Hechos 3:10 - El Nuevo Testamento en matsés

¹⁰ Nuquin Papa tabadte shubu dapa daquënë uaidën puduedte shëcuë Bëdaidquio quequin cuënaid yacno tsadunac tsadec: Piucquid ubi mene, quebuedi capueque. Is, quec tantiadempambo yec dacuëdec tabadquin isbededpanëdash.

Hechos 3:10 Referans Kwoze

Hechos 3:2

Ambo nidnubien dada caputiapimbo yec uishcaid puduedte Shëcuë Bëdaidquio quequin cuënaid yacno utsibon buanshun dectanaid icpanëdash. Aidi anin tishacchobi yec caputiapimbocquid nepanëdash. Adquid icsho badiadquidën badiadquidënquien buandednequin aid shëcuë cuëmano nanded nandedac uequimbi utsi utsiec chochosho issun: ¡Piucquid ubi mene! cabampanëdash.

Uanën dada uaid 9:3

Adoaquien Esus: Padenquio. Aton papabëtan anin icsambuen nasho issun Nuquin Papan cuidquin bëshu uambo iquec. Adecbidi abibi icsatequid nec, quequin tantiaquin Nuquin Papan bëshu uambo icpanëdash. Nadatiambocquin nabanquin bëdanmesho issun: Ma matsesën: Nuquin Papa nadatiambocquin naquid nec, quequin tantianu, queshumbien Nuquin Papan napanëdash.

Uanën dada uaid 5:20

Ubi tantiaquidquio icquin Cun Pan ambi naidtedimbo ubi tantiamec. Adembidi aidën tantiamiacpadombuen nadatiambocquin nabanquin nëid daicsaidquio bëdanmiombi. Adembidi Cun Pan tantiamiacpadombuen uditsëc nadatiambocquin nabanquin dadpen mibitedi ismendambi tantiadempambo yec tabadnuc.

Ducas 9:43

Adosho isash: Nuquin Papan nadatiambocquin naid uinsadpambo iquec, quec isquidotedi tantiadempambo yec tabadpanëdash. Aden tantiec tabadnubi Esusën abëd icquido naden chuipanëdash:

Hechos 2:12

Adash tantiadempambo yec tabadec ¿Mitsi paden tantiequien adec onquepec? quepanëdash Edusaden yacno chochoaido.

Hechos 2:7

¡Padtec! Dacuëdampambo iquec. Ubipadquiequien onquepec. ¿Onquequidotedi nidaid cuëshë Cadidea yacnocquidopenquioda nedic?

Ducas 4:36

Adosho isash tantiadempambo yec tabadcuededec: ¿Mitsi padquid nëid dada nepec? Chuiquid tapan chiacbimbuen nadatiambocquin chuiquin: Dapuduen, cacpadquiequi ma podobitsi icsa dapuduempayoc, quec onquecuededpanëdash.

Mateo 14:35

Pudundosho issun ambocquidon: Bëdanmianquid chosh, quequin uannocquido abitedi chuibenniac daicsaidobëta nënquido Esus yacno bëbëpondash.

Uanën dada uaid 9:8

Adec bëdanash aton shubuno nidacsho issun aton shubu anoentsëc icquidobëtan isenquio tsadec: Piucquid bec cho, quesho isbued utsibon istuidpanëdash. Aden istuidash: Podquied cuëman tsadec: Piucquid bec cho, quesho nuqui isbuedquiobien niacbipec, cabededpanëdash.