Hechos 24:27 - El Nuevo Testamento en matsés

²⁷ Adashic seta daëd matanmiash Podsio Uesto cuëmëdquid cobednadod yampanëdash. Aid cobednadod yannuc nidnu, quequin: Nidta, cainquiocquin Uedisën abi Pabado quënën tsadnubi naden tantiaquin niampanëdash: Pabado quënën tsadunaid ma adequi icnu, quequin umbi nianacsho isash: Bëdambocquid nec, quequin isadaidbon ubi chuibededtsiash, quequin tantiaquin Uedisën Pabado niampanëdash.

Hechos 24:27 Referans Kwoze

Hechos 25:9

Adoaquien: Edusaden yacno buanac amboshon adombuembidi isadaidbo chuiquidon chiaidbëta mimbi naid chuimeuanun ¿adambi mibi ambo buanmepe? quepanëdash Uesto Pabado chiec. Aden buanmesho isadaidbon bëdambuen istsiashi, quequin tantiec Uesto adpanëdash.

Hechos 25:14

Adec choash dadpen ushec tabadsho isash Pabado quënën tsadunmiaid chiec Uesto nadpanëdash: Uedisën quënën tsadunmeshun niannëdaid Pabado cuëmëdquid nuntan abi iquec.

Hechos 12:3

Santiaco cuessunniac caosh, quesho tantiash isadaidbo utsibo: Edodesën bëdambuen nash, quecuededpanëdash. Adec onquiaid tantiashun Edodesën: Esusën: Ubi chuibenneta, caid utsi Petedo bedmeshun quënën tsadunmepanëdash. Aid uëshë isadaidbon pan bidiscamiabi yaid tantiate uëshë icnuc nepanëdash.

Hechos 25:1

Uesto cobednadod yanash Sesadea yacno choash 3tedec ushanec Edusaden yacno nidpanëdash.

Madcos 15:15

Adsho tantiash: Isadaidbon: Bëdambocquid nec, ma ubi canu, queshun Badabas chicpanëdash. Adshumbic: Cueshcaten Esus cacuesmetanquin cueste napotiaidën dectanquin uënës uatan, quequin sondado buanmepanëdash Pidaton.

Cadasia 1:10

¿Mabi matsesën: Mibi bëdambo iquec, canu, quequindambi aden chuibampadi? Padenquio. Nuquin Papambien: Mibi bëdambo iquec, ubi caindac. Matsesën tantiaiduidi chuibanec Esuquidistun iuapenquio ictsiabi.

Hechos 26:32

Aden chiashic: Empedadod chuite bunebi, quiambocsho quënën tsadunacnoshon aidi mimbi chicquin puduenmetsenoc, quepanëdash Aquidipa Uesto chiec.

Hechos 28:30

Adembidi seta daëd matanmec ambi piucquid meniaid shubun tabadquin abi isec chochoquidtedi Pabadon iuedpondash.

Hechos 25:4

Aden chuisho tantiashun Ueston: Sesadea yacnobi Pabado quënën tsadunaid icnuc ambo nidebique.

Hechos 23:35

Aden chiaquien: Mibi icsambocquid nec, caquido chochoacsho issun mimbi nabanaid mibi chuimequin tantiembi, quepanëdash Uedis. Aden chiec onqueshumbic ënden chuiquid tapambo Edodes cuëmëdquidën shubu uaid yacno buanshun nauedmeshun Uedisën: Pabado puduenanec cuennushe. Ista, capanëdash sondado chuiquin.