Hechos 3:15 - El Nuevo Testamento en matsés

¹⁵ Aden mibitedishun Esus uënës uamepondac. Aiduidtsëqui Nuquin Papabëd matses tabadmequid icsho uënës uamiacshobien Nuquin Papan uincuenmepaccondash. Aden uincuenmiacsho ubitedishun ispondambi.

Hechos 3:15 Referans Kwoze

Hechos 2:24

Aden mimbi aton dada paëmbo icmequin uënës uacshobien Nuquin Papan: Matsesën nibëdquiecnuc uënësmetiapimbo iquec, queshun Esus uincuenmepaccondash.

Esusën Uan ismiaid 21:6

Adashic padpidec onquec: Umbi chuiboctedimbo nainquin naindambi. Ëndenquimboshë icpampid iquequi nibëdantiapimbo icquid nebi. Adquid icquin umbi uaidtedi nainendambi. Adquid yec ubi chiec acte bundoash: Ubi acte acme, quesho: Piucquid bec cho, quenquio icquin nidaidënuësh acte ushumbo pududquequid cushtoshon amiacbimbuen ënëdenquio yec ubëd tabadtequid icmendambi.

Hechos 2:32

Aden Dabidën chiampicpadembi Nuquin Papan Esus uincuenmepanëdash. Aid uincuenmiacsho isondaido icquin ubitedishun mibitedi chuibanec nebi.

Ebedeo 2:10

Aden: Cuna icmenu, quequin Nuquin Papan abitedi uaquid icquin naden tantiapanëdash: Matses cun madobëta cun champi icmeshun bëdamboshë yacno ubëdi tabadmendambi, quepanëdash. Adshumbic ambi tantiacpadembidi: Esuquidistu matsesmeshun natiamiaqui icsambuen naisa yec abided cuidadec uënësacsho uincuenmeshun ubi yacno matses ubëd tabadmequid icmendambi, capanëdash.

Codinto 1 15:45

Nuquin Papan naden chuiquin dada uamepampic: Bëyuc dada icquid Adan caidba tiboquequid yanmepampic, quequin chuipampic. Adanën tsiuec chomiaid Esuquidistu nec. Aidëmbi abi tantiaquid uënësacsho uincuemeshun Aton Mayanën uënësesa icmendac.

Uanën dada uaid 5:26

Uënësaid uincuenmequidquio icquin Cun Pan ubitsen uënësaid uincuenmequidquiobidi icmiondashi.

Uanën dada uaid 1:4

Aidquio Nuquin Papa yacno tabadmianquid nec. Nuquin Papapadquidquiobidi yec: Nadquio Nuquin Papa iquec, quec tantiamianquidquio Esus nepondash.

Esusën Uan ismiaid 22:17

Adsho tantiashun Nuquin Papan Mayambëtan Obecabimbuecquidën chidobimbuecquidën: Cho, cun Icbo Esus, capec. Adembidi chuibansho Esus tantiaquidotedishun: Cho, cun Icbo Esus, capec. Adshumbic: Acte bundoash ubi acte acme, quesho: Piucquid bec cho, quenquio icquin acte ushumbocquid cushtoshon acmiacbimbuen ënëdenquio icnuc abëd tabadmendac.

Uan 1 5:20

Nadembidi nuqui tantiec. Nuquin Papan Madombo choshon chuibanec: Nuquin Papambo nadquio iquec, quequin tantiamepondash. Adash: Esuquidistu Nuquin Papan mado Nuquin Papapadquidbëd abentsëc yacbimbuec nuquitedi iquec. Aidi Aton Papapadquid icquin abi tantiaquido icsho Nuquin Papa yacno ënëdenquiocnoc tabadmendac, quequimbidi nuqui tantiec.

Ebedeo 5:9

Aden tantiabenash matsesën icsambuen naid bedshunash abided cuidadquid icquin matses Nuquin Papan chiacpadombuen naquido Nuquin Papa yacno ënëdenquio icnuc tabadmequid yanquiopanëdash.

Uanën dada uaid 17:2

Mimbi icmiacpadec abitedishun Icbo icquin mimbi ubi tantiamiaidotedi matses nuquibëd ënëdenquio yec tabadtequido icmendambi, Papa.

Uanën dada uaid 14:6

Adoaquien Esusën: Nuquin Papa yacno nidte tantiamequidquio nebi. Nuquin Papan Chiaiduidtsëqui chiec muesambo nebi. Adquid icnuc ubiuidtsëqui tantiash Nuquin Papa yacno tabadendac.

Uanën dada uaid 4:14

Padnuen umbi acte acmiac acquidtedi padpidec bundoenquio ictsiash. Umbi acte ushumbo pududquequid acmiac ënëdenquio yec ubëd tabadtequid mibi yantsiandac, quepanëdash Esus.

Uanën dada uaid 4:10

Adshobien Esusën naden chuipanëdash: Nuquin Papan bëdambuen isquin natebëta ubi tantiaquid icquin: Acte bec cho, mimbi ubi catsiac. Adsho acte bëdambo icmianquid mibi acmetsiambi, capanëdash.

Esusën Uan ismiaid 22:1

Aden ismeboshombic Nuquin Papabëd icquidën padpiden ismeuaposhi. Adoac acte Nuquin Papabëd tabadmetequid uënësenquio icmetequid icposh. Acte bëdambocquid acte actectsëcquio isadquid nushan nibëdquidquio chëuëdsho ispombi. Aidi Nuquin Papabëd Obecabimbuecquid tsadte dapan tabadacnouëshquio choec chëuëdposh.

Uanën dada uaid 10:28

Aido uënësacsho Nuquin Papa yacno tabadmendambi padpidec uënëstiapimbo icnuc. Uënësabi icsho bëdambuen dayun uaindambi. Umbi adosho icsamianquidën: Iuanu, quequin ubi bedshuntiapimbo iquendac.

Epeso 1:20

Esuquidistu uënësacsho uincuenmeshun abi yacno abuc indoshon min dayun abiucquio mimbi tsadumpanëdac.

Hechos 5:31

Aden uincuenmeshun aton dayun abiucquio tsadmequin abitedishun Icbombo icmeshun abi yacno matses puduedmequidquio Esus icmepanëdash. Aden nabanaid tantiash isadaidbo ma aidquio tantiaquid icpanuna. Adsho issun ma aidon icsambuen naid tantienquio yec Nuquin Papa bëshumpanuna.

Hechos 1:22

Uanën Esus acten mentosho isash niamëdenquio yec Esusbëd capucuenneshun Esus indosho isquidquio icsho: Esus chuibenneta, quequin nuquitedishun abentsëc chuinuna. Adoac Esusën: Ubi chuibenneta, caidobëtan Esus uincuenaid chuibantiad, quepanëdash Petedo ambo iccuededquido chiec.

Ducas 24:48

Ubi nabuedbëta Umbi chuibambuedtedi mibitedishun chuibantequid nendac.

Hechos 4:2

Naden chuisho tantiash nëishquiopanëdash: Esus uënës uacsho Nuquin Papan uincuenmiacpadembi matsestsen uënësacsho uincuenmeuaindac, quequin Petedobëtan Uanën chuibansho tantiash adec nëishcuededpanëdash.

Ebedeo 12:2

Esuquidistu tantiaquionona. Aidëmbi Nuquin Papa tantiameshun abi bëdambuen tantiamequioquin nuqui bëdambuec tabadmequid icquin bëdambocquido icmendac. Aidi nadec onquepanëdash: Cuishonquequin ubi yacno matses iuedembi, quiash matsesacsho icsambuen naquidbimbuecnuc cuidquin mëyanquin ubi cueste napotiaidën dectanendac, quiash dacuëdenquio yec uënësacsho uincuenmiac nidash aton tsadte dapan Nuquin Papa tsadacno aidën dayun abiucquio abitedishun Icbombo yec tsadtuidpanëdash.