Hechos 4:34 - El Nuevo Testamento en matsés

³⁴ Adembidi aton nidaid icquidën utsin utsinquien aton nidaid menequin piucquid bedshun Esus chuibennequido menepanëdash. Adembidi aton shubu icquidën utsin utsinquien aton shubu menequin piucquid bedshun ambi bedaidtedi menepanëdash.

Hechos 4:34 Referans Kwoze

Hechos 2:45

Shububëta atona utsi menequin piucquid bedshun utsina nibëdsho issun menepanëdash.

Ducas 16:9

Adquid icnuc ubëd icquido icsho: Aden nata, quequin mibitedi chuinu. Min piucquid utsibo nashunquin bëdambuen tantiaquin menebanta. Aden mimbi uesadtequid icshobi meniannequid yec uënësacsho Nuquin Papan abi yacno mibitedi bëdambuen isquin ënëdenquiocnoc abëdi tabadmendac, quepanëdash Esus.

Ducas 12:33

Ambo nidabi icquin mitsana menebanquin min piucquid bedshun atona nibëdquido menebanta. Aden utsi tantiaquin mimbi nabannuc Nuquin Papan abi yacnoshon menetequid mitsana chodquetiapimbocquid yec ampen bedshuntiapimbocquid yec macumpin udquin icsa uatiapimbocquid yec quec iquendac.

Ducas 22:35

Aden chuishumbic abëd icquido chuiuaquin: Min piucquid yec min shictoadte yec min dashcute utsi yec min tapucudte yec quenuc buanenquio yec nidanneta, umbi cac nidanniash ¿mibitedi bunecta tabado? capanëdash Esusën. Adoaquien: Padenquio, quepanëdash abëd icquido.

Madcos 10:21

Aden chuisho tantiashun bëisquin: Aid tantiembi, quequin ambibi tantiec Esus nadpanëdash: Utsi mimbi padabi iqueque. Tantia. Chuinu. Mimbi dayun uaidtedi uesquin menequin piucquid bedta. Aden bedshumbic piucquid nibëdquido mitsana uesquin menebanta. Adosho issun abuc abëd tabadmenun Nuquin Papan mibi bëdamboshëcquid menetsiash. Adota. Adotanec ubëd iquec cho, capanëdash Esusën.

Mateo 19:21

Adsho tantiashumbien Esusën: Nuquin Papan Chiaid nabanquidquio yec bëdamboshë icquid icte bunquin mimbi dayun uaidtedi uesquin menequin piucquid bedta. Aden bedshumbic piucquid nibëdquido mitsana uesquin menebanta. Adosho issun abëd tabadmenuen Nuquin Papan mibi bëdambuen istsiashe. Adota. Adotanec ubëd iquec cho, capondash.

Timoteo 1 6:19

Aden naic tabadsho: Mimbi bëdambuen naoque. Ubëdi tabadmequin mibi bëdambo icmendambi, Nuquin Papa camenuen adota. Adash uënësacsho Nuquin Papan abëdi mibi tabadmendac padpidec uënëstiapimbo icnuc, quequin atona dadpen dayun uaquid chuita.

Hechos 4:37

Aidëmbi aton nidaid menequin piucquid bedshun ambi bedaidtedi Esus chuibennequido meneuapanëdash.

Santiaco 1:27

Nuquin Papan Chiaid bëdambuen tantiaquid nebi, quequid icquin utsi tantiaquin nëidtedi mëyadsho nashunquid. Nëidic menabo. Nëidic shiadibo. Nëidic niantebo. Aidtedi nashunquido icquin Nuquin Papa tantiesabon nabanacpaden icsambuen nabanenda.

Tesadonica 1 4:12

Adec tabadec: Cuna nibëdeque. Mitsana bec cho, quenquio mibi ictsiac. Mibitedi adquid icsho isash Esus tantiesabo: Esus tantiaquido bëdambuec tabadec, quetsiash.

Codinto 2 8:14

Mitsana dadpen icsho mimbi musucshun meniac atona nibëdquid: Bëdambo iquebi, quetsiash. Uëshë utsin aidën atona dadpen yanshun mitsana nibëdsho issun aidëntsen meniac mibitsen: Bëdambo iquebi, quendac.