Hechos 6:1 - El Nuevo Testamento en matsés

¹ Adashic badiadquidën badiadquidënquiec Esus tantiaquid dadpenquio yannubi isadaidbo quidiecon onquetenuidi onquequido cumapenec nadec cuëdcuededec: Cun matses niantebo badiadquidën badiadquidënquien pete daëdpactsëc menequimbi min matsesën onquetenuidi onquequid chidobo pete dadpen mimbi menepacboc, quepanëdash.

Hechos 6:1 Referans Kwoze

Hechos 4:35

Aden meniac atona nibëdquid icsho issun Esus chuibennequidon menebanac bunenquio yec tabadpanëdash.

Hechos 2:41

Aden chuisho tantiash: Abimbo caic, quequin tantiaquido utsi utsiec yampanëdash. Aid uëshëmbi dadpenquioshë 3midted Esus tantiaquido yampanëdash. Adquid yansho issun acten mentobampanëdash. Adoac Esus tantiaquido utsibobëd iccuededpanëdash.

Santiaco 5:9

Cun utsibo, Esus tantiaquid yec utsibobëd chushcananec tabadenda. Adec tabadsho Nuquin Papan cuidnushe. Cuidte Chuiquid yec nëbimbobi choeque.

Hechos 9:39

aidobëd badedquio Ope yacno Petedo nidpanëdash. Adec nidec Ope yacno chosho issun abuc quënë icquidën Tabita cashumbic Dodcas uënësaid uiacno puduedmepanëdash. Ambo puduedsho issun shubiquimbi niantebon Dodcasën uënësabicquin tuscabued dashcute dadpen Petedo ismepanëdash.

Hechos 6:7

Adshun Edusaden yacnoshon Esus chuibennequidon Nuquin Papan Chiaid chuibennesho tantiash utsi utsiec Esus tantiaquid dadpen yampanëdash. Adecbidi isadaidbo nëish iua cuessunneshun pichicaquido dadpen bëdambuen tantiash Esus tantiaquido yampanëdash.

Hechos 2:47

Adec tabadquin Nuquin Papan naid chiec cuëdëncuededpanëdash. Adec tabadsho isash: Bëdambocquido nec, quec Nuquin Papan tantiacpadec badiadquidën badiadquidënquiec utsibotsen Esus tantiash abëd tabadtequid yanash aid tantiaquid utsibobëd dadpen iccuededpanëdash.

Pidipos 3:5

Isadaidbon tishacsho 7tedec ushshun Moisesën chiampicpadombuen shui dëbid dëtemiaid nebi. Cun tsusedpa Benjamin yampid icnuc isadaidbo nebi. Cun tabëd cun pa ebedeo icnuc ebedeombo nebi. Aidën onqueten onquequid nebi. Adquid yec Moisesën chiampid namequidquio padiseobobëd icquid nepondabi.

Hechos 11:20

Adnubien Esus tantiaquid utsibo Chipide yacnocquidobëd Sidene yacnocquido shubu dadpen icquid Antioquia yacno chochopanëdash. Aidon isadaidpembotsen Nuquin Papan Chiaid Bëda chuibanquin Nuquin Icbo Esus tantiamenuen chuibampanëdash.

Hechos 9:41

Uëtsëdtosho issun mëdinquin nidtomeshun niantebobëta Esus tantiaquido utsibo cuënquin chochomeshun ambi uincuenmebued ismepanëdash.

Hechos 9:29

Ambo capuquin isadaidbo quidiecon onqueten onquequido istuidshun Saudon adembidi Esus chuibansho tantiash aidotsen Saudo cuessunnete bumpanëdash.

Hechos 5:14

Adec tabadequi utsi utsiec dadabëd chidobo Esus tantiaquido dadpenquio yampanëdash.

Hechos 4:4

Aden bedabi icquin Uambëtan Petedon chuibansho tantiash Esus tantiaquido yansho dadauidtsëqui tambanac 5 midted yampanëdash.

Ebedeo 13:1

Esuquidistu tantiaquid iccuededquidotedi: Cun utsibimbuecquido nec, quiash aidobëd ënëdenquio yec tantiananec nashunnanta.

Codinto 2 11:22

¿Mimbi: Bëdambuen chuiquid nec, caid: Ebedeo cashumbic isadaidbo nebi, quepecta iquec? Aidbidi nebi, caimbi. ¿Abadauanën tsiuecquid nebi, quepecta aido iquec? Adembidi: Aidbidi nebi, cauaimbi.

Hechos 2:45

Shububëta atona utsi menequin piucquid bedshun utsina nibëdsho issun menepanëdash.

Mateo 23:13

Adshumbic Moisesën chiampid tantiamequidobëta padiseobo naden chuipondash: Bëdambo icquid danmianquido yec icsambo icquido icsho Nuquin Papan cuidtequidombo mibitedi nendac. Nuquin Papan Chiaid tantienquio icquin aid yacno iuedanquid tantiesa mibitedi nec. Adquid yec mibi aid yacno puduedtiapimbo icquin mimbi chuibanquin mua uac utsibotsen aid yacno puduedtiapimbo icuaindac.

Santiaco 4:5

Adquid chuiquin naden dada uamiampid iquec. Nuquin Papan nuquitedi tantiaquin aton Mayan meniash nuqui cudasendac, quequin chuipampic.

Santiaco 1:27

Nuquin Papan Chiaid bëdambuen tantiaquid nebi, quequid icquin utsi tantiaquin nëidtedi mëyadsho nashunquid. Nëidic menabo. Nëidic shiadibo. Nëidic niantebo. Aidtedi nashunquido icquin Nuquin Papa tantiesabon nabanacpaden icsambuen nabanenda.

Timoteo 1 5:9

Nëidtedi niante Esus tantiaquidon nashunaidombo nec, quequin aton cuëmëdquid cuëmëdquidquien mimbi dada uaondac. Nadquid chido: Esus tantiaquidon nashunaid icta, cata. Seta dadpenquio 60ted matanmec machobudaidquio. Aton bënë abentsëc ictennedquio.

Codinto 1 10:10

Adembidi tsusedpabo utsin utsinquien Nuquin Papa icsambuen chuishunec chushquecuededampicpadec chushquenda. Adquido icsho Nuquin Papabëd icquid uënësmianquid caidën cuessun secamepampic.

Hechos 5:28

Esus chuibennenda, caqui Esus chuibanquin Edusaden yacnocquidtedi mimbi tantiamebanec. Adoquimbi: Chuiquidon Esus chieshënquin uënës uamepondash, quequin mimbi umbi naid chuibanec, quepanëdash.

Hechos 6:2

Adoaquien Esus tantiaquid abitedi abi yacno chochomiash Esus chuibennequido 12ted nadpanëdash: Niante chedo nashunnuen Nuquin Papan Chiaid chuibanquin ëntiapimbo iquebique.

Hechos 11:26

Saudo istuidash Antioquia yacno aidbëdi Bednabe chopanëdash. Ambo choash seta abentsëc matanmec ambocquid Esus tantiaquidobëd iccuededquin Esusën naid chuibanquin aid daëdshun tantiamepanëdash. Aden chuiban chuibanac Esus tantiaquid dadpen yansho issun: Quidistubo nec, quequin tauaquin Antioquia yacnoshon cuëmbempanëdash.

Hechos 11:29

Adnuc: Udea yacnocquidon pete nibëdec, quesho tantiashun Antioquia yacnocquid Esus tantiaquidon: Aido nashunnuna, queshun aton piucquid menemenuen ambi tantiactedi Edusaden yacno buanmenu, quequin sambededpanëdash.

Doma 12:7

Utsibo nashunquid icta, quequin namiaid icquin bëdambuen nashumbanta. Utsibic Nuquin Papan Chiaid bëdambuen tantiashun utsibo tantiameta, caid icquin bëdambuen tantiameta.

Timoteo 1 5:3

Tantia, mado. Esus tantiaquidon abëtan Esus tantiaquid niante icsho nashunte chuinu. Niante aton matses nibëdquid: ¿Tsuntsimbini nashumpatsiashba? quequid Esus tantiaquidon nashunquid.