Hechos 5:26 - El Nuevo Testamento en matsés

²⁶ Adsho tantiashun: Quënën nauedaid puduennushe. Ista, quequin isquidon chuiquidën ambi namiaidobëd nidshun bedtanquin bëuapanëdash. Matsesën cuënoten ubi sesenushe, queshun mëyanenquio icquin Esus chuibennequido bëuapanëdash.

Hechos 5:26 Referans Kwoze

Hechos 5:13

Adombuen Esus chuibennequidon nabansho isash Esus tantiesabo dacuëdcuededec aidbëd ictiapimbo iquequi: Esus tantiaquido bëdamboshë iquec, quecuededpanëdash.

Hechos 4:21

Adoaquien: Umbi chiacpaden nainquiocsho issun mibi daëdi mëyanmetsiambique. Baded nidec nid, capanëdash chuiquidon. Ambi dada caputiapimbo icbuedi bëdanmiaidën seta 40ted icpanëdash. Aid bëdanmiacsho isash utsibo: Nuquin Papa bëdamboshë iquec, quec cuëdëncuededpanëdash. Adsho tantiash Petedobëta Uan cuesmete bunquimbi adometiapimbo yec tabadpanëdash chuiquido.

Hechos 5:24

Aden chuisho tantiash: ¿Mitsipadquidien nechitec? quecuededpanëdash Nuquin Papa tabadte shubu dapa isquidon chuiquidobëd nëish iua cuessunneshun pichicaquidon chuiquid tapabo.

Ducas 22:2

Aid uëshë choabicnuc Nuquin Papa ismequin nëish iua cuessunneshun pichicaquidon chuiquidobëd Moisesën chiampid tantiamequido iccuededtednequin: ¿Mitsipaden utsibo ismenquio icquin Esus bedmeshun uënës uametiad? quequin tantiec tabadpanëdash. Aden tantiaquimbi Esusën chuibansho tantiec matses dadpen icsho isash dacuëdquin Esus bedmenquio icpanëdash.

Ducas 20:19

Aden Esusën utsi chiacbimbuen chuisho tantiash: Nuqui naid chiec Esus nec, quiash Nuquin Papa ismequin nëish iua cuessunneshun pichicaquidon chuiquidobëd Moisesën chiampid tantiamequido Esus bedmete bunquimbi matses dadpen Esusën chuisho tantiate bunquido icsho issun dacuëdënquin Esus bedtiapimbo icpanëdash.

Ducas 20:6

Matsesën: Nata, caid Uan niondash, quesho tantiashun iccuededquidon cuënoten nuquitedi sesequin cuessunnetsiash. Nuquin Papan oncamiaidquio Uan niondash, quequin ma aidon tantiapayoc, quepanëdash isadaidbon chuiquido.

Mateo 26:5

Nuquin matses obeca pec tabadnuc bedmenquien ictiad. Esus bëdambocquidi bedec, queshun obeca pec chochoaidon nuqui cuestsiash, quecuededpanëdash.

Mateo 21:26

Matsesën: Nata, caid Uan pado nepadennec, nuqui quesho tantiash nëmbo icquidon: Nuquin Papan oncamiaid Uan pado nepadennec, quequin tantiec nëishtanquin nuqui cuesnushe, quiash dacuëdec: Aden chienquien ictiad, quepanëdash Esus chieshënquido.

Mateo 14:5

Adshumbic Uan cuessunnete bunquimbi matses dadpen: Nuquin Papan oncamiaid Uan nec, quesho tantiashun: Aidon ubi cuessunnetsiash, quequin dacuëdënquin badedi Uan cuessunnenquio icpanëdash.

Mateo 26:58

Adnubien Petedo uannoshon isbëec tsiuec chopanëdash. Adanec Nëish iua cuessunneshun pichicaquidon chuiquid tapan shubu yacno choash tsicatiaid shëcuën puduedpanëdash. Adec puduedash Nuquin Papa tabadte shubu isquido sondado tabadacno Petedo tsadtuidpanëdash. Chuiquidon Esus ¿mitsipadoeque? Isnu, quec adec tsadpanëdash.

Ducas 22:4

nëish iua cuessunneshun pichicaquidon chuiquidobëd Nuquin Papa tabadte shubu dapa yacnoshon namequido iccuededacno isec nidpanëdash. Adec aido yacno nidshun Udasën: Esus mibi bedmete bunebi, quequin chuipanëdash.

Hechos 5:22

quënën tsadunaido puduennushe. Ista, quequin shëcuë isquido nidshun isaquien Esus chuibennequido nibëdec. Adsho istanec chouaquin chuituidec:

Hechos 5:25

Adnubien dada utsi choshon: Mibitedishun quënën tsadunmebuedon Nuquin Papa tabadte shubu dapa yacnoshon chuibanuasho tantiombi, capanëdash.