin ambi oncamiaidtedi Nuquin Papan dada uamiampicpadembi napondash.

Hechos 2:23

Aidi Nuquin Papan ëndenquimboshë tantiampicpaden bedmeshun mëyanmequin: Uënës uata, cac Nuquin Papa tantiesabo matses icsambocquidën cueste napotiaidën dectanquin uënës uapondash.

Esusën Uan ismiaid 3:7

Padpiden naden chuiuaposhi: Pidadedpia yacnoshon ubi chuibanquidën iste chuinu. Dada uata. Tantia, Pidadedpia yacnocquido. Icsaisambo yec abimbo chuiquidquio icquin Nuquin Papan Chomiaidën naden chuiposhi: Cun tsusedpa Dabid yampicpadquid matses namequidquio yec aid abentsëqui Nuquin Papa yacno puduedmianquid Mesias nec, utsibon: Padi, catiapimbo icnuc. Umbi shëcniaid utsin shëcnandotiapimbo iquec. Adembidi umbi shëcnandoaid utsin shëcnetiapimbo iquec.

Ducas 6:23

Aden utsibon: Esus tantiaquido nec, queshun chieshënaqui chieshtoenquio yec cuishonqueta. Adembidi ënden min tsusedpabon Nuquin Papan oncamiaidon chuibansho tantiashun chieshënquin mëyampampic. Aden nampid icnuc utsibon chieshënaid icshobi: Ubi bëdambuen isquin uënësacsho abuc abëdi tabadmequin bëdamboshëcquid ubi menendac, quiash cuishonqueta, quequin Esusën chuipanëdash.

Uanën dada uaid 16:10

Adembidi: Esus bëdambuen naquid nec, quequin tantiamendac. Adquid yec ubi Cun Pa yacno nidacsho mimbi ubi isenquio iquendac.

Timoteo 2 3:4

Nëidic bëdambocquid danmianashi mua uanquido. Nëidic bëdambuen tantienquio icquin ambi natemaid naquido. Nëidic: Ubiuidtsëqui bëdambo iquec, quec abibi datantiadquido. Nëidic ambi naiduidi bunquin Nuquin Papa tantiesabo.