Hechos 4:13 - El Nuevo Testamento en matsés

¹³ Adec Uambëd Petedo dacuëdenquio yec cumapenec onquesho tantiash tantiadempambo yec tabadec: Aid daëdi chuiquidpenquio iquequi adecbidi Nuquin Papan Chiampid ismiabicquid iquequi Esusbëd ictennedo aid daëdien nechitec, quequin tantiec chuiquido tabadpanëdash.

Hechos 4:13 Referans Kwoze

Codinto 1 1:27

Adquid icshobi Nuquin Papan tantiamiaido icsho isash dadpen tantiaquido: Ambembi chiec onquequido nec, quequin icsambuen tantiashunchitombi, camenuen dadpen tantiesabobi abi tantiaquido icmiac. Adembidi Nuquin Papan tantiamiaido caic: Chuiquidpenquio nec, quequidobi: Icsambuen tantiashunchitombi, camenuen Nuquin Papan chuiquidpenquiobi abi tantiaquido icmiac.

Uanën dada uaid 7:15

Aden chuibansho tantiashien tantiadempambo yec tabadec cun matses isadaidbo: ¿Mitsipadombuen tantiabenshun chuiquin naic? Ma nuquibëtan Nuquin Papan Chiaid isbanambo aidën icpayoc, quepondash cun matsesën chuiquido.

Mateo 11:25

Adshumbic Esusën naden Nuquin Papa chuipondash: Papa, mibi bëdamboshë iquec. Mibi yacnocquidon Icbo yec nidaidën icquidtedishun Icbobidi mibi nec, Papa. Adquid icquin mimbi tantiamiabi dadpen tantiaquidobëtambi: Cumapenen tantiaquid nebi, quequidombi tantiabi iquec. Adquid icnuc bacuën daëdpactsëc tantiacbimbuen tantiaquido icshobi mimbi tantiamiac.

Mateo 26:73

Adshumbic iuec iuecpactsëcshun ambo tabadquidontsen Petedo chuipanëdash: Aidbëd icquidien mibi nec. Ma mibi nidaid Cadidea yacnocquid onquiacbimbuec onquepayoc, capanëdash.

Uanën dada uaid 7:49

Utsibombien tantiashunash: Adquidon umbi bëdambuen tantiacpadombuen Nuquin Papan: Naden nata, quequin Moises chiampid tantienquio iquec. Aido icsambo iquec. Adquid icsho Nuquin Papan cuidtequido nendac, quepanëdash padiseobo.

Ducas 22:8

Aid uëshë chonoc Uambëta Petedo chuiquin: Obeca caniactsëc cuessunneshun pepampid tantiaquin penun nacnenec nid, capanëdash Esusën.

Mateo 26:71

Adanec daquënë uaid puduedte shëcuë dayun nidash nidtuidpanëdash. Adshobien chido iua utsin: Nasaded yacnocquid Esusbëd ma nëid icpaboc, capanëdash, ambo tabadquido chuiquin.

Uanën dada uaid 19:26

Ambobi chidobo tabadnuc aidën dayun nidpondabi. Adec ambi tantiaidquio ubi icsho issun Esusën aton tita naden chuipondash: Min dayun nidquid cun mado cata, tita. Ma mibi bëdambuen dayun uanu, capondash.

Hechos 4:14

Aden ambi bëdanmebuedbëdi tabadsho isash: Icsambuen mimbi naoc, quequin chuitiapimbo yec chuiquido tabadpanëdash.

Hechos 4:19

Adoaquien Petedobëtan Uanën: ¿Mitsicquidën chiaid umbi natequid icpec? ¿Nuquin Papan Chiaid niacquindambi mimbi chiacpaden nape?

Hechos 4:29

Adquid icquin nëbi Uambëta Petedo chushcasho mimbi tantioc. Cuesambocquid ubitedi icmequin mimbi chiaidquio ubitedi chuibanmeta, Papa.

Hechos 4:31

Aden chuiquin ënnubi abi iccuededacno ishcudishcudpanëdash. Adec ishcudnuc ambocquidtedi Nuquin Papan Mayan Bëdan cumapenen tantiamiaido yampanëdash. Adshun dacuëdenquio icquin Nuquin Papan Chiaid chuibampanëdash.

Hechos 9:27

Adnubien Bednaben Esus chuibennequido iccuededacno buanquin Saudo iuedpanëdash. Aden iuedshun: Saudon Damasco yacno nidquin Nuquin Icbo ispaccosh. Aden ismec Nuquin Icbo Saudobëd onquepaccosh. Adanec shubu dadpen icquid Damasco yacno choshon dacuëdenquio icquin Esus chuibampaccosh, quequin Saudon naid Bednaben chuibampanëdash.

Hechos 9:28

Aden Bednaben chuibanac Esus tantiaquidon Saudo dacuëdënenquio yannubi aidobëdi capuquin Saudon Edusaden yacnoshontsen dacuëdenquio icquin Esus chuibanuapanëdash.

Codinto 1 14:25

Adash: Nëbi Esus tantiate bunebi, queshun ambi icsambuen naid chienquio icbuedëmbi aidtedi chuibanash dannëshën tinquebudshun: Nuquin Papa bëdambo iquec, quequin chuitanec: Abimbo caic. Mibitedibëd Nuquin Papa iquec, quequin Esus tantiaquid yanshun chiendac.

Codinto 2 3:12

Aden tantiaquin: Esuquidistu nuqui tantiaid icsambuen naisa yec nibëdantiapimbocquid nec, quequin dacuëdenquio icquin chuibennequid nebi.