Hechos 5:41 - El Nuevo Testamento en matsés

⁴¹ Puduenmiac: Nuquin Papan namiacpaden Esus chuibansho mëyanac bëdambo iquebi, quec cuishonquecuededpanëdash.

Hechos 5:41 Referans Kwoze

Santiaco 1:2

Tantia, cun utsibo. Mibitedi chuinu. Natiamiantequid utsi utsiec icnubi chieshtoenquio yec cuishonquec tabadta.

Ducas 6:22

Matsesën Tishaid Esus tantiaquid nec, queshun utsibon mibitedi chieshënquin icsambuen chuishunquin mamënshunendac. Adembidi: Icsambocquid nec, queshun mibitedi cuenmendac. Adoaid icshobi Nuquin Papan mibitedi bëdambo icmendac.

Pidipos 1:29

Esus tantiaquido icsho natiamiaqui mibitedi bëdambo iquendac. Adecbidi Esuquidistu tantiec bëdambo icuaindac.

Uanën dada uaid 15:21

Ubi chieshënquidon ubi chomiondaidquio tantienquio icquin ubi chieshënec. Adombuembidi ubi tantiaquidotsen chieshënuaindac.

Codinto 2 12:10

Aden tantiec cun dada icsambo icnubi bëdambo icquin abi Esuquidistu chuibennec capuebi. Icsambuen chuiquin mamënshunaqui abi Esuquidistu chuibennec capuebi. Bunequi adecbidi capuebi. Utsin: Mibi natiamequin ënmembi, caqui adquiecbidi abi Esuquidistu chuibennec capuebi. Utsin natiamequin mëyanaqui adquiecbidi capuebi. Adquid icnuc umbibi natiapimbo icsho issun Nuquin Icbon nadatiambocquin namiac ëntiapimbocquin chuibennec capuebi.

Ebedeo 12:2

Esuquidistu tantiaquionona. Aidëmbi Nuquin Papa tantiameshun abi bëdambuen tantiamequioquin nuqui bëdambuec tabadmequid icquin bëdambocquido icmendac. Aidi nadec onquepanëdash: Cuishonquequin ubi yacno matses iuedembi, quiash matsesacsho icsambuen naquidbimbuecnuc cuidquin mëyanquin ubi cueste napotiaidën dectanendac, quiash dacuëdenquio yec uënësacsho uincuenmiac nidash aton tsadte dapan Nuquin Papa tsadacno aidën dayun abiucquio abitedishun Icbombo yec tsadtuidpanëdash.

Doma 5:3

Nadectsen nuquitedi cuishonquec: Abi tantiaquido icsho utsibon chieshënquin natiamiaqui bëdiactsëc tantiactsëcbuedi chieshtoenquio yec tantiaquidquio yanebi, quectsen nuquitedi cuishonquendac.

Ebedeo 10:34

Adecbidi mibitedi Esuquidistu tantiaquid utsi quënën tsadunaid icsho isash uënësquio icquin aid tantiaquin mimbi nashumpondac. Adecbidi mibi chieshënquidën mitsana bedacsho isash cuishonquepanëdac. Nuquin Papan abi yacnoshon cuna bëdamboshëcquid nibëdantiapimbo icquid bedtequid iquec, quequin tantiec: Bëdambo iquebi, quec mibi cuishonquepanëdac.

Hechos 5:21

Badiadnuc Nuquin Papa tabadte shubu dapa tsicatiaidën puduedshun quënën tsadunmiacsho puduenmiaido Nuquin Papabëd tabadte chuibanuaic tabadpanëdash. Adnubien nëish iua cuessunneshun pichicaquidon chuiquid tapambo yec abëd icquid yec saduseobo yec isadaidbo tsësiobo yec quenuc chochomiash onquecuededshun: Esus chuibennequido ubitedishun quënën tsadunmebuedo bedtan, cac

Hechos 21:13

Adoaquien Pabado: ¿Atotsi quiash shubiquin ubi uënësquio icme? Edusaden yacno nidshun Nuquin Icbo Esusën naid chuibansho bedquin taneshun ubi cuessunnetsiash, quequin tantiaquimbi abi Esus chuibanembi, quepondash.

Uan 3 1:7

Adoac Esus tantiesabo yacno Esus chuibannuec bedanec nidnuen: Ubi nashun, quequin Esus tantiesabo chienquio iccondambi, queposh.